ന്യൂയോർക്ക് : മികച്ച യാത്രാവിവരണത്തിനുള്ള കേരള സാഹിത്യ അക്കാദമി അവാർഡ് ജേതാവും കേരള സംസ്ഥാന ആസൂത്രണ ബോർഡിന്റെ വിദഗ്ധ സമിതി അംഗവുമായ ലോക സഞ്ചാരി സന്തോഷ് ജോർജ് കുളങ്ങര ഫോമയുടെ ന്ധഈവെനിംഗ് വിത്ത് സന്തോഷ് ജോർജ് കുളങ്ങരന്ധ എന്ന പരിപാടിയിൽ പങ്കെടുക്കുന്നു. ഫോമ എക്സിക്യു്ട്ടിവ് കമ്മറ്റിയുടെ അഭ്യർഥനപ്രകാരം ഡിസംബർ 29 വ്യാഴാഴ്ച രാത്രി 9നാണ് അദ്ദേഹം ഫോമയുടെ മൂന്നു തലമുറകളുമായി സംവദിയ്ക്കുന്നത്, ഇതാദ്യമായാണ് അദ്ദേഹം ഒരു നോർത്ത് അമേരിക്കൻ ഓർഗനൈസേഷൻറെ ക്ഷണം സ്വീകരിച്ച് മലയാളികളെ അഭിസംബോധന ചെയ്യുന്നത്.
ക്രിസ്മസ്, പുതുവത്സര ആഘോഷങ്ങളുടെ ഭാഗമായി യുഎസ് മലയാളി കമ്മ്യൂണിറ്റിക്ക് സന്തോഷ് ജോർജിനെ അവതരിപ്പിക്കുന്നതിൽ ഫോമാ അഭിമാനിക്കുന്നുവെന്ന് പ്രസിഡന്‍റ് ജേക്കബ് തോമസ് പറഞ്ഞു.
ഫോമാ ജനറൽ സെക്രട്ടറി ഓജസ് ജോണ് തന്‍റെ കേരളാ സന്ദർശനത്തിനിടയിൽ സന്തോഷ ജോർജ് കുളങ്ങരയെ അദ്ദേഹത്തിന്‍റെ മരങ്ങോട്ടുപിള്ളിയിലുള്ള ഓഫീസ് സന്ദർശിച്ചാണ് ഈ പരിപാടിയിലേക്ക് ക്ഷണിച്ചത്. മരങ്ങോട്ടുപിള്ളി സെയിന്‍റ് തോമസ് ഹൈസ്കൂളിൽ സന്തോഷ ജോർജ് കുളങ്ങരയുടെ ജൂനിയറായിരുന്ന ഫോമാ ജോയിന്റ് സെക്രട്ടറി ജെയ്മോൾ ശ്രീധറാണ് ഫോമാ ജനറൽ സെക്രട്ടറിയ്ക്ക് അദ്ദേഹത്തെ നേരിട്ട് കണ്ട് ഈ പരിപാടിയിലേക്ക് ക്ഷണിക്കുന്നതിനുള്ള സാഹചര്യമൊരുക്കിയത്.
1992ൽ വിവിധ ടെലിവിഷൻ ചാനലുകൾക്കായി ടെലിഫിലിമുകളും ഡോക്യുമെന്ററികളും ചെയ്തു കൊണ്ടാണ് സന്തോഷ് പത്രപ്രവർത്തന ജീവിതം ആരംഭിച്ചത്. ഇരുപത്തിയാറാം വയസിൽ വിദ്യാർഥികൾക്കായി ജേണലുകളും മാസികകളും നൽകുന്ന ഒരു പ്രസിദ്ധീകരണ സ്ഥാപനമായ ലേബർ ഇന്ത്യ പബ്ലിക്കേഷൻസിന്‍റെ നേതൃത്വം അദ്ദേഹം ഏറ്റെടുത്തു.
1997ൽ, വിവിധ രാജ്യങ്ങളിൽ സഞ്ചരിച്ച് ഒരു യാത്രാവിവരണം ആരംഭിക്കാൻ അദ്ദേഹം തീരുമാനിച്ചു, സഞ്ചാരത്തിന്‍റെ ആദ്യ എപ്പിസോഡ് 2001ൽ ഏഷ്യാനെറ്റിൽ സംപ്രേക്ഷണം ചെയ്തു. മലയാള ടെലിവിഷൻ ചരിത്രത്തിലെ തന്നെ ഏറ്റവും പ്രചാരം നേടിയ ഒരു പരിപാടിയായിരുന്നു സഞ്ചാരം.
