ലണ്ടൻ : ലണ്ടൻ സെന്‍റ് തോമസ് യാക്കോബായ സുറിയാനി പള്ളിയിൽ പരിശുദ്ധ പാത്രിയർക്കിസ് ബാവയുടെ കൽപ്പന പ്രകാരം യുകെ പാത്രിയാർക്കൽ വികാരി അഭിവന്ദ്യ ഡോ.മാത്യൂസ് മാർ അന്തിമോസ് മെത്രാപ്പോലീത്ത ചെറുവിള്ളിൽ രാജു കശീശയെ കോർ എപ്പിസ്കോപ്പ സ്ഥാനത്തേക്ക് സെപ്റ്റംബർ പതിനൊന്നിന് ഞായറാഴ്ച ഉയർത്തും.
യാക്കോബായ സുറിയാനി സഭയിലെ യൂറോപ്പിലെ സഭാംഗങ്ങൾക്ക് അഭിമാനവും അനുഗ്രഹവുമായ ചടങ്ങിൽ യൂറോപ്പിലെ വൈദീകരും വിശ്വാസികളും പങ്കെടുക്കും. വിപുലമായ ക്രമീകരണങ്ങളാണ് ലണ്ടൻ ഇടവക ഒരുക്കുന്നത്. ശ്രേഷ്ഠ കാതോലിക്ക ബസേലിയോസ് തോമസ് പ്രഥമൻ ബാവയുടെ സഹോദര പുത്രനായ രാജു കശീശ അഭിവന്ദ്യ തോമസ് മാർ ദിവന്യാസിയോസ് തിരുമേനിയാൽ 16/03/1991 ന് ശെമ്മാശനും 20/05/1995 ന് കശീശയുമായി 1991 മുതൽ 1995 വരെയുള്ള കാലഘട്ടത്തിൽ അഭിവന്ദ്യ തോമസ് മാർ ദിവന്യാസിയോസ് തിരുമേനിയുടെപ്രൈവറ്റ് സെക്രട്ടറിയായി സേവനമനുഷ്ഠിച്ചു. 1996 മുതൽ 2003 വരെയുള്ള കാലഘട്ടത്തിൽ സെന്‍റ് മേരീസ് യാക്കോബായ സുറിയാനി പള്ളി പടിക്കപ്പ്, സെന്‍റ് മേരീസ് യാക്കോബായ സുറിയാനി പള്ളി നെടുങ്ങപ്ര,സെന്‍റ് മേരീസ് യാക്കോബായ സുറിയാനി പള്ളി തുരുത്തിപ്പള്ളി , സെന്‍റ് മേരീസ് യാക്കോബായ സുറിയാനി വലിയ പള്ളി കോതമംഗലം എന്നിവിടങ്ങളിൽ വികാരിയായി സേവനമനുഷ്ഠിച്ചു.
2003 മുതൽ സെന്‍റ് തോമസ് യാക്കോബാ സുറിയാനി ഓർത്തഡോക്സ് പള്ളി ലണ്ടൻ, സെന്‍റ് മേരീസ് യാക്കോബാ സുറിയാനി ഓർത്തഡോക്സ് പള്ളി ലിവർപൂൾ, സെന്‍റ് ഗ്രീഗോറിയോസ് യാക്കോബാ സുറിയാനി ഓർത്തഡോക്സ് പള്ളി ഈസ്ററ്ബോണ്, സെന്‍റ് മേരീസ് യാക്കോബാ സുറിയാനി ഓർത്തഡോക്സ് പള്ളി നോതാംപ്ടണ്, സെന്‍റ് മേരീസ് യാക്കോബാ സുറിയാനി ഓർത്തഡോക്സ് പള്ളി ബാസില്ഡണ്‍, സെന്‍റ് ഗ്രീഗോറിയോസ് യാക്കോബാ സുറിയാനി ഓർത്തഡോക്സ് പള്ളി വാറ്റ്ഫോഡ്, സെന്‍റ് ഇഗ്നേഷ്യസ് യാക്കോബാ സുറിയാനി ഓർത്തഡോക്സ് പള്ളി കേംബ്രിഡ്ജ്,സെന്‍റ് ഇഗ്നേഷ്യസ് യാക്കോബാ സുറിയാനി ഓർത്തഡോക്സ് പള്ളി ബെൽഫാസ്റ്, സെന്‍റ് ജോർജ് യാക്കോബാ സുറിയാനി ഓർത്തഡോക്സ് പള്ളി ലീഡ്സ്,സെന്‍റ് ജോർജ് യാക്കോബാ സുറിയാനി ഓർത്തഡോക്സ് പള്ളി ബിർമിംഗ്ഹാം, സെന്‍റ് ഗ്രിഗോറീസ് യാക്കോബാ സുറിയാനി ഓർത്തഡോക്സ് പള്ളി പീറ്റർബ്രോ, യൽദോ മാർ ബസേലിയോസ് യാക്കോബാ സുറിയാനി ഓർത്തഡോക്സ് പള്ളി ബ്രിസ്റേറാൾ, സെന്‍റ് പീറ്റേഴ്സ് ആൻഡ് സെന്‍റ് പോൾസ് യാക്കോബാ സുറിയാനി ഓർത്തഡോക്സ് പള്ളി ഓക്സ്ഫഡ്, എഡിന്ബ്ര തുടങ്ങി യുകെയിലെ നിരവധി ഇടവകകളിൽ സേവനമനുഷ്ഠിച്ചു.
നിലവിൽ മലങ്കര സുറിയാനി ഓർത്തഡോക്സ് യുകെ മേഖലയുടെ കൗണ്‍സിൽ വൈസ് പ്രസിഡന്‍റും ലണ്ടൻ ,പീറ്റർബ്രോ ഇടവകളുടെ വികാരിയുമാണ്. യുകെ മേഖലയുടെ ഈ അനുഗ്രഹീത നിമിഷം ആഘോഷമാക്കാൻ കൗണ്‍സിൽ ഒരുക്കങ്ങൾ പൂർത്തിയാക്കിയിട്ടുമുണ്ട്. ലണ്ടൻ സെന്‍റ് തോമസ് യാക്കോബായ സുറിയാനി പള്ളിയുടെയും ഭദ്രാസന മീഡിയ വിംഗിന്‍റെയും സോഷ്യൽ മീഡിയ അക്കൗണ്ടുകളിൽ ശുശ്രൂഷയുടെ തത്സമയ സംപ്രേഷണം ഉണ്ടായിരിക്കുന്നതുമാണ്.
|