Deepika.com Nri News :ചാണ്ടി ഉമ്മന്‍റെ വിജയത്തിൽ ലണ്ടൻ ബ്രിഡ്ജിൽ ആഘോഷം; സോളാർ കേസ് സത്യാവസ്ഥ പുറത്ത് കൊണ്ടുവരണമെന്നും ഐഒസി.......

Europe

ചാണ്ടി ഉമ്മന്‍റെ വിജയത്തിൽ ലണ്ടൻ ബ്രിഡ്ജിൽ ആഘോഷം; സോളാർ കേസ് സത്യാവസ്ഥ പുറത്ത് കൊണ്ടുവരണമെന്നും ഐഒസി

Back To NRI Home Forward This News Click here for detailed news of all items

ലണ്ടൻ: പുതുപ്പള്ളി ഉപതെരഞ്ഞെടുപ്പിൽ ചാണ്ടി ഉമ്മൻ നേടിയ ഗംഭീര വിജയത്തിൽ ലണ്ടൻ ബ്രിഡ്ജിൽ ആഘോഷമൊരുക്കി ഐഒസി യൂത്ത് കോൺഗ്രസ്‌ കേരള ചാപ്റ്റർ പ്രവർത്തകർ.

ചാണ്ടി ഉമ്മന്‍റെ ചിത്രവുമായി ലണ്ടൻ ബ്രിഡ്ജിൽ ഒത്തുകൂടിയ പ്രവർത്തകർ കേക്ക് മുറിച്ചും മധുര പലഹാരങ്ങൾ വിതരണം ചെയ്തുമാണ് വിജയം ആഘോഷിച്ചത്.

ലണ്ടൻ ബ്രിഡ്ജിൽ നടത്തിയ ആഹ്ലാദ പ്രകടനമധ്യേ അവിചാരിതമായി ചാണ്ടി ഉമ്മന്‍റെ പോസ്റ്ററു കണ്ടു ലണ്ടനിൽ ചാണ്ടി ഉമ്മൻ നിയമ വിദ്യാർഥിയായിരിക്കെ അദ്ദേഹത്തിന്‍റെ സഹപാഠിയായിരുന്ന തദ്ദേശീയൻ, കാര്യങ്ങൾ ചോദിച്ചറിഞ്ഞ ശേഷം തന്‍റെ അഭിനന്ദനം അറിയിക്കണമെന്ന് പറഞ്ഞത് ഏറെ ഹൃദയസ്പർശിയായി.

ഐഒസി യൂത്ത് കോൺഗ്രസ്‌ കേരള ചാപ്റ്റർ പ്രസിഡന്‍റ് എഫ്രേം സാം, അജി ജോർജ്
എന്നിവർ ആഘോഷങ്ങൾക്ക് നേതൃത്വം നൽകി. ഐഒസി യൂത്ത് കോൺഗ്രസ്‌ കേരള ചാപ്റ്റർ ഭാരവാഹികളായ ബിബിൻ ബോബച്ചൻ, സ്റ്റീഫൻ റോയ്, യൂത്ത് കോൺഗ്രസ്‌ പ്രവർത്തകരായ ടിജോ, സ്നേഹ, ഇമ്മാനുവേൽ, അനൂപ് ജോർജ്, കൊച്ചു കോശി, തോമസ് ജോർജ് എന്നിവർ ആഘോഷ പരിപാടികളിൽ സജീവ പങ്കാളികളായി.

ഉമ്മൻ ചാണ്ടിക്കെതിരേ രാഷ്ട്രീയ എതിരാളികൾ പടച്ചുണ്ടാക്കിയ സോളാർ കേസിന്‍റെ സത്യാവസ്ഥ മറ നീക്കി പുറത്തു കൊണ്ടുവരണമെന്നും അദ്ദേഹത്തിനെതിരേ ഗൂഢാലോചന നടത്തിയ എല്ലാവരെയും സത്യസന്ധവും സുതാര്യവുമായ അന്വേഷണത്തിലൂടെ കണ്ടെത്തി മുഖം നോക്കാതെ നടപടി എടുക്കണമെന്നുമുള്ള പൊതുവികാരം പ്രവർത്തകർ പങ്കുവച്ചു.

