ഹാനോവർ: ജർമനിയിലെ ഹാനോവറിലും പ്രാന്തപ്രദേശങ്ങളിലും കുടിയേറിയ പുതിയ മലയാളി കൂട്ടായ്മയായ ഹാനോവർ മലയാളി അസോസിയേഷൻ 202324 വർഷത്തേയ്ക്കുള്ള പുതിയ ഭാരവാഹികളെ തെരഞ്ഞെടുത്തു.
ബുർഗ്ഡോർഫ് സെന്‍റ് നിക്കോളാസ് ചർച്ച് ഹാളിൽ കൂടിയ വാർഷിക പൊതുയോഗത്തിൽ ഫാ. സിറിയക് ചന്ദ്രൻകുന്നേൽ അധ്യക്ഷത വഹിച്ചു. കമ്മറ്റിയംഗം തോമസ് ചാക്കോ സ്വാഗതം ആശംസിച്ചു. സെക്രട്ടറി ജോളി റെൻസണ്‍ റിപ്പോർട്ടും, ട്രഷറർ അജീഷ് മാത്യു കണക്കും അവതരിപ്പിച്ചു. പ്രസിഡന്‍റ് ജസ്ററിൻ ജോസഫ് നന്ദി പറഞ്ഞു.
രണ്ടു വർഷമായി ജനജീവിതം സ്തംഭിപ്പിച്ച കൊറോണക്കാലത്തെ നിയന്ത്രണങ്ങൾ മൂലം മന്ദീഭവിച്ച അസോസിയേഷന്റെ പ്രവർത്തനം വീണ്ടും സജീവമാക്കി പുതുചൈതന്യം പകരാൻ പുതിയ ഭാരവാഹികളെ തെരഞ്ഞെടുത്തു.
പുതിയ ഭാരവാഹികളായി ജിസ് പോൾ (രക്ഷാധികാരി), ഷിനോ തലച്ചേൽ (പ്രസിഡന്‍റ്), ലിനോ ജോസ് (സെക്രട്ടറി), രാജു ബേബി (ട്രഷറർ), സ്മിത തോമസ് (വൈസ് പ്രസിഡന്‍റ്), റിജോ ജോർജ് (ജോയിന്റ് സെക്രട്ടറി) എന്നിവരേയും പ്രോഗ്രാം കോഓർഡിനേറ്റേഴ്സായി സുനിഷ് അഗസ്റ്റിൻ, സന്തോഷ് വർഗീസ്, അരുണ്‍ ജേക്കബ്, ചിഞ്ചു പോൾ എന്നിവരേയും മീഡിയ കോഓർഡിനേറ്റേഴ്സായി മനു തങ്കച്ചൻ, ജോജി അഗസ്ററിൻ എന്നിവരേയും പർച്ചേസ് കോഓർഡിനേറ്റേഴ്സായി റെൻസണ്‍ ജേക്കബ്, ഷിജു പീറ്റർ,പ്രാഗിൻ തോമസ്, സുനിൽ ഇട്ടൂപ്പ് എന്നിവരേയും,ഫുഡ് കോഓർഡിനേറ്റേഴ്സായി സാജു ഇടശേരി, സിഞ്ചുമോൻ സെബാസ്ററ്യൻ, ഷൈജു ജേക്കബ്, ജോജോ ഇട്ടിയേര എന്നിവരേയും, കിഡ്സ്/യൂത്ത് കോഓർഡിനേറ്റേഴ്സായി അബിത് തോമസ്, സ്റെറബിൻ ജോസ്, മരിയ തെരേസ ജോമോൻ, അലെസിയാ സ്ററീഫൻ, എമിലിൻ എം പ്രിൻസ്, ഫെമിലിൻ എം പ്രിൻസ്, ഐറിൻ സാജു, അലീന മേരി ജോസ്, അസിൻ ആൻ ജോസ് എന്നിവരേയും തെരഞ്ഞെടുത്തു.
|