ന്യൂയോർക്ക്: വേൾഡ് മലയാളി കൗൺസിൽ ന്യൂയോർക്ക് പ്രോവിൻസ് ഓണാഘോഷവും അടുത്ത രണ്ടു വർഷത്തേക്ക് പുതുതായി തെരഞ്ഞെടുക്കപ്പെട്ട ഔദ്യോഗിക ഭാരവാഹികളുടെ സ്ഥാനാരോഹണവും ഇന്ന് വൈകുന്നേരം അഞ്ച് മുതൽ ന്യൂയോർക്ക് എൽമോണ്ടിലുള്ള സെന്‍റ് വിൻസെന്‍റ് ഡീപോൾ പള്ളി ഓഡിറ്റോറിയത്തിൽ വച്ച് (1500 De Paul Street, Elmont, NY 11003) അതി വിപുലമായി നടത്തപ്പെടുന്നു.
ആലത്തൂർ എംപി രമ്യ ഹരിദാസ് മുഖ്യാതിഥിയായി ആഘോഷത്തിൽ പങ്കെടുക്കും. വേൾഡ് യോഗാ കമ്യൂണിറ്റി സ്ഥാപക ചെയർമാൻ ഗുരുജി ദിലീപ്‌ജി മഹാരാജ് ഓണസന്ദേശം നൽകും.
ഓണാഘോഷത്തോട് അനുബന്ധിച്ച ചടങ്ങിൽ വേൾഡ് മലയാളി കൗൺസിൽ (ഡബ്ല്യുഎംസി) ഗ്ലോബൽ പ്രസിഡന്റ് ആയി തെരഞ്ഞെടുക്കപ്പെട്ട തോമസ് മൊട്ടക്കൽ, ഡബ്ല്യുഎംസി അഡ്മിൻ വൈസ് പ്രസിഡന്റ് ഡോ. തങ്കം അരവിന്ദ്, ഡബ്ല്യുഎംസി അമേരിക്കൻ റീജിയൺ പ്രസിഡന്റ് ജിനേഷ് തമ്പി, പ്രവാസികൾക്കായുള്ള ഡബ്ല്യുഎംസി ഗ്ലോബൽ ഒസിഐ സെർവീസസ് കമ്മിറ്റി ചെയർമാൻ മാത്യുക്കുട്ടി ഈശോ എന്നിവരെ ആദരിക്കും.
20232025 വർഷത്തേക്ക് തെരഞ്ഞെടുക്കപ്പെട്ട ന്യൂയോർക്ക് പ്രൊവിൻസ് ഔദ്യോഗിക ഭാരവാഹികളുടെ സ്ഥാനാരോഹണ ചടങ്ങും അന്നേ ദിവസം നടത്തും.
പുതുതായി ചുമതല ഏൽക്കുന്ന ഡബ്ല്യുഎംസി ന്യൂയോർക്ക് പ്രോവിൻസ് ചുമതലക്കാർ: വർഗീസ് പി.എബ്രഹാം (രാജു) (ചെയർമാൻ), സിസിലി ജോയ്, ഈപ്പൻ ജോർജ് (വൈസ് ചെയർമാന്മാർ), ബിജു ചാക്കോ (പ്രസിഡന്റ്), സജി തോമസ്, ഏലിയാമ്മ അപ്പുക്കുട്ടൻ, അബ്രഹാം സി. തോമസ് (വൈസ് പ്രസിഡന്‍റുമാർ),
സക്കറിയാ മത്തായി (സെക്രട്ടറി), ബിജോയ് ജോയി (ജോയിന്‍റ് സെക്രട്ടറി), ജെയിൻ ജോർജ് (ട്രെഷറർ), അജിത് കുമാർ (ജോയിന്‍റ് ട്രെഷറർ), മാത്യുക്കുട്ടി ഈശോ (ഉപദേശക സമിതി ചെയർമാൻ), പോൾ ചുള്ളിയിൽ, ജെയ്‌സൺ ജോസഫ് (ഉപദേശക സമിതി അംഗങ്ങൾ),
ഡോ. നിഷാ പിള്ള (വിമൻസ് ഫോറം ചെയർ), ഗ്രേസ് അലക്സാണ്ടർ (വിമൻസ് ഫോറം സെക്രട്ടറി), തോമസ് മാത്യു, ഷാജി എണ്ണശേരിൽ (മീഡിയ കോഓർഡിനേറ്റേഴ്‌സ് പിആർഒ), കോശി ഒ. തോമസ് (തെരഞ്ഞെടുപ്പ് കമ്മീഷണർ),
ജിമ്മി സ്കറിയ (യൂത്ത് ഫോറം സെക്രട്ടറി), ഹേമചന്ദ്രൻ പെരിയാൽ (ബിസിനസ് ഫോറം ചെയർമാൻ), സാനു മാത്യു, മേരി ഫിലിപ്പ്, മുരളി രാഘവൻ, സോണി അലക്സ്, സന്തോഷ് ചെല്ലപ്പൻ (എക്സിക്യൂട്ടീവ് കമ്മിറ്റി അംഗങ്ങൾ).
ഓണസദ്യ, കലാപരിപാടികൾ, ഗ്ലോബൽ ഭാരവാഹികളെ ആദരിക്കൽ, പുതിയ ചുമതലക്കാരുടെ സ്ഥാനാരോഹണം എന്നിങ്ങനെ വൈവിധ്യമാർന്ന പരിപാടികളുമായാണ് ഡബ്ല്യുഎംസി ന്യൂയോർക്ക് പ്രൊവിൻസ് ഇത്തവണത്തെ ഓണാഘോഷങ്ങൾ സംഘടിപ്പിച്ചത് എന്ന് സെക്രട്ടറി ജെയിൻ ജോർജ് അറിയിച്ചു.
ഓണാഘോഷത്തിലും സ്ഥാനാരോഹണ ചടങ്ങിലും എല്ലാവരും വന്നു ചേർന്ന് പരിപാടി വിജയിപ്പിക്കണമെന്ന് പ്രസിഡന്റ് ഈപ്പൻ ജോർജ് പറഞ്ഞു.
കൂടുതൽ വിവരങ്ങൾക്ക്: വർഗീസ് എബ്രഹാം (516)4569740, ഈപ്പൻ ജോർജ് (718)7534772, ജെയിൻ ജോർജ് (516)2257284, അജിത് കുമാർ (516)4308564.
|