Deepika.com Nri News :കെഎച്ച്എൻഎ സ്കൂൾ ഓഫ് യോഗ കേന്ദ്രമന്ത്രി വി.മുരളീധരൻ ഉദ്ഘാടനം ചെയ്തു.......

Americas

കെഎച്ച്എൻഎ സ്കൂൾ ഓഫ് യോഗ കേന്ദ്രമന്ത്രി വി.മുരളീധരൻ ഉദ്ഘാടനം ചെയ്തു

Back To NRI Home Forward This News Click here for detailed news of all items

ന്യൂയോർക്ക് : കേരള ഹിന്ദൂസ് ഓഫ് നോർത്ത് അമേരിക്കയുടെ ആഭിമുഖ്യത്തിൽ തുടക്കം കുറിച്ച സ്കൂൾ ഓഫ് യോഗ കേന്ദ്ര മന്ത്രി വി.മുരളീധരൻ ഉദ്ഘാടനം ചെയ്തു. അഗസ്ത്യം കളരിയുടെയും കെ എച്ച് എൻ എയുടെയും സംയുക്ത സംരംഭമാണ് സ്കൂൾ ഓഫ് യോഗ. യുവജനങ്ങൾക്കും വയോധികർക്കും പ്രത്യേകമായി പരിശീലന പദ്ധതികൾ ആവിഷ്ക്കരിച്ചിട്ടുണ്ട്.

യോഗ ക്ലാസുകളിൽ പങ്കെടുത്ത് പരിശീലനം നേടിയവർക്ക് സ്വന്തമായി യോഗസ്കൂൾ നടത്തുന്നതിനുള്ള ഫ്രാഞ്ചൈസി അംഗീകാരവും അടിസ്ഥാന സഹായങ്ങളും കെ എച്ച് എൻ എ നൽകും. പഠിതാക്കളുടെ അഭിരുചിയനുസരിച്ച് കളരിയിലും യോഗയിലും ഒരേ സമയം പരിശീലനം നേടാനാവുന്ന വിധമാണ് പാഠ്യപദ്ധതികൾ . " ജ്വാല " എന്ന് പേരിട്ടിരിക്കുന്ന ഈ പരിശീലന പദ്ധതി ലിംഗഭേദമന്യേ ആർക്കും പങ്കെടുക്കാവുന്ന തരത്തിലാണ് ചിട്ടപ്പെടുത്തിയിരിക്കുന്നത്.

പൗരാണിക ഭാരതത്തിന്‍റെ ആരോഗ്യ സംരക്ഷണ ശാസ്ത്രമായ യോഗവിദ്യയെ ലോക രാഷ്ട്രങ്ങളും ഐക്യരാഷ്ട്ര സഭയും സർവദാ അംഗീകരിച്ചു കഴിഞ്ഞിട്ട് കാലങ്ങളായി. കോവി ഡാനന്തര ലോകത്ത് മനുഷ്യരുടെ മാനസികവും ശാരീരികവുമായ ആരോഗ്യം തിരിച്ചു പിടിക്കുന്നതിനും അതിജീവനത്തിനും യോഗധ്യാനമുറകൾ പോലെ മറ്റൊരു മരുന്നില്ലായെന്ന് കണ്ടെത്തിയ വൈദ്യശാസ്ത്ര മേഖല ചികിത്സാ രംഗത്തും ഈ രീതി പ്രയോജനപ്പെടുത്തി വരികയാണ്.

കെ എച്ച് എൻ എ അംഗങ്ങളുടെയും കുടുംബാംഗങ്ങളുടെയും ആത്മീയവും മാനസികവും ഭൗതികവുമായ ഉന്നമനത്തെ ലക്ഷ്യമാക്കിയാണ് യോഗ കളരി പരിശീലന പദ്ധതികൾക്ക് തുടക്കം കുറിച്ചിരിക്കുന്നത്.

ഓൺലൈൻ ഉദ്ഘാടന യോഗത്തിൽ ജയശ്രീ നായർ സ്വാഗതം ആശംസിച്ചു. കെ എച്ച് എൻ എ പ്രസിഡന്‍റ് ജി.കെ. പിള്ള ആമുഖ പ്രഭാഷണം നടത്തി. ഡോ. അരുൺ സുരേന്ദ്രൻ, ഡോ.മഹേഷ് ഗുരുക്കൾ, രാംദാസ് പിള്ള എന്നിവർ സംസാരിച്ചു. രാഹുൽ, ദിവ്യ,ശില്പ , പാർവതി, അശ്വതി, സുൾഫിയ, അഭിരാമം എന്നിവർ വിവിധ കളരി അഭ്യാസ പ്രകടനങ്ങൾ അവതരിപ്പിച്ചു.

ഷിക്കാഗോ സെന്‍റ് മേരീസിൽ ഗീവർഗീസ് സഹദായുടെ തിരുനാൾ ആഘോഷിച്ചു.

ഷിക്കാഗോ: ഷിക്കാഗോ സെന്‍റ് മേരീസ് ക്നാനായ കാത്തലിക്ക് ഇടവകയിൽ വിശുദ്ധ ഗീവർഗീസ് സഹദായുടെ തിരുനാൾ ആഘോഷിച്ചു.

ഫാ. ജോസഫ് തച്ചാറയ്ക്ക് ഹൂസ്റ്റണിൽ യാത്രയയപ്പ് നൽകി.

ഹൂസ്റ്റൺ: സെന്‍റ് മേരീസ് ക്നാനായ ഫൊറോനാ ഇടവകയിൽ അസിസ്റ്റന്‍റ് വികാരിയായി രണ്ടു വർഷം സേവനമനുഷ്ടിച്ചശേഷം ഉപരിപഠനത്

ജെയിംസ് കൂടൽ ശനിയാഴ്ച ചുമതലയേൽക്കും.

തിരുവനന്തപുരം: ഓവർസീസ് ഇന്ത്യൻ കൾച്ചറൽ കോൺഗ്രസ് ഗ്ലോബൽ പ്രസിഡന്‍റായി ജെയിംസ് കൂടൽ ശനിയാഴ്ച ഉച്ചയ്ക്ക് രണ്ടിന് കെപ

റീനി അമേരിക്കയില്‍ അന്തരിച്ചു.

വാഷിംഗ്ടൺ ഡിസി: ചെങ്ങന്നൂര്‍ പാണ്ടനാട് മൂലേത്തറ ജേക്കബ് തോമസിന്‍റെ (ബാബു) ഭാര്യ റീനി (റീനി മമ്പലം70) അമേരിക്കയില്‍ അന്തരി

പ്രധാന സംസ്ഥാനങ്ങളിൽ കടുത്ത മത്സരം; ട്രംപിന് നേരിയ മുൻ‌തൂക്കമെന്ന് സർവേ.

വാഷിംഗ്‌ടൺ ഡിസി: യുഎസ് പ്രസിഡന്‍റ് തെരഞ്ഞെടുപ്പിൽ മത്സരം കടുക്കുമെന്ന് പുതിയ സർവേ.