ഡാളസ്: നവംബർ 23 മുതൽ 25 വരെ ഹൂസ്റ്റൺ സത്യാനന്ദ സരസ്വതി നഗറിൽ നടക്കുന്ന ഹിന്ദു മഹാസംഗമത്തിന്റെ ഡാളസ് റീജൻ രജിസ്ട്രേഷന് ശുഭാരംഭം. 13നു ഡാളസ് ശ്രീ ഗുരുവായൂരപ്പൻ ക്ഷേത്ര ഓഡിറ്റോറിയത്തിൽ വൻ ജനാവലിയുടെ സാന്നിധ്യത്തിലായിരുന്നു രജിസ്ട്രേഷന് തുടക്കം കുറിച്ചത്.
ഡാളസ് ശ്രീ ഗുരുവായൂരപ്പൻ ക്ഷേത്ര ഉച്ച പൂജക്കുശേഷം, ക്ഷേത്ര തിരുമുറ്റത്ത് ‘പറയെടുപ്പോടു’ കൂടി പരിപാടികൾ ആരംഭിച്ചത്.
ഓഡിറ്റോറിയം നിറഞ്ഞ് കവിഞ്ഞ ജനാവലി, രണ്ടു പതിറ്റാണ്ടിലേറെയായി അമേരിക്കയിൽ പ്രവർത്തിക്കുന്ന കെഎച്ച്എൻഎയ്ക്കു നോർത്ത് അമേരിക്കയിലെ എല്ലാ മലയാളി ഹിന്ദു കുടുംബങ്ങളെയും ഒരേ കുടക്കീഴിൽ അണിനിരത്താൻ സാധിക്കും എന്നതിന് ഉദാഹരണമാണ് എന്ന് സംഘാടകർ അറിയിച്ചു.
കെഎച്ച്എൻഎ പ്രസിഡന്റ് ജി.കെ.പിള്ള, സ്ഥാപക അധ്യക്ഷൻ കെ.ജി. മന്മഥൻ നായർ, മുൻ പ്രസിഡന്റ് ടി.എൻ. നായർ, കെഎച്ച്എസ് ചെയർ രാമചന്ദ്രൻ നായർ, കൺവെൻഷൻ ചെയർ രഞ്ജിത്ത് പിള്ള, ശാന്തമ്മ എന്നിവര് സംയുക്തമായി നിലവിളക്ക് കൊളുത്തി കെഎച്ച്എൻഎ ഡാളസ് റീജൻ രജിസ്ട്രേഷൻ ഉദ്ഘാടനം ചെയ്തു.
കെഎച്ച്എൻഎ എക്സിക്യൂട്ടീവ് സെക്രട്ടറി സഞ്ജീവ് ഷണ്മുഖം പിള്ള സ്വാഗതം പറഞ്ഞു. പ്രസിഡന്റ് കേശവൻ നായർ, വൈസ് പ്രസിഡന്റ് വിപിൻ പിള്ള, കേരള അസോസിയേഷൻ പ്രസിഡന്റ് ഹരിദാസ് തങ്കപ്പൻ, എൻഎസ്എസ് നോർത്ത് ടെക്സസ് മുൻ പ്രസിഡന്റ് വിനു പിള്ള തുടങ്ങി അനേകം വിശിഷ്ട വ്യക്തികള് ചടങ്ങിനു സാക്ഷ്യം വഹിച്ചു.
ജി.കെ.പിള്ള നവംബറിൽ നടക്കുന്ന കൺവെൻഷനിലേക്കു ഏവരെയും സ്വാഗതം ചെയ്തു. ഈ മഹാസംഗമം ഒരു വൻ വിജയമാക്കാൻ കെ.ജി. മന്മഥൻ നായർ, വടക്കേ അമേരിക്കയിലുള്ള മലയാളി ഹിന്ദു കുടുംബങ്ങളോട് ആഹ്വാനം ചെയ്തു.
അമേരിക്കയിൽ അങ്ങോളമിങ്ങോളമുള്ള കേരള ഹിന്ദു യുവതലമുറയുടെ കൂട്ടായ്മ വളർത്തുന്നതിൽ കെഎച്ച്എൻഎ വഹിക്കുന്ന പങ്കിനെക്കുറിച്ചു ടി.എൻ.നായർ സൂചിപ്പിച്ചു. തുടർന്ന് സദസിനെ സംബോധന ചെയ്ത രഞ്ജിത്ത് പിള്ള, ലിംഗപ്രായ ഭേദമന്യേ അമേരിക്കൻ ഹിന്ദു കുടുംബാംഗങ്ങളിൽ കെഎച്ച്എൻഎ നൽകുന്ന സാമൂഹിക സാംസ്കാരിക മൂല്യങ്ങളുടെ സംഭാവനയെ കുറിച്ച് വളരെ വിശദമായി പ്രതിപാദിച്ചു.
