കുവൈറ്റ് സിറ്റി: എൻജിനിയറിംഗ് ഡിസൈ നിംഗ് രംഗത്തെ കൂട്ടായ്മയായ ഫോക്കസ് കുവൈറ്റ് ഇന്ത്യയുടെ പ്രഥമ പ്രധാനമന്ത്രിയും രാഷ്ട്ര ശിൽപിയുമായ ജവഹർലാൽ നെഹ്റുവിന്‍റെ ജന്മദിനമായ ശിശുദിനാഘോഷവും, കുട്ടികളുടെ സർഗവാസനകളെ പ്രോത്സാഹിപ്പിക്കുന്നതിന്റെ ഭാഗമായി കളേഴ്സ് ഡേയും സംഘടിപ്പിച്ചു.
പ്രസിഡന്‍റ് സലിം രാജിന്‍റെ അധ്യക്ഷതയിൽ കൂടിയ യോഗം ഉപദേശക സമതിയംഗം തന്പി ലൂക്കോസ് ഉദ്ഘാടനം ചെയ്തു. നയന ആർ. നായർ ശിശുദിന സന്ദേശം നൽകി. ജനറൽ സെക്രട്ടറി ഡാനിയേൽ തോമസ്, ട്രഷറർ സി.ഒ. കോശി, രതീഷ് കുമാർ, സലീം എം.എൻ എന്നിവർ ആശംസകളർപ്പിച്ചു. പ്രോഗ്രാം കണ്‍വീനർ സാജൻ ഫിലിപ്പ് സ്വാഗതവും, ജോ: ട്രഷറർ ജേക്കബ് ജോണ് നന്ദിയും പറഞ്ഞു.
എൽകെജി മുതൽ പത്താംക്ലാസ് വരെയുള്ളവരെ നാലു വിഭാഗങ്ങളായി തിരിച്ചും, മുതിർന്നവർക്കായി കൈയ്യക്ഷര മത്സരവും സംഘടിപ്പിച്ചു. കാറ്റഗറി എ. പാർത്ഥവ് നിധിൻ, എയ്സ് ബിൻ ഹനൂദ്, ആൽബി റെജി, കാറ്റഗറി ബി. ഷിറിയ സുജിത്, റോവൻ റോജി, ആൻഡ്രിയ എൽസ്, കാറ്റഗറി സി. ഇഷൽ വിജേഷ്, സൻജന സുജിത്, നിയാ ആൻ ഡാനിയേൽ, കാറ്റഗറി ഡി കാർത്തിക് ഗിരീഷ്, ഫിഫിൻ മാത്യൂ, സാന്ദ്ര വിജേഷ് എന്നിവരും മുതിർന്നവർക്കായി നടത്തിയ കൈയക്ഷര മത്സരത്തിൽ സിസിത ഗിരീഷ്, പ്രാർഥന നിഥിൻ, സന്തോഷ് വി തോമസ് എന്നിവരും യഥാക്രമം ഒന്നും, രണ്ടും, മൂന്നും സ്ഥാനങ്ങൾ നേടി. അൻവർ സാരംഗ്, റാഫി കല്ലായി, ആർച്ച എന്നിവരുടെ നേതൃത്വത്തിൽ നടന്ന ന്ധയെസ് ബാൻഡ് ന്ധ ഗാനസന്ധ്യ പരിപാടികൾക്ക് മിഴിവേകി. ശ്രീകുമാർ വല്ലന, അംബിക മുകുന്ദൻ എന്നിവർ വിധികർത്താക്കളായി. മുഹമ്മദ് ഇക്ബാൽ, അപർണ, ഗിരീഷ്, വിവിധ യൂണിറ്റ് ഭാരവാഹികളും നേതൃത്വം നൽകി.
|