ഡാളസ്: ഓഗസ്റ്റ് 26ന് രാവിലെ ഡാളസ് സൗഹൃദ വേദി കൊണ്ടാടിയ ഓണാഘോഷം മേന്മയുടെ ഗംഭീരമായി പര്യവസാനിച്ചു. പ്രസിഡന്‍റ് എബി തോമസിന്‍റെ അധ്യക്ഷതയിൽ കൂടിയ സമ്മേളനത്തിൽ ഡാളസിലെ കലാ സാംസ്‌കാരിക മലയാള ഭാഷാ സ്‌നേഹി ജോസ് ഓച്ചാലിൽ ഓണസന്ദേശം നൽകി.
ഡാളസ് സൗഹൃദവേദി സെക്രട്ടറി അജയകുമാർ സ്വാഗതം ആശംസിച്ചു. ഓണാഘോഷ പരിപാടികളുടെ മെഗാ സ്പോൺസറും പ്രീമിയർഡെന്‍റൽ ക്ലിനിക് ഉടമയുമായ ഡോ.എബി ജേക്കബ്, കലാസാംസ്‌കാരിക നേതാവുംഡാളസ് മലയാളികളുടെ വിശ്വസ്ത റിയൽ എസ്റ്റേറ്റ് & മൊട്ടഗേജ് ലോൺ ഓഫീസറുമായ ജോസെൻ ജോർജ് എന്നിവർ ആശംസാ പ്രസംഗങ്ങൾ നടത്തി.
പ്രസിഡന്‍റ് എബി തോമസ്, ചീഫ്ഗസ്റ്റ് ജോസ് ഓച്ചാലിൽ, മെഗാ സ്പോൺസർ ഡോ.എബി ജേക്കബ്, ഗ്രാന്‍റ് സ്പോൺസർ ജോസിന് ജോർജ്, സെക്രട്ടറി അജയകുമാർ പ്രോഗ്രാംഎംസി സുനിത എന്നിവർ നിലവിളക്ക് കത്തിച്ചു കലാപരിപാടികൾക്ക് തുടക്കം ഇട്ടു.
പ്രശസ്തിയുടെ കുതിപ്പിലേക്കു കയറി കൊണ്ടിരിക്കുന്ന ഡാളസിലെ ഗായകൻ അലക്സാണ്ടർ പാപ്പച്ചൻ അതിമനോഹരമായ ഓണപ്പാട്ട് പാടി സദസിന്‍റെ പ്രശംസ പിടിച്ചു പിടിച്ചു പറ്റി.
പ്രോഗ്രാം എംസി സുനിത ജോർജ് പട്ടു പാടി, ഡാൻസ് ചെയ്തു സ്റ്റേജിൽ എത്തിയതോടു കൂടി കലാപരിപാടികൾക്കു ഓരോന്നായി തുടക്കം ഇട്ടു.
ഓണാഘോഷ പരിപാടികൾ കാണുവാനും സദസിനെ ആശീർവദിക്കുവാനുമായി എത്തിച്ചേർന്ന മഹാബലിതമ്പുരാന്‍റെ എഴുന്നള്ളത്തു ഒരു വിസ്മയകാഴ്ചയായി സദസിനു അനുഭവപെട്ടു.
താലപ്പൊലിയേന്തിയ ബാലിക ബാലന്മാരുടെയും വനിതകളുടെയുംഅകമ്പടി ചാർത്തി വാദ്യഘോഷചെണ്ടമേള സംഘത്തോടൊപ്പം ആയിരുന്നു മഹാബലി തമ്പുരാൻ സ്റ്റേജിലേക്ക് എഴുന്നളിയത്.
പരിപാടികളുടെ തുടക്കം എന്ന നിലയിൽ കാണികളെ അതിശയിപ്പിക്കുന്ന അതിമനോഹരമായ തിരുവാതിര കളി സ്റ്റേജിൽഅവതരിപ്പിച്ചത് രാഖി & ടീം ആയിരുന്നു.
തുടന്ന് സദസിനു വിനോദം പകർന്നുകൊടുത്തു കൊണ്ട് സജി കോട്ടയാടിയിൽ മലയാളസിനിമ താരങ്ങളെ അനുകരിച്ചു മിമിക്രി അവതരിപ്പിച്ചു. മികച്ച പ്രകടനം സദസിന്‍റെ കൈയടി വാങ്ങി കൂട്ടി. ടോം കറുകച്ചാലിന്‍റെ ഹാസ്യാനുകരണ പ്രകടനവും ഗംഭീരമായിരുന്നു.