ഹിന്ദു വിദ്യാർഥികളുടെ ഉന്നമനത്തിനായിട്ടുള്ള എച്ച് കോറിന്റെ (ഹിന്ദു കോർ) പ്രവർത്തനങ്ങളെക്കുറിച്ചു ഡയറക്ടർ ബോർഡ് മെമ്പർ ഡോ.ബിജു പിള്ള വിശദീകരിച്ചു.
തുടർന്ന് ഡാളസ് ഫോർട്ട് വോർത്തിൽ കലാസാംസ്കാരിക മേഖലകളിൽ ശ്രദ്ധേയമായ സംഭാവനകൾ നൽകിയ മിനി ശ്യാം, ദിവ്യ സനൽ, രാഖി അനൂപ്, ദിവ്യ മേനോൻ, ലക്ഷ്മി വിനു, ലിപ്സ വിജയ്, അഞ്ജലി നന്ദൻ, അനഘ നായർ എന്നിവരെ കെഎച്ച്എൻഎ ആദരിച്ചു.
കെഎച്ച്എൻഎ ഡാളസ് റീജൻ ആദ്യ പ്രീമിയം രജിസ്ട്രേഷൻ ഫോം കെ.ജി. മന്മഥൻ നായർ, ടി.എൻ. നായർ, രാമചന്ദ്രൻ നായർ എന്നിവരിൽ നിന്നും ജി.കെ.പിള്ള സ്വീകരിച്ചു.
സജി നായർ, സന്തോഷ് കുമാർ, സതീഷ് ചന്ദ്രൻ, രവീന്ദ്രൻ നായർ, അരുൺ വിദ്യാധരൻ, സുഗതൻ മാലോഡ്, ജ്യോതിക് തങ്കപ്പൻ, മനോജ് കുമാർ, രാകേഷ് സി, ശാന്തമ്മ നായർ, സച്ചിൻ തങ്കച്ചൻ, വിപിൻ പിള്ള തുടങ്ങിയ പ്രമുഖരും രജിസ്ട്രേഷൻ ഫോം സമർപ്പിച്ചവരിൽപ്പെടും.
കൺവെൻഷൻ ജനറൽ കൺവീനർ അശോകൻ കേശവൻ, ട്രസ്റ്റി ബോർഡ് അംഗം അനിൽ ആറന്മുള, പൊങ്കാല കോ ചെയർ ഗിരിജ ബാബു, പ്രോസഷൻ ചെയർ അനിത മധു, ഡയറക്ടർ ബോർഡ് മെമ്പർ സുജി വാസവൻ, രജിസ്ട്രേഷൻ ചെയർ സുബിൻ, പ്രതീഷൻ പനഞ്ചേരി, എന്നിവരും പരിപാടികളിൽ സാന്നിധ്യമായി. രവി എടത്വ, ബോബി റെറ്റിന, സൂര്യ എന്നിവർ ശുഭാരംഭത്തിൽ മീഡിയ സാന്നിധ്യമായി.
ഹൃദ്യവും ഗംഭീരവുമായി ശുഭാരംഭം നടത്തുന്നതിനായി കെഎച്ച്എൻഎ ഡാളസ് ടീം നേതൃനിരയിലുള്ള അനൂപ് രവീന്ദ്രനാഥ്, രാഖി അനൂപ്, ഹിമ രവീന്ദ്രനാഥ്, രമേശ്, വിനീത പ്രശാന്ത്, പൂർണിമ രാഗേഷ്, മനോജ് കുമാർ, രാഗേഷ്, പ്രശാന്ത്, ദിവ്യ മേനോൻ, ജ്യോതിക് എന്നിവർ വഹിച്ച പങ്കു സ്തുത്യർഹമാണെന്നു കെഎച്ച്എൻഎ എക്സിക്യൂട്ടീവ് സെക്രട്ടറി സഞ്ജീവ് ഷണ്മുഖം പിള്ള അഭിപ്രായപ്പെട്ടു.
ക്ഷണം സ്വീകരിച്ച എത്തിച്ചേർന്ന എല്ലാ വിശിഷ്ട വ്യക്തികൾക്കും അനൂപ് രവീന്ദ്രനാഥ് നന്ദി രേഖപ്പെടുത്തി. പരിപാടികൾക്ക് തിരശീല ഇട്ടു കൊണ്ട് രൂപേഷ് കുമാർ, അയ്യപ്പൻ കുട്ടി എന്നിവരുടെ നേതൃത്ത്വത്തിൽ നടന്ന ചെണ്ടമേളം കേരള ഹിന്ദു ക്ഷേത്ര പാരമ്പര്യത്തിന്റെ ഒരു ഓര്മ പുതുക്കല് ആയി മാറി.
|