ന്യൂഡൽഹി : ചക്കുളത്തമ്മ സഞ്ജീവനി ആശ്രമം ചാരിറ്റബിൾ ട്രസ്റ്റ്, ഡൽഹിയുടെ വാർഷിക പൊതുയോഗം മയൂർ വിഹാർ ഫേസ്3ലെ മലയാളി വെൽഫെയർ അസോസിയേഷൻ ഓഫീസിൽ ജൂലൈ 17ന് നടത്തപ്പെട്ടു. പ്രസിഡന്റ് പിഎൻ ഷാജിയുടെ അധ്യക്ഷതയിൽ ചേർന്ന യോഗത്തിൽ സെക്രട്ടറി ഡി ജയകുമാർ 202122 സാന്പത്തിക വർഷത്തെ പ്രവർത്തന റിപ്പോർട്ടും ട്രഷറർ ടിജി മോഹൻ കുമാർ വരവ് ചെലവ് കണക്കുകളും അവതരിപ്പിച്ചു.
തുടർന്ന് അടുത്ത രണ്ടു വർഷത്തേക്കുള്ള പുതിയ സാരഥികളെ തെരഞ്ഞെടുത്തു. തെരഞ്ഞെടുപ്പ് പ്രക്രിയകൾക്ക് കെ.പി. ശിവദാസ് നേതൃത്വം നൽകി.
പ്രസിഡന്റ് സി. കേശവൻകുട്ടി, വൈസ് പ്രസിഡന്റ് രാജേഷ് കുമാർ, സെക്രട്ടറി പിഎൻ ഷാജി, ജോയിന്റ് സെക്രട്ടറി സരസ്വതി നായർ, ട്രഷറാർ ടിജി മോഹൻകുമാർ, ജോയിന്റ് ട്രഷറാർ പല്ലശന ഉണ്ണി മാരാർ, ഇന്റെർണൽ ഓഡിറ്റർ എസ് മുരളി, എക്സ് ഒഫീഷ്യോ ഡി ജയകുമാർ എന്നിവരാണ് പുതിയ സാരഥികൾ.
കൂടാതെ നിർവാഹക സമിതി അംഗങ്ങളായി ഇകെ ശശിധരൻ, സിഎം പിള്ള, നന്ദ കുമാർ, കെപി ശിവദാസ്, എസ് സുബാഷ്, ശ്യാം ജി നായർ, വാസുദേവൻ നായർ, സുനിത റാവു, അന്പിളി പ്രസാദ്, പ്രസന്ന ശങ്കർ, ആനന്ദവല്ലി, എംജി പ്രസാദ് നായർ എന്നിവരെയും തെരഞ്ഞെടുത്തു.
|