കാണികളെ ആശ്ചര്യഭരിതമാക്കിയ മുഹൂർത്തം ആയിരുന്നു പൂജാ ജയന്ത് എന്ന കുട്ടിയുടെ ഭരതനാട്യം ഡാൻസ്. മികച്ച പ്രകടനം കാഴ്ചവച്ച പൂജയ്ക്ക്‌ നിലയ്ക്കാത്ത കരഘോഷത്തിലൂടെ സദസ്യരുടെ അഭിനന്ദനം ഏറ്റു വാങ്ങി.
ഷെജിൻ ബാബു, രഞ്ജിത് എബ്രഹാം, ഷാജി തോമസ് തുടങ്ങിയവർ ശ്രുതി മധുരമായ പാട്ടുകൾ പാടിമലയാളി മനസുകളിൽ സ്ഥാനം ഉറപ്പിച്ചു. പരിപാടികളിൽ അതിശ്രേദ്ധേയം ആയിരുന്നു പ്രഫസർ ജെയ്സി ജോർജ് & ടീം അവതരിപ്പിച്ച വില്ലടിച്ചാം പാട്ട്.
നാടൻ സംസ്കാരം പുതുതലമുറയെ ഓർമപ്പെടുത്തൽആയിരുന്നു ഈ പുരാതനമായകലയിലൂടെ പ്രകടമായത്. മാത്യു മത്തായി, ജോർജ് വറുഗീസ്, വിനു പിള്ള, ദീപ തോമസ്, ലിൻസി വിനു, ജെൻസി തോമസ്, ജാൻസി കണ്ണങ്കര തുടങ്ങിയ എട്ടുഅംഗങ്ങളുള്ള ഈ ടീം നടത്തിയ അഭ്യാസം കാണികളുടെ നീണ്ട കൈയടി ഏറ്റുവാങ്ങിയതോടൊപ്പം ഡാളസ് സൗഹൃദവേദി സെക്രട്ടറി അജയകുമാർ പ്രത്യേകഅനുമോദനം അറിയിക്കുകയും ചെയ്തു.
സാബു കിച്ചൺ സ്പോൺസർ ചെയ്ത ഓണക്കോടികൾ നറുക്കെടുപ്പിലൂടെ ജോസ് ഓച്ചാലിൽ, എബി തോമസ് എന്നിവർ സമ്മാന ദാനം നിർവഹിച്ചു. തുടർന്ന് ട്രെഷറർ ബാബു വർഗീസ് കൃതജ്ഞത അറിയിച്ചു.
രുചി കൂട്ടുകളുടെ ഓർമപ്പെരുനാളിയിരുന്നു ഡാളസ് സൗഹൃദ വേദി ഒരുക്കിയ ഓണ സദ്യ.നടൻ ശൈലിയിൽ ഇലയിൽവിളമ്പിയ ഊണിനെ പറ്റി എല്ലാവരും നല്ല അഭിപ്രായം പറഞ്ഞു. ഓണസദ്യ പ്രത്യേക രീതിയിൽ വിഭവം ചെയ്തു തന്നതു കാരോൾട്ടൻ ജോസിലുള്ള സാബു കിച്ചൺ ആയിരുന്നു.
കലാ സംകാരിക നേതാക്കളായ ഗോപാല പിള്ള, ഷിജു എബ്രഹാം, ജോൺസൺ തലച്ചെല്ലൂർ, പ്രഫസർ എലിസബത്ത് ജോസഫ്, രാജു വറുഗീസ്, ആൻസി തലച്ചെല്ലൂർ, ശ്രീസാം മേലെത്തു തുടങ്ങിയവർ പ്രോഗ്രമിന്‍റെ ആദ്യാവസാനം വരെ സംബന്ധിച്ചു.
ഗംഭീര പരിപാടികളുമായി രണ്ടരമണിക്കൂർ സമയം കാണികൾക്കു ഒരുക്കികൊടുത്തത് പുരാതന സ്മരണകളിൽ നിന്നും ചില ഓർമകളെ വീണ്ടും ഓർമിപ്പിക്കുന്ന അനുഭവങ്ങളായിരുന്നു. സാഹോദര്യത്തിന്‍റെയും ഒരുമയുടെയും തിരുവോണ സന്ദേശങ്ങൾ ഡാളസ് സൗഹൃദ വേദിയുടെ ഓണാഘോഷ പരിപാടിയിൽ പ്രകടമായിരുന്നു.
|