Deepika.com Nri News :കേരള അസോസിയേഷൻ ഓഫ്‌ ഡാളസ്‌ ഓണാഘോഷം അതിവിപുലമായി.......

Americas

കേരള അസോസിയേഷൻ ഓഫ്‌ ഡാളസ്‌ ഓണാഘോഷം അതിവിപുലമായി

Back To NRI Home Forward This News Click here for detailed news of all items

ഡാളസ് : കേരള അസോസിയേഷൻ ഓഫ്‌ ഡാളസ്‌ സംഘടിപ്പിച്ച ഓണാഘോഷം 2022 സെപ്റ്റംബർ പത്തിന് രാവിലെ 10.30 നു കോപ്പലിലെ സെന്റ് അല്ഫോൻസ ചർച്ച് ഓഡിറ്റോറിയത്തിൽ വച്ചു നടന്നു. രമണി കുമാർ, സോഷ്യൽ ഡയറക്ടർ ലേഖ നായർ, എഡ്യൂക്കേഷൻ ഡയറക്ടർ ജൂലിയറ്റ് മുളങ്ങൻ, യൂത്ത് ഡയറക്ടർ ആഷിത സജി എന്നിവർ തിരി തെളിയിച്ചു പരിപാടിക്ക്‌ തുടക്കം കുറിച്ചു. അസോസിയേഷൻ മലയാളം ക്ലാസ് വിദ്യാർത്ഥികൾ ദേശീയ ഗാനങ്ങൾ പാടി.

കോപ്പൽ സിറ്റി പ്രൊ റ്റെം മേയർ ബിജു മാത്യു ഓണസന്ദേശം നൽകി. കോശി വൈദ്യരുടെ നേതൃത്വത്തിലുള്ള സംഗീതോപകരണങ്ങളുടെ തൽസമയ അകമ്പടിയോടെ ഓണപ്പാട്ടും, ലിപ്സ വിജയ് കേരളനടനവും, ജിജി സ്കറിയയുടെ നേതൃത്വത്തിൽ ഓട്ടന്തുള്ളലും, കെ എ ഡി എക്സിക്യൂട്ടീവ് കമ്മിറ്റി നേതൃത്വത്തിൽ വഞ്ചിപ്പാട്ടും വള്ളംകളിയും സംഗീത സദ്യയും ചെണ്ടമേളവും , പുലികളിയും, മാവേലി (ബെന്നി മറ്റക്കര ) വാമനൻ (അൽസ്റ്റാർ മാമ്പിള്ളി ) എഴുന്നള്ളത്തും അടക്കം കേരളത്തിന്റെ സാംസ്ക്കാരിക തനിമ വിളിച്ചോതുന്ന കലാരൂപങ്ങൾവൈവിധ്യമാർന്നതും വർണാഭമാർന്നതുമായ ഓണപ്പരിപാടികളായി നടത്തി. ഡാളസിലെ അമ്പതിലേറെയുള്ള കലാകാരന്മാർ അണിയിച്ചൊരുക്കിയ കലാ രൂപങ്ങൾസദസ്യരെ കേരളത്തിന്റെ നേരനുഭവമുള്ള മധുരമായ ഓർമ്മകളിലേക്കു കോണ്ടുപോയി.

ഒപ്പം നടന്ന രുചികരമായ ഓണസദ്യയും ആസ്വാദ്യകരമായി. ദിവ്യവും ദീപ്തവുമായ ഇത്തരമൊരു ചടങ്ങിൽ ആയിരത്തിനടുത്തു സദസ്യർ പങ്കെടുത്തു. ഈ അവസരത്തിൽ ഇന്ത്യാ കൾചറൽ ആന്റ് എഡ്യുക്കേഷൻ സെന്‍ററിന്‍റെ എഡ്യുക്കേഷൻ അവാർഡ്‌ മലയാളിസമൂഹത്തിലെ ഏറ്റവും മിടുക്കരായ സ്കൂൾ വിദ്യാർത്ഥികൾക്കു പ്രശംസാപത്രങ്ങളും ക്യാഷ്‌ അവാർഡുകളും നൽകപ്പെട്ടു.

പ്രത്യേകപരിപാടികളിൽ ഇത്തവണ സംഘടിപ്പിച്ച അത്തപ്പൂക്കളമൽസരത്തിൽ വിജയികളായ ഒന്നും, രണ്ടും സ്ഥാനം കരസ്ഥമാക്കിയവർക്ക് പരിതോഷികമായി ക്യാഷ് അവാർഡ്‌ നൽകി. അസ്സോസിയേഷൻ പ്രസിഡന്‍റ് ഹരിദാസ്‌ തങ്കപ്പൻ സ്വാഗതവും സെക്രട്ടറി അനശ്വർ മാമ്പിള്ളി നന്ദിയും പറഞ്ഞു. പരിപാടിയുടെ അവതാരകരായി മൻജിത് കൈനിക്കരയും, ജൂലിയറ്റ് മുളങ്ങനും സാങ്കേതിക സഹായം സുരേഷ് അച്യുതൻ, നെബു കുര്യാക്കോസും പടമെടുക്കല്‍ ബോബി റെറ്റിനയും ശ്രദ്ധാപൂര്‍വമായി നിർവഹിച്ചു.

