Deepika.com Nri News :സൗഹൃദമാണ് പ്രതിരോധം. ശ്രദ്ധേയമായി പ്രവാസി വെൽഫെയർ സൗഹൃദ സംഗമം.......

Middle East & Gulf

സൗഹൃദമാണ് പ്രതിരോധം. ശ്രദ്ധേയമായി പ്രവാസി വെൽഫെയർ സൗഹൃദ സംഗമം

Back To NRI Home Forward This News Click here for detailed news of all items

മനാമ: ഭക്ഷണവും വസ്ത്രവും പോലും കൊലക്ക് കാരണമായി തീരുന്ന വർത്തമാന കാലത്ത് സൗഹൃദവും സംവാദവും കൊണ്ടാണ് പ്രതിരോധം തീർക്കേണ്ടത് എന്ന് പ്രവാസി വെൽഫെയർ ജനറൽ സെക്രട്ടറി സി എം. മുഹമ്മദലി. പ്രവാസി വെൽഫെയർ മനാമ സോൺ മനാമ കെ. സിറ്റിയിൽ സംഘടിപ്പിച്ച സൗഹൃദ സംഗമത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം. രാജ്യത്തെ ബഹുസ്വരത നേരിടുന്ന വെല്ലുവിളിക്കെതിരെയുള്ള പ്രതിരോധം സൗഹൃദമാണ്.

വ്യത്യസ്ത ആശയാദർശങ്ങൾ വെച്ച് പുലർത്തുന്നവർക്ക് സ്നേഹസംവാദത്തിൻ്റെ ലോകത്ത് വെച്ച് മാത്രമേ പരസ്പരം സംവദിക്കാൻ കഴിയൂ. അതു കൊണ്ട് സൗഹൃദമാണ് മനുഷ്യബന്ധത്തിലെ ഭൂമിയും ആകാശവും. ജീവിതത്തിലെ ഏറ്റവും വലിയ നഷ്ടം സൗഹൃദ നഷ്ടമാണ്. എല്ലാ ബന്ധങ്ങളിലും സൗഹൃദം കൂടിയാലേ ആ ബന്ധം ഊഷ്മളമാവുകയുള്ളൂ. പ്രവാസി ലോകത്തെ സൗഹൃദങ്ങൾ രാജ്യത്ത് മാതൃകയാകണമെന്നും അദ്ദേഹം കൂട്ടിച്ചേർത്തു.

രാജ്യത്തിൻ്റെ സാമ്പത്തിക വളർച്ചയിൽ വലിയ പങ്ക് വഹിക്കുകയും രാജ്യത്തിന് വൻ തോതിൽ വിദേശ നാണ്യ ശേഖരം നേടിത്തരുകയും ചെയ്യുന്ന പ്രവാസികളുടെ യാത്രാ നിരക്ക് വർദ്ധന വിഷയത്തിൽ ഇടപെടില്ലെന്ന കേന്ദമന്ത്രി വി.കെ.സിങ്ങിന്റെ പ്രസ്താവന പ്രവാസികളോടുള്ള കേന്ദ്ര സർക്കാരിൻ്റെ അവഗണനയുടെ ഏറ്റവും പുതിയ തെളിവാണ് എന്ന് സൗഹൃദ സംഗമത്തിൽ അധ്യക്ഷത വഹിച്ച പ്രവാസി വെൽഫെയർ മനാമ സോണൽ ആക്ടിംഗ് പ്രസിഡണ്ട് അൻസാർ തയ്യിൽ പറഞ്ഞു.

ഗൾഫ് നാടുകളിൽ സ്കൂൾ അവധിയായതിനാൽ പ്രവാസികൾ കുടുംബസമേതം നാട്ടിലേക്ക് യാത്ര ചെയ്യുന്ന ഈ സമയത്ത് ഇപ്പോഴുള്ള നിരക്ക് വർദ്ധന പ്രവാസികൾക്ക് താങ്ങാവുന്നതിലേറെയാണ്. നിരുത്തരവാദപരമായ പ്രസ്താവന പിൻവലിച്ച് വിമാന നിരക്ക് കുറക്കാനാവശ്യമായ സത്വര നടപടികൾ കൈക്കൊള്ളാൻ കേന്ദ്ര സർക്കാർ തയ്യാറാകണമെന്ന് അദ്ദേഹം ആവശ്യപ്പെട്ടു.

സിറാജ് പള്ളിക്കര കവിതാലാപനം നടത്തിയ സൗഹൃദ സംഗമത്തിൽ പ്രവാസി വെൽഫെയർ മനാമ സോണൽ പ്രസിഡൻറ് നൗമൽ റഹ്മാൻ സ്വാഗതവും സജീബ് നന്ദിയും പറഞ്ഞു. വിനോദ് കുമാർ, അൻസാർ കൈതാണ്ടിയിൽ, തംജീദ് P C എന്നിവർ നേതൃത്വം നൽകി.

‌യുഡിഎഫ് സ്ഥാനാർഥികളുടെ വിജയത്തിനായി ഭവനസന്ദർശനം നടത്തി ഒഐസിസി കുവൈറ്റ് ആലപ്പുഴ.

കുവൈറ്റ് സിറ്റി: യുഡിഎഫ് സ്ഥാനാർഥികളായ കെ.സി.

ഒമാനിൽ വാഹനാപകടം; രണ്ട് മലയാളി നഴ്‌സുമാർ മരിച്ചു.

മസ്‌കറ്റ്: ഒമാനിലെ നിസ്‌വയിൽ നടന്ന വാഹനാപകടത്തിൽ രണ്ട് മലയാളി നഴ്‌സുമാർ ഉൾപ്പെടെ മൂന്ന് പേർ മരിച്ചു.

ഭിന്നശേഷി കുടുംബ സംഗമത്തിന് കൈത്താങ്ങായി കേളി.

റിയാദ് : കേളി കലാസാംസ്കാരിക വേദിയുടെയും കാളത്തോട് മഹല്ല് കമ്മിറ്റിയുടെയും സഹകരണത്തോടെ തൃശൂർ ജില്ലയിലെ ഡിഎഡബ്ല്യുഎ

ലോകസഭാ തെരഞ്ഞെടുപ്പ്: ഓവർസീസ് എൻസിപി കൺവൻഷൻ സംഘടിപ്പിച്ചു.

കുവൈറ്റ് സിറ്റി: ലോകസഭാ തെരഞ്ഞെടുപ്പ് പ്രചരണത്തിന്‍റെ ഭാഗമായി ഓവർസീസ് എൻസിപി ദേശീയ നേതൃത്വം സൂം ആപ്ലിക്കേഷനിലൂടെ ഓൺ

12 വർഷത്തെ കാത്തിരിപ്പ്; നിമിഷപ്രിയയെ കണ്ട് അമ്മ പ്രേമകുമാരി.

സന: യെമനില്‍ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന നിമിഷപ്രിയയെ നേരിട്ടു കണ്ട് അമ്മ പ്രേമകുമാരി.