അഞ്ചു പതിറ്റാണ്ടിലേറെ ഉമ്മൻ ചാണ്ടി നൽകിയ സ്നേഹവും കരുതലും അദ്ദേഹം നടപ്പാക്കിയ വികസന പദ്ധതികളും പുതുപ്പള്ളിക്കാരുടെ വികാരമാണ്. ചാണ്ടി ഉമ്മൻ എന്ന സ്ഥാനാർഥിയുടെ മികവുറ്റ വ്യക്തിത്വവും പാരമ്പര്യവും ഉന്നത വിദ്യാഭ്യാസയോഗ്യതകളും സ്ഥാനാർഥികളിൽ മേൽക്കൈ നേടിയിരുന്നു.

ഇടതുപക്ഷ സർക്കാരിന്‍റെ ജനദ്രോഹ നടപടികളും കൊള്ളയും വിലക്കയറ്റവും സജീവ ചർച്ചയായ തെരഞ്ഞെടുപ്പിൽ ചാണ്ടി ഉമ്മൻ നേടിയ വൻ വിജയം പിണറായി സർക്കാരിന്‍റെ ധാർഷ്ഠ്യത്തിനു ജനങ്ങൾ ബാലറ്റിലൂടെ നൽകിയ കനത്ത തിരിച്ചടി ആണെന്നും ആഘോഷങ്ങളിൽ പങ്കെടുത്തു സംസാരിച്ചവർ പറഞ്ഞു.

സ്കോട്ട്ലൻഡ് മലയാളി അസോസിയേഷന് പുതിയ നേതൃത്വം.

ഗ്ലാസ്ഗോ: സ്കോട്ട്ലൻഡ് മലയാളി അസോസിയേഷന്‍റ് 2024 2025 വര്‍ഷത്തേക്കുള്ള പുതിയ ഭാരവാഹികളെ ഞായറാഴ്ച നടന്ന വാര്‍ഷിക പൊതു

പ്രേഷിത കുടിയേറ്റവും കുർബാനയോടുള്ള ഭക്തിയുമാണ് പ്രതിസന്ധികളിൽ ക്നാനായ സമുദായത്തെ നിലനിർത്തുന്നത്: മാർ ജോസഫ് പണ്ടാരശേരി.

നോട്ടിംഗ്ഹാം: ക്രൈസ്തവ വിശ്വാസത്തിൽ അധിഷ്ഠിതമായ പ്രേഷിത കുടിയേറ്റമാണ് ക്നാനായ സമുദായം മൂന്നാം നൂറ്റാണ്ട് മുതൽ വിവിധ പ്

ഗ്രേറ്റ് ബ്രിട്ടൻ സീറോ മലബാർ രൂപത വിമൻസ് ഫോറം വാർഷിക സമ്മേളനം ശനിയാഴ്ച; ഡോ. മരിയ സർവിനോ മുഖ്യാതിഥി‌.

ബർമിംഗ്ഹാം: സീറോ മലബാർ രൂപത വിമൻസ് ഫോറം വാർഷിക സമ്മേളനം "ടോട്ട പുൽക്രാ' ശനിയാഴ്ച ബർമിംഗ്ഹാം ബെഥേൽ കൺവെൻഷൻ സെന്‍ററ

ക്രിസ്മസ് ആൽബം "രാരീരം സദ്‌വാർത്ത' ഇന്ന് റിലീസ് ചെയ്യും.

ബർലിൻ: 1988 മുതൽ ക്രിസ്തീയ ഭക്തിഗാന മേഖലയിൽ തനതായ വ്യക്തിമുദ്ര പതിപ്പിച്ച കുമ്പിൾ ക്രിയേഷൻസ് ഇത്തവണയും ക്രിസ്മസ് സ

കാരുണ്യത്തിന്‍റെ കരസ്പര്‍ശവുമായി വീണ്ടും സമീക്ഷ യുകെ.

ലണ്ടൻ: ക്രിസ്മസ് ആഘോഷവേളയിൽ പാലക്കാട് ജില്ലയിലെ പത്ത് നിർധനരായ കുട്ടികളുടെ രണ്ടു വർഷത്തെ ഉപരിപഠന ചെലവ് ഏറ്റെടു