റിയാദ് : റിയാദ് മലയാളികളുടെ ഗൃഹാതുര സ്മരണകൾ തൊട്ടുണർത്തി കേളി കലാസാംസ്കാരിക വേദി ബദിയ ഏരിയാ കമ്മറ്റിയുടെ നേതൃത്വത്തിൽ ഓണാഘോഷം സംഘടിപ്പിച്ചു. "കോബ്ലാൻ കേളി പൊന്നോണം 2022’ എന്ന ശീർഷകത്തിൽ വർണാഭമായ ആഘോഷമാണ് എക്സിറ്റ് 28ലെ ഓഡിറ്റോറിയത്തിൽ അരങ്ങേറിയത്.
കേളി മലാസ് ഏരിയ പ്രസിഡന്റും, റിയാദിലെ പ്രമുഖ മജീഷ്യനും, മെന്റലിസ്റ്റുമായ നൗഫൽ പൂവകുറിശിയുടെ മാജിക് ഷോ, സിനിമാ പിന്നണി ഗായകൻ നബീൽ അസീസും സംഘവും ഒരുക്കിയ ഗാനമേള, റിയാദ് മഹ്ഫിൽ ഗസൽ പൂക്കൾ, പുലിക്കളി, കുട്ടികളുടെ നൃത്തനൃത്യങ്ങൾ എന്നിവ ആഘോഷങ്ങൾക്ക് നിറവേകി. കേളി പ്രവർത്തകർ ഒരുക്കിയ വിഭവസമൃദ്ധമായ ഓണസദ്യ പരിപാടിക്ക് കൊഴുപ്പേകി.
ഓണാഘോഷത്തോടനുബന്ധിച്ച് നടന്ന സാംസ്കാരിക സമ്മേളനം പ്രവാസി എഴുത്തുകാരിയും, സാംസ്കാരിക പ്രവർത്തകയുമായ സബീന എം. സാലി ഉദ്ഘാടനം ചെയ്തു. ഏരിയാ പ്രസിഡന്റ് അലി.കെ.വി അധ്യക്ഷത വഹിച്ച ചടങ്ങിൽ ഏരിയാ സെക്രട്ടറി കിഷോർ ഇ നിസാം സ്വാഗതം പറഞ്ഞു. മലയാളികളുടെ ഉത്സവമായ ഓണത്തെ ഒരുവിഭാഗത്തിന്േറ മാത്രം ഉത്സവമാക്കി മാറ്റാൻ ചിലർ കിണഞ്ഞു ശ്രമിക്കുന്പോൾ അത്തരക്കാർക്ക് ഉൗർജം പകരുന്ന തരത്തിൽ മറുവിഭാഗങ്ങൾ സ്വമതസ്ഥരെ ഓണാഘോഷങ്ങളിൽ നിന്നും വിട്ടു നിൽക്കാനുള്ള സന്ദേശം നൽകി കൊണ്ടിരിക്കുന്ന കാലഘട്ടത്തിലൂടെയാണ് നാമിന്ന് കടന്നു പോകുന്നതെന്നും, എന്നാൽ അത്തരം ജൽപങ്ങൾക്ക് ചെവി കൊടുക്കാതെ ലോകമെന്പാടുമുള്ള മലയാളികൾ ഒന്നായി ഓണം ആഘോഷിക്കുന്ന സുന്ദരമായ കാഴ്ച്ചയാണ് നമുക്ക് കാണാൻ സാധിക്കുന്നതെന്നും പരിപാടിയിൽ പങ്കെടുത്തവർ അഭിപ്രായപ്പെട്ടു.
കേളി രക്ഷാധികാരി സമിതി സെക്രട്ടറി കെ.പി.എം സാദിഖ്, കേളി സെക്രട്ടറി സുരേഷ് കണ്ണപുരം, ട്രഷറർ ജോസഫ് ഷാജി, കൊബ്ലാൻ സെയിൽസ് എക്സിക്യൂട്ടീവ് മാനേജർ സിദ്ധീഖ് അഹമ്മദ്, അസാഫ് പ്രതിനിധി ചന്ദ്രൻ തെരുവത്ത്, ജെസ്കോ പൈപ്പ് എം.ഡി ബാബു വഞ്ചിപ്പുര, ജെസ്കോ ലീഗൽ അഡ്വൈസർ അഹമ്മദ് ഗഹ്താനി, അഫക്ക് നൂണ് പ്രതിനിധി പ്രസാദ് വഞ്ചിപ്പുര, ബരീഖ് അൽ ഖിമം സെക്യൂരിറ്റി സിസ്റ്റം എം.ഡി ലത്തീഫ് കൂളിമാട്, സംഘാടക സമിതി ചെയർമാൻ സത്യവാൻ, കേളി ബദിയ രക്ഷാധികാരി സെക്രട്ടറി മധു ബാലുശ്ശേരി, കേളി കുടുംബവേദി സെക്രട്ടറി സീബ കൂവോട് എന്നിവർ ആശംസകൾ അർപ്പിച്ചു സംസാരിച്ചു. പരിപാടിയിൽ പങ്കെടുത്ത കുട്ടികൾക്കുള്ള സമ്മാന വിതരണവും നടന്നു.
കേളി കേന്ദ്ര കമ്മറ്റി അംഗങ്ങളായ മധു പട്ടാന്പി, മധു ബാലുശ്ശേരി, പ്രദീപ് ആറ്റിങ്ങൽ, സംഘാടക സമിതി ഭാരവാഹികളായ സത്യവാൻ, വിജയൻ എ, ഹക്കീം, പ്രസാദ് വഞ്ചിപ്പുര, സുധീർ സുൽത്താൻ, മുസ്തഫ, ജാർനെറ്റ് നെൽസണ്, ഷാജി.കെ.എൻ, സരസൻ, രഞ്ജിത്ത്, നിയാസ് തുടങ്ങിയവർ പരിപാടിക്ക് നേതൃത്വം നൽകി. സംഘാടക സമിതി കണ്വീനർ റഫീക്ക് പാലത്ത് നന്ദി പറഞ്ഞു.
|