ബെർലിൻ: ജർമനിൽ ഒരു ദശാബ്ദത്തിനിടെ ഇന്ത്യൻ ഐടി ജീവനക്കാരുടെ എണ്ണത്തിൽ 550 ശതമാനത്തിലധികം വർധനയുണ്ടായി. ജർമ്മൻ ഐടി മേഖലയിൽ ജോലി ചെയ്യുന്ന വിദേശികളുടെ എണ്ണം 2012 മുതൽ നാടകീയമായി വർധിച്ചുവെങ്കിലും ആരെയും അത്ഭുതപ്പെടുത്തുന്ന രീതിയിലാണ് ഈ മേഖലയിൽ ഇന്ത്യക്കാരുടെ വർധന ഉണ്ടായിരിയ്ക്കുന്നത്.
കൊളോണ് ആസ്ഥാനമായുള്ള ജർമ്മൻ ബിസിനസ് ഇൻസ്ററിറ്റ്യൂട്ടിന്റെ (കണ) ഒരു പുതിയ പഠനമനുസരിച്ച്, 2012 മുതൽ ജർമനിയിൽ ടഠഋങ അതായത് (സയൻസ്, ടെക്നോളജി, എഞ്ചിനീയറിംഗ്, കണക്ക്) പ്രൊഫഷനുകളിലെ വിദേശ ജീവനക്കാരുടെ എണ്ണം ഗണ്യമായി വർധിച്ചു. 2012ന്റെ ആദ്യ പാദത്തിനും 2022ന്റെ രണ്ടാം പാദത്തിനും ഇടയിൽ, ടഠഋങ (സയൻസ്, ടെക്നോളജി, എഞ്ചിനീയറിംഗ്, കണക്ക്) മേഖലകളിൽ ജോലി ചെയ്യുന്ന ജർമൻ പാസ്പോർട്ട് ഉടമകളുടെ എണ്ണം 35.6 ശതമാനം വർധിച്ചു. എന്നാൽ ജർമൻ പാസ്പോർട്ട് ഇല്ലാത്ത ജീവനക്കാരുടെ വർധന 171.7 ശതമാനമായി ഉയർന്നു.
ടഠഋങ പ്രൊഫഷനുകളിൽ, യുറോപ്യൻ യൂണിയൻ ഇതര രാജ്യങ്ങളിൽ നിന്നുള്ള ഉയർന്ന യോഗ്യതയുള്ള ആളുകളുടെ കുടിയേറ്റം പ്രത്യേകിച്ചും നന്നായി പ്രവർത്തിക്കുന്നു. കാരണം ശാസ്ത്ര നിയമങ്ങളോ പ്രോഗ്രാമിംഗ് ഭാഷകളോ ലോകമെന്പാടും ബാധകമാണ്. വിദേശത്ത് നേടിയ കഴിവുകൾ ജർമനിയിൽ നന്നായി ഉപയോഗിക്കാനാകും. ഇന്ത്യയിൽ നിന്നുള്ള ഈ മേഖലകളിലെ വിദേശ ജീവനക്കാരുടെ ശതമാനം കുത്തനെ ഉയർന്നു (558 ശതമാനം), തുർക്കി (196 ശതമാനം), ഇറ്റലി (125 ശതമാനം), ചൈന (122 ശതമാനം വരെ).
