Deepika.com Nri News :അയർക്കുന്നം മറ്റക്കരക്കാരുടെ അഞ്ചാമത് സംഗമ വേദിയാകാൻ ചെൽട്ടൻഹാം ഒരുങ്ങി.......

Europe

അയർക്കുന്നം മറ്റക്കരക്കാരുടെ അഞ്ചാമത് സംഗമ വേദിയാകാൻ ചെൽട്ടൻഹാം ഒരുങ്ങി

Back To NRI Home Forward This News Click here for detailed news of all items

ലണ്ടൻ : ഓണക്കളികളും വടംവലിയും കിലുക്കി കുത്തും അന്താക്ഷരിയും ഒക്കെയായി അഞ്ചാമത് അയർക്കുന്നം മറ്റക്കര സംഗമ വേദിയാകാൻ ഒരുങ്ങി ചെൽട്ടൻഹാം . ഈ വരുന്ന ശനിയാഴ്ച സെപ്റ്റംബർ മൂന്നിന് രാവിലെ ഒന്പതിന് കേരളത്തനിമയാർന്ന പ്രഭാതഭക്ഷണത്തോടുകൂടി ചെൽട്ടൻഹാം വില്ലേജ് ഹാളിൽ സംഗമത്തിന് തുടക്കം കുറിക്കും.

കോട്ടയം ജില്ലയിലെ പുരാതനമായ രണ്ട് വൻകരകളിലെ അയർക്കുന്നവും മറ്റക്കരയും ഉൾപ്പെടുന്ന സ്ഥലത്തുനിന്നും യുകെയിലേക്ക് കുടിയേറിയ മലയാളികൾ ഒത്തു കൂടുമ്പോൾ, സഹപാഠികളും നാട്ടുകാരും വീട്ടുകാരുമായി ഒരു വർഷത്തെ പല കഥകളും വിശേഷങ്ങളുമായി സല്ലപിക്കാൻ ഇത്തവണ പാലാപ്പള്ളിയുടെ ഈരടികൾ ബാഗ്രൗണ്ടിൽ മുഴങ്ങുന്നുണ്ടാകും.

യുകെയിലെ സംഗമങ്ങളിൽ അയർക്കുന്നം മറ്റക്കര സംഗമം എക്കാലവും മികവുറ്റതായിരുന്നു. പ്രവർത്തന മികവുകൊണ്ടും ജനപങ്കാളിത്തം കൊണ്ടും ഇത്തവണയും വേറിട്ടു നിൽക്കും എന്നതിൽ സംശയമില്ലെന്ന് പ്രസിഡന്‍റ് ഫെലിക്സ് ജോൺ ഉള്ളാട്ടിൽ പറഞ്ഞു. യുകെയിലെ നാനാ ദിക്കുകളിൽ നിന്നും വണ്ടിയോടിച്ചും ട്രെയിനിലും എത്തുന്നവരെ സ്വാഗതം ചെയ്യാൻ എല്ലാ തയ്യാറെടുപ്പുകളും പൂർത്തിയായതായി സ്വാഗത കമ്മിറ്റി ചെയർമാനും സംഗമത്തിന്‍റെ സെക്രട്ടറിയും കൂടിയായ തോമസ് ഒഴുങ്ങാലില്‍ അറിയിച്ചു.

രാവിലെ പത്തിനു നടക്കുന്ന പൊതുയോഗം, സംഗമത്തിൽ സംബന്ധിക്കാൻ നാട്ടിൽ നിന്നും എത്തിയിരിക്കുന്ന രക്ഷകർത്താക്കളുടെ പ്രതിനിധികൾ തിരിതെളിച്ച് ഉദ്ഘാടനം ചെയ്യുമെന്ന് സംഗമം വൈസ് പ്രസിഡന്‍റ് മേഴ്സി ബിജു അറിയിച്ചു.

സംഗമത്തിന് എത്തുന്ന എല്ലാവർക്കും സ്വാദേറിയ വിഭവങ്ങൾ ബ്രിസ്റ്റോളിൽ നിന്നുള്ള അറിയപ്പെടുന്ന കേറ്ററിംഗ് കാരുടെ നേതൃത്വത്തിൽ കേരളത്തനിമയോടുകൂടി വിളമ്പുന്നതിന് വേണ്ടിയുള്ള ക്രമീകരണങ്ങൾ പൂർത്തിയായതായി ഫിനാൻസ് കമ്മിറ്റി ചെയർമാൻ റോബി ജെയിംസ് പറഞ്ഞു. സംഗമം നടക്കുന്ന വേദിയുടെ വിലാസം താഴെ കൊടുക്കുന്നു.

Swindon village hall, Church road, Swindon village, Cheltenham. GL51 9QP

സീറോമലബാർ സഭ നോക്ക് തീർഥാടനം; മാർ റാഫേൽ തട്ടിൽ അയർലൻഡിലെത്തും.

ഡബ്ലിൻ: അയർലൻഡ് സീറോമലബാര്‍ സഭയുടെ ഈവർഷത്തെ നാഷണൽ നോക്ക് തീർഥാടനം മെയ് 11ന് നടക്കും.

ഡെറിയിൽ പാലാ സ്വദേശി സിബി ജോസ് അന്തരിച്ചു.

ഡബ്ലിൻ: ഡെറിയിൽ പാലാ മേരിലാൻഡ് സ്വദേശി പാമ്പക്കൽ സിബി ജോസ്(46) അന്തരിച്ചു.

അയർലൻഡിൽ മലയാളിയായ റോഹൻ സലിന് ചെസ് കിരീടം.

ഡബ്ലിൻ: അയർലൻഡിൽ ചെസ് ചാമ്പ്യൻഷിപ്പിൽ മലയാളിത്തിളക്കം.

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.