2013 നവംബർ 1 ന് സഫാരി ടിവി എന്ന ചാനൽ ആരംഭിച്ച കുളങ്ങര അതിന്‍റെ മാനേജിംഗ് ഡയറക്ടറാണ്. സഫാരി ടിവിയുടെ ന്ധചീഫ് എക്സ്പ്ലോറർന്ധ ആണ് അദ്ദേഹം. ചാനലിന്‍റെ സിഗ്നേച്ചർ പ്രോഗ്രാമായ സഞ്ചാരം, ചിത്രീകരിച്ചതും എഡിറ്റ് ചെയ്തതും സംവിധാനം ചെയ്തതും അദ്ദേഹമാണ്. ന്ധമലയാളത്തിലെ ആദ്യത്തെ വിഷ്വൽ യാത്രാവിവരണംന്ധ എന്ന നിലയിൽ ലിംക ബുക്ക് ഓഫ് റെക്കോർഡ്സിൽ ഇടംനേടി. ഒരു ഏകാന്ത സഞ്ചാരി എന്ന നിലയിൽ, ഓരോ ലക്ഷ്യസ്ഥാനത്തിന്‍റെയും ചരിത്രവും സംസ്കാര പാരന്പര്യങ്ങളും സ്വഭാവവും പ്രദർശിപ്പിക്കുന്നതിനായി അദ്ദേഹം ലോകമെന്പാടുമുള്ള നിരവധി രാജ്യങ്ങൾ സന്ദർശിച്ചിട്ടുണ്ട്. 2021ലെ കണക്കനുസരിച്ച്, 1997ൽ ഇന്ത്യയ്ക്ക് പുറത്ത് തന്‍റെ ഏകാന്ത യാത്രകൾ ആരംഭിച്ചതിനുശേഷം അദ്ദേഹം 130ലധികം രാജ്യങ്ങളിലൂടെയും ഏഴ് ഭൂഖണ്ഡങ്ങളിലൂടെയും സഞ്ചരിച്ചിട്ടുണ്ട്. 2001 മുതൽ 2012 വരെ ഏഷ്യാനെറ്റ് ചാനൽ ആണ് ഈ പരിപാടി സംപ്രേക്ഷണം ചെയ്തത്.
2010ൽ ഇന്ത്യയുടെ ആദ്യത്തെ ചാന്ദ്ര പേടകമായ ചന്ദ്രയാൻ1നെ അടിസ്ഥാനമാക്കി ചന്ദ്രയാൻ എന്ന ഇംഗ്ലീഷ് ചലച്ചിത്രം അദ്ദേഹം സംവിധാനം ചെയ്യുകയും നിർമ്മിക്കുകയും ചെയ്തു. ദൗത്യത്തിന്‍റെ പിന്നാന്പുറ പ്രവർത്തനങ്ങൾ ഈ സിനിമയിൽ അവതരിപ്പിക്കുന്നു. ശ്രീഹരിക്കോട്ടയിലെ റോക്കറ്റ് അസംബ്ലി ബിൽഡിംഗ്, റോക്കറ്റ് ലോഞ്ച് പാഡ്, മിഷൻ കണ്ട്രോൾ സെന്‍റർ, സ്പേസ്ക്രാഫ്റ്റ് അസംബ്ലി ബിൽഡിംഗ്, പിഎസ്എൽവി റോക്കറ്റ്, ചന്ദ്രയാൻ ബഹിരാകാശ പേടകം എന്നിവയെല്ലാം ലേബർ ഇന്ത്യ ഫിലിം ആൻഡ് ടിവി സ്റ്റുഡിയോയിലെ സെറ്റിൽ പുനഃസൃഷ്ടിച്ചു. യഥാർഥ ചന്ദ്രയാൻ പദ്ധതിയുടെ പിന്നിൽ പ്രവർത്തിച്ച മുഖ്യ വാസ്തുശിൽപികളാണ് ചിത്രത്തിലെ പ്രധാന കഥാപാത്രങ്ങൾ. 2011ലാണ് ചിത്രം തിയേറ്ററുകളിൽ റിലീസ് ചെയ്തത്.
