ഷിക്കാഗോ: ഡിസംബർ 10 ശനിയാഴ്ച വൈകുന്നേരം ഷിക്കാഗോ ക്നാനായ കമ്മ്യൂണിറ്റി സെന്ററിൽ 2022 –24 കാലഘട്ടത്തിലേക്കുള്ള പുതിയ കെസിഎസ് ഭരണസമിതി സത്യപ്രതിജ്ഞ ചെയ്തു. പ്രസിഡന്റ് ജെയിൻ മാക്കിൽ, ജിനോ കക്കാട്ടിൽ (വൈസ് പ്രസിഡന്റ്) എന്നിവർ സത്യപ്രതിജ്ഞ ചെയ്തു.
തുടർന്ന് സിബു കുളങ്ങര (സെക്രട്ടറി), തോമസ്കുട്ടി തേക്കുംകാട്ടിൽ (ജോയിന്റ് സെക്രട്ടറി), ബിനോയ് കിഴക്കനടിയിൽ (ട്രഷറർ) എന്നിവരെ നോമിനേറ്റ് ചെയ്യുകയും അവർ എക്സിക്യൂട്ടീവ് അംഗങ്ങളായി സത്യപ്രതിജ്ഞ ചെയ്തു. ലെയ്സൺ ബോർഡ് ചെയർമാൻ പോൾസൺ കുളങ്ങരയാണ് പുതിയ ഭാരവാഹികൾക്ക് സത്യപ്രതിജ്ഞ വാചകം ചൊല്ലിക്കൊടുത്തത്.
ഷാജി എടാട്ട്, സ്റ്റീഫൻ കിഴക്കേക്കുറ്റ്, റോയ് നെടുംചിറ, സിറിൽ കട്ടപ്പുറം എന്നിവർ നാഷണൽ കൗൺസിൽ അംഗങ്ങളായായും, വുമൺ റെപ്രെസെന്റേറ്റീവ് ആയി പീന മണപ്പള്ളിയും, യൂത്ത് റെപ്രെസെന്റേറ്റീവ് ആയി ബെക്കി ജോസഫ് ഇടിയാലിയും സത്യപ്രതിജ്ഞ ചെയ്തു.
ഇതേതുടർന്ന് ലെജിസ്ലേറ്റീവ് അംഗങ്ങളായി ജോസ്മോൻ കടവിൽ (വാർഡ് 1), ജോണി ജേക്കബ് തൊട്ടപ്ലാക്കൽ (വാർഡ് 2), മെർലിൻ പറവതൊടത്തിൽ (വാർഡ് 3), ജോസ് കുരുവിള ചേത്തലികരോട്ട് (വാർഡ് 4), ബിനു എബ്രാഹം ഇടകരയിൽ (വാർഡ് 5), ടിനോ ജോയ് വളത്താട്ട് (വാർഡ് 6), അഭിലാഷ് സൈമൺ നെല്ലാമറ്റം (വാർഡ് 7), അനിൽ ജേക്കബ് മറ്റത്തികുന്നേൽ (വാർഡ് 8) എന്നിവർ സത്യപ്രതിജ്ഞ ചെയ്തു.
അധികാരം ഏറ്റെടുത്ത പുതിയ പ്രസിഡന്റ് ജെയിൻ മാക്കിൽ, അടുത്ത രണ്ടു വർഷത്തേക്കുള്ള പരിപാടികളും പ്രവർത്തനങ്ങളുടെ രൂപരേഖ അവതരിപ്പിക്കുകയും, തങ്ങളെ തെരഞ്ഞെടുത്ത എല്ലാ കെ. സി. എസ് അംഗങ്ങൾക്കുമുള്ള പ്രത്യേകം നന്ദി പ്രകാശിപ്പിക്കുകയും, തുടർന്നുള്ള പ്രവർത്തങ്ങൾക്കുള്ള സഹകരണം അഭ്യർഥിക്കുകയും ചെയ്തു,
ഷിക്കാഗോ കെ. സിഎസിനെ പ്രതിനിധാനം ചെയ്ത് കെസിസിഎൻഎ. പ്രസിഡന്റായി മത്സരിക്കുന്ന ഷാജി എടാട്ട് പൊതുയോഗത്തെ അഭിസംബോധന ചെയ്തു.
ജെയിൻ മാക്കിൽ മുൻ എക്സിക്യൂട്ടീവിന്റെ പ്രവർത്തങ്ങളെ അഭിനന്ദിക്കുകയും, പുതിയതായി തിരഞ്ഞെടുക്കപ്പെട്ട എല്ലാ ബോർഡ് അംഗങ്ങളെ അനുമോദിക്കുകയും, ലെയ്സൺ ബോർഡ് അംഗങ്ങളായ പോൾസൺ കുളങ്ങര, മാത്യു ഇടിയാലി, ജോയ് ഇണ്ടിക്കുഴി, ജോയൽ ഇലക്കാട്ട്, ബിജു വക്കേൽ എന്നിവർക്ക് നന്ദി പറയുകയും ചെയ്തു. വിഭവ സമൃദമായ സദ്യയും ഉണ്ടായിരുന്നു.
|