ഡോ. അജയ് ആര്യങ്ങാട്ടും, ഹിമ രവിന്ദ്രനും മറ്റു രണ്ടു അംഗങ്ങളും അത്തപ്പൂക്കളം ജഡ്ജ്മാരായി. കേരളത്തെയും ഓണത്തെയും കുറിച്ചു അംഗങ്ങൾ വരച്ച ചിത്രങ്ങൾ പ്രദർശനത്തിനു വച്ചിരുന്നത്‌ വേറിട്ടുനിന്നു.

തനതു കേരളരീതിയിലുള്ള ചുമർച്ചിത്രങ്ങളും പ്രദർശനത്തിൽ ഉണ്ടായിരുന്നു. മഹാബലിക്കൊപ്പം സെൽഫിയെടുക്കുവാൻ മനോഹരമായൊരുക്കിയ അസോസിയേഷന്‍റെ ഫോട്ടോ ബൂത്തിൽ എല്ലാവർക്കും അവസരം ഉണ്ടായിരുന്നു. വിഭവ സമൃദ്‌ധമായ ഓണ സദ്യയോടുകൂടി പരിപാടികൾ സമാപിച്ചു. അബാകസ് ട്രാവെൽസ്, ക്യാപിറ്റൽ വേണ്ച്ചർസ്, മേഡ് ഫാർമസി, സ്‌പെക്ടറം ഫിനാൻസ് എന്നിവർ ഈ പരിപാടിയുടെ മുഖ്യ സ്പോൺസർമാരായി പ്രവർത്തിച്ചു.

ഡിഫറന്‍റ് ആര്‍ട്ട് സെന്‍ററിലെ കുട്ടികൾക്ക് കൈത്താങ്ങായി ഗ്ലോബൽ ഇന്ത്യൻ കൗൺസിൽ.

ഡാളസ്: മജീഷ്യനും സാമൂഹിക പ്രവർത്തകനുമായ ഗോപിനാഥ് മുതുകാട് തിരുവനന്തപുരത്ത് നടത്തുന്ന ഡിഫറന്‍റ് ആര്‍ട്ട് സെന്‍ററി

യാക്കോബിനെ പോലെ ദൈവസാന്നിധ്യം തിരിച്ചറിയുന്നവരാകുക: ഇവാഞ്ചലിസ്റ്റ് ബോവാസ് കുട്ടി.

ഡാളസ്: ഏകാന്തതയുടെ നടുവിലേക്ക് ഇറങ്ങിവരുന്ന ദൈവിക സാന്നിധ്യം തിരിച്ചറിയുന്നവനാണ് ലോകത്തിനും സമൂഹത്തിനും അനുഗ്രഹ

ഭരതകല തീയറ്റേഴ്സിന്‍റെ നാടകം "എഴുത്തച്ഛൻ' ഡാളസിൽ അരങ്ങേറി.

ഡാളസ്: ഡാളസിലെ ഭരതകല തീയറ്റേഴ്സിന്‍റെ ഏറ്റവും പുതിയ സംരംഭമായ "എഴുത്തച്ഛൻ ' എന്ന നാടകം ലിറ്റ് ദി വെ എന്ന ചാരിറ്റി സംഘ

ഇന്ത്യ പ്രസ് ക്ലബ് സമ്മേളനം: പി.ജി. സുരേഷ് കുമാറും ക്രിസ്റ്റീന ചെറിയാനും പങ്കെടുക്കും.

മയാമി: നവംബർ രണ്ട് മുതൽ നാല് വരെ മയാമിയിലുള്ള ഹോളിഡേ ഇൻ മയാമി വെസ്റ്റ് ഹോട്ടലിൽ നടക്കുന്ന ഇന്ത്യ പ്രസ് ക്ലബ് ഓഫ് നോർത

പ്രതീക്ഷകൾക്കും അപ്പുറം; ഇന്ത്യ യുഎസ് ബന്ധത്തെക്കുറിച്ച് എസ്. ജയശങ്കർ.

വാഷിംഗ്ടൺ ഡിസി: ഇന്ത്യ യുഎസ് ബന്ധം പ്രതീക്ഷകൾക്കും അപ്പുറം വളർന്നു എന്ന് വിദേശകാര്യമന്ത്രി എസ്. ജയശങ്കർ.