വിർജിൻ ഗാലക്റ്റിക് സ്പേസ് ടൂറിസത്തിന്‍റെ ഭാഗമായി ഒരു ബഹിരാകാശ കപ്പലിൽ ഒരു ഉപഭ്രമണപഥം നടത്തുന്നതിന് പണം നൽകിയ ഒരു കൂട്ടം ആളുകളിൽ ഉൾപ്പെട്ട ആദ്യത്തെ ഇന്ത്യക്കാരനാണ് അദ്ദേഹം. 2007ന്‍റെ തുടക്കത്തിൽ അദ്ദേഹം യാത്രയ്ക്കായി തെരഞ്ഞെടുക്കപ്പെട്ടു,
മികച്ച യാത്രാവിവരണത്തിനുള്ള കേരള സാഹിത്യ അക്കാദമി അവാർഡ് (2012), ഏഷ്യൻ ടെലിവിഷൻ അവാർഡ്, കെ.ആർ. നാരായണൻ അവാർഡ് (കെ.ആർ. നാരായണൻ ഫൗണ്ടേഷൻ ), മികച്ച ടെലിവിഷൻ പ്രോഗ്രാം ഡയറക്ടർക്കുള്ള കേരള ഫിലിം ക്രിട്ടിക്സ് അവാർഡ്, ഇന്ത്യൻ ജൂനിയർ ചേംബർ ടെലിവിഷൻ രംഗത്തെ സംഭാവനകൾക്ക് 2004ലെ യുവപ്രതിഭ അവാർഡ്. നോണ്ഫിക്ഷൻ ടെലിവിഷൻ പ്രോഗ്രാമുകളുടെ മികച്ച സംവിധായകനുള്ള സൗപർണികതീരം മിനി സ്ക്രീൻ അവാർഡ്, ജെസിഐ ഇന്ത്യ ഏർപ്പെടുത്തിയ മികച്ച യംഗ് ഇന്ത്യൻ നാഷണൽ അവാർഡ്, റോട്ടറി സ്റ്റാർ ഓഫ് ദി ഇയർ 2007 അവാർഡ്, ഓൾ ഇന്ത്യ ഞഅജഅ അവാർഡ് എന്നിവയാണ് മറ്റ് അവാർഡുകൾ. റേഡിയോ ആൻഡ് ടിവി അഡ്വർടൈസിംഗ് പ്രാക്ടീഷണേഴ്സ് അസോസിയേഷൻ ഓഫ് ഇന്ത്യ, നാഷണൽ ഫിലിം അക്കാദമി അവാർഡ്, 2015ൽ മണിയേരി മാധവൻ അവാർഡ്, ഫ്ളവേഴ്സ് ടിവി അവാർഡ് 2017ലെ ബഹുമുഖ പ്രതിഭ പുരസ്കാരം, കേരള കാത്തലിക് ബിഷപ്പ്സ് കൗണ്‍സിൽ (കെ.സി.ബി.സി. ) 202021 ലെ മീഡിയ അവാർഡുകൾ.
ലോകമെന്പാടുമുള്ള യാത്രകളും അനുഭവങ്ങളുമായി ബന്ധപ്പെട്ട് ഏഴ് പുസ്തകങ്ങൾ സന്തോഷ് ജോർജ് കുളങ്ങര എഴുതിയിട്ടുണ്ട്. ഈ പുസ്തകങ്ങൾ എഴുതിയിരിക്കുന്നത് മലയാളത്തിലാണ്.
ഫോമയുടെ എല്ലാ പ്രവർത്തകരെയും കൂടാതെ എല്ലാ അമേരിക്കൻ മലയാളികളെയും ഈ പരിപാടിയിലേക്ക് ഹാർദ്ദവമായി സ്വാഗതം ചെയ്യുന്നുവെന്ന് ട്രഷറർ ബിജു തോണിക്കടവിൽ, വൈസ് പ്രസിഡന്‍റ് സണ്ണി വള്ളിക്കളം, ജോയിന്റ് ട്രഷറർ ജെയിംസ് ജോർജ് എന്നിവർ അറിയിച്ചു.
|