ഡാളസ്: മാര്‍ത്തോമ്മ സഭയുടെ നോര്‍ത്ത് അമേരിക്കയൂറോപ്പ് ഭദ്രാസനത്തിന്‍റെ സൗത്ത് വെസ്റ്റ് റീജിയണിന്‍റെ ആഭിമുഖ്യത്തില്‍ മാര്‍ത്തോമ വോളന്‍ററി ഇവാന്‍ഞ്ചലിസ്റ്റ് അസോസിയേഷന്‍ (ഇടവക മിഷന്‍), സേവികാസംഘം, സീനിയര്‍ ഫെലോഷിപ്പ് എന്നീ സംഘടനകളുടെ 10ാമത് സംയുക്ത കോണ്‍ഫ്രറന്‍സ് മാര്‍ച്ച് 17, 18 (വെള്ളി, ശനി) തീയതികളില്‍ ഡാളസ് കരോള്‍ട്ടന്‍ മാര്‍ത്തോമ ദേവാലയത്തില്‍ (1400 W.Frankford Rd, Carrollton, Tx 75007) നടത്തപ്പെടുന്നു.
റവ. ഏബ്രഹാം തോമസ് (ഡാളസ്), റവ. സാം കെ. ഈശോ (ഹൂസ്റ്റൺ ) എന്നിവരാണ് കോൺഫറൻസിന്‍റെ മുഖ്യ ലീഡേഴ്സ്. കോൺഫറൻസ് പ്രസിഡന്‍റായി റവ. തോമസ് മാത്യു പി, ജനറൽ കൺവീനർ ആയി സജി ജോര്‍ജ് എന്നിവർ പ്രവര്‍ത്തിക്കുന്നു. ദൈവ വചനം വെളിപ്പെടുത്തുക ദൈവ സ്നേഹം പങ്കുവെക്കുക (2 കൊരി 3:18) എന്നതാണ് കോൺഫറൻസിന്‍റെ മുഖ്യ ചിന്താവിഷയം.
സൗത്ത് വെസ്റ്റ് റീജണൽ ഉള്‍പ്പെടുന്ന ഡാളസ്, ഹൂസ്റ്റണ്‍, ഒക്‌ലഹോമ, ഓസ്റ്റിന്‍, ലബക്ക്, സാൻ അന്റോണിയോ എന്നിവിടങ്ങളിലുള്ള മാര്‍ത്തോമ ദേവാലയങ്ങളിലെ അംഗങ്ങളും വൈദീകരുമാണ് രണ്ടുദിവസം നീണ്ടുനില്‍ക്കുന്ന ഈ കോണ്‍ഫറന്‍സില്‍ സംബന്ധിക്കുന്നത്.
എല്‍സി ജെ. ഏബ്രഹാം (ഷേര്‍ളി) (രജിസ്‌ട്രേഷന്‍ & ഹോസ്പിറ്റാലിറ്റി), ബായ് ഏബ്രഹാം മാത്യു (ഫിനാന്‍സ് & ഫുഡ്). വര്‍ക്കി എം. ജേക്കബ് (പ്രയര്‍ സെല്‍), റിന്‍സി മാത്യു (മെഡിക്കല്‍), ഷാജി എസ്. രാമപുരം (മീഡിയ & പബ്ലിസിറ്റി, അക്കമോഡേഷന്‍ & ട്രാന്‍സ്‌പോര്‍ട്ടേഷന്‍), മോളി സജി (തീം പ്രസന്റേഷന്‍), മറിയാമ്മ മാത്യു (ക്വയര്‍) എന്നിവര്‍ കണ്‍വീനറുന്മാരായി വിപുലമായ സബ് കമ്മറ്റികൾ കോൺഫറൻസിന്‍റെ വിജയത്തിനായി പ്രവർത്തിക്കുന്നു.
ദൈവ സ്നേഹത്തിൽ ഒരുമിച്ച് ചേർന്ന് വചനം പഠിക്കുന്നതിനും, അനുഭവങ്ങൾ പങ്കുവയ്ക്കുന്നതിനും, വരുംതലമുറയെ ക്രിസ്തുവുമായി ചേർത്തു നിർത്തുക എന്ന ലക്ഷ്യത്തോടെ നടത്തപ്പെടുന്ന ഈ കോൺഫ്രറൻസിന്‍റെ അനുഗ്രഹത്തിനായി ഏവരുടെയും പ്രാർഥനയും സഹകരണവും ഉണ്ടാകണമെന്ന് പ്രസിഡന്‍റ് റവ. തോമസ് മാത്യു.പി, ജനറൽ കൺവീനർ സജി ജോർജ് എന്നിവർ അറിയിച്ചു.
|