ഒരു ദശാബ്ദം മുന്പ്, ജർമനിയിൽ 3,700 ഓളം ഇന്ത്യക്കാർ അക്കാദമിക് ടഠഋങ പ്രൊഫഷനുകളിൽ ജോലി ചെയ്തിരുന്നു. എന്നാൽ ഇന്ന് 25,000 കവിഞ്ഞു. അവരിൽ പലരും യൂറോപ്യൻ യൂണിയന്റെ ബ്ളൂ കാർഡ് വിസ സ്കീം വഴി രാജ്യത്തേക്ക് വന്നവരാണ്. ഈ വർധനവ് ദീർഘകാലാടിസ്ഥാനത്തിൽ സ്വാധീനം ചെലുത്തുകയും ചെയ്യും. കാരണം കുടിയേറ്റം ഉത്ഭവ രാജ്യങ്ങളിലേക്ക് നെറ്റ്വർക്കുകൾ സൃഷ്ടിക്കുന്നുണ്ട്. ഒരു കന്പനിക്ക് വൈദഗ്ധ്യമുള്ള തൊഴിലാളികളുടെ കുറവുണ്ടെങ്കിൽ, ഇന്ത്യയിലെ ജീവനക്കാരുടെ പരിചയക്കാരുടെ സർക്കിളിൽ നിന്ന് അപേക്ഷകരെ റിക്രൂട്ട് ചെയ്യാൻ സാധിക്കും.
മൊത്തത്തിൽ, ഈ ജോലികളിലെ യുറോപ്യൻ യൂണിയൻ ഇതര വിദേശികളുടെ തൊഴിൽ 267.7 ശതമാനം വർധിച്ച് ഏകദേശം 1,11,400 ആയി. യൂറോപ്യൻ യൂണിയൻ രാജ്യങ്ങളിൽ നിന്നുള്ള വിദേശികളുടെ എണ്ണമാകട്ടെ 86.1 ശതമാനം വർധിച്ച് 72,600 തൊഴിലാളികളായി.
വിദേശികൾ നൽകുന്നത് വലിയ സംഭാവന
സമീപ വർഷങ്ങളിൽ, ഇത്തരത്തിലുള്ള കുടിയേറ്റം ഇതിനകം തന്നെ നൂതനമായ ശക്തിക്കും സമൃദ്ധിക്കും വലിയ സംഭാവന നൽകിയിട്ടുണ്ടന്ന് സർവേ പറയുന്നു.ജർമനിയിലെ പേറ്റന്റ് അപേക്ഷകളിൽ വിദേശ വേരുകളുള്ള ആളുകളുടെ പങ്ക് 2010ൽ 6.4 ശതമാനത്തിൽ നിന്ന് 2019ൽ 10.9 ശതമാനമായി വർധിച്ചു. ജർമനിയിൽ വൈദഗ്ധ്യമുള്ള തൊഴിലാളികളുടെ ക്ഷാമം നേരിടുന്ന സമയത്താണ് പ്രധാനമായും ഐടി ശാഖകളിൽ ഈ ഡാറ്റ വരുന്നത്.
ഡിജിറ്റൈസേഷൻ, ഡീകാർബണൈസേഷൻ, ജനസംഖ്യാപരമായ മാറ്റം എന്നിവ വരും വർഷങ്ങളിൽ ഡിമാൻഡിൽ ശക്തമായ വർധനവിന് കാരണമാകും.
വ്യവസായ സംഘടനയായ ബിറ്റ്കോം പറയുന്നതനുസരിച്ച്, ഐടിയിൽ ഇതിനകം 1,37,000 ജീവനക്കാരുടെ കുറവുണ്ട്. ജനസംഖ്യാപരമായ മാറ്റം അർത്ഥമാക്കുന്നത് ഐടി യോഗ്യതയുള്ള യുവാക്കൾ ഗണ്യമായി തൊഴിൽ വിപണിയിൽ പ്രവേശിക്കുന്നു, അതേ സമയം കൂടുതൽ പ്രായമായ ആളുകൾ പ്രസക്തമായ തൊഴിലുകൾ ഉപേക്ഷിക്കുന്നു എന്നാണ്. ബിരുദധാരികളുടെ എണ്ണം കുറയുന്ന ടഠഋങ തൊഴിലാളികളുടെ വർധിച്ചുവരുന്ന ഡിമാൻഡിനെക്കുറിച്ച് പറയുന്പോൾ 1,98,000 ഒന്നാം വർഷ വിദ്യാർഥികൾ 2016 ൽ ടഠഋങ പഠനം ആരംഭിച്ചപ്പോൾ, 2021 ൽ ഇത് 172,000 ആയി കുറഞ്ഞു.
|