Deepika.com Nri News :എഴുത്തുകാരൻ കെ .സി ചിറ്റാർ ഹൂസ്റ്റണിൽ അന്തരിച്ചു.......

Americas

എഴുത്തുകാരൻ കെ .സി ചിറ്റാർ ഹൂസ്റ്റണിൽ അന്തരിച്ചു

Back To NRI Home Forward This News Click here for detailed news of all items

ഹൂസ്റ്റൺ: എഴുത്തുകാരൻ, പത്രപ്രവർത്തകൻ, സാമൂഹ്യ സാംസ്‌കാരിക പ്രവർത്തകൻ എന്നീ നിലകളിൽ ഒരു കാലത്തു ഹ്യൂസ്റ്റൺ മലയാളികൾക്കിടയിൽ സുപരിചിതനായിരുന്ന കെ സി വർഗീസ് (കെ സി ചിറ്റാർ) അന്തരിച്ചു. ആരോഗ്യപരമായ കാരണങ്ങളാൽ നാലഞ്ച് വർഷമായി പൊതുവേദികളിൽ നിന്നും അകന്നു കഴിയുകയായിരുന്ന കെ സി വർഗീസ് ജൂലൈ മൂന്നിന് രാവിലെ ഏഴോടെയാണ് അന്തരിച്ചത്.

1990കളിൽ അമേരിക്കൻ മലയാളികൾക്കിടയിൽ വളരെ പ്രചാരം നേടിയ 'കേരള വീക്ഷണം' എന്ന വാർത്താവാരികയുടെ പ്രസാധകനും ചീഫ് എഡിറ്ററുമായിരുന്നു കെ സി. മലയാളി അസോസിയേഷൻ ഓഫ് ഗ്രെയ്റ്റർ ഹൂസ്റ്റൺ, കേരളാ റൈറ്റേഴ്‌സ് ഫോറം എന്നീ സംഘടനകളിലെ മുൻനിര പ്രവർത്തകനുമായിരുന്നു. ‌‌‌

പത്തനംതിട്ട ചിറ്റാർ കുളത്തുങ്കൽ വർഗീസ് ചാണ്ടി അന്നമ്മ ദമ്പതികളുടെ ഇളയ പുത്രനാണ് കെ സി വർഗീസ്. ശ്രീമതി റേച്ചൽ വർഗീസ് ആണ് ഭാര്യ. ടെറൽ വർഗീസ്, ജസ്റ്റിൻ വർഗീസ് എന്നിവർ മക്കളും രജനി വർഗീസ് മരുമകളും ആണ്. ജോയൽ, ഡാനിയേൽ, എസ്സായ എന്നിവർ പേരക്കുട്ടികൾ.

ജൂലൈ 9 നു വൈകുന്നേരം നാലുമുതൽ ഒന്പതുവരെ സെന്‍റ് തോമസ് ഓർത്തഡോക്സ് ഓഡിറ്റോറിയത്തിൽ പൊതു ദർശനവും തിങ്കളാഴ്ച 8 മുതൽ 11 വരെ പള്ളിയിലെ ശുശ്രൂഷകൾക്ക് ശേഷം ഫോറസ്റ്റ് പാർക്ക് സെമിത്തേരിയിൽ സംസ്കാരവും നടക്കും.

പല സംഘടനകളിലൂടെയും നിരവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകിയ വ്യക്തി കൂടിയാണ് കെ സി യുടെ വിടവാങ്ങലിലൂടെ മലയാളി സമൂഹത്തിനു നഷ്ടപ്പെട്ടത് എന്ന് മാഗ് പ്രസിഡന്‍റ് അനിൽ ആറന്മുള അനുസ്മരിച്ചു.

പരസ്യക്കാരുടെ പകിട്ടിൽ മയങ്ങാതെ സത്യസന്ധമായി പത്രപ്രവർത്തനം നടത്തിയ കെ സി ചിറ്റാർ എന്നെന്നും അമേരിക്കൻ മലയാളി പത്രപ്രവർത്തകർക്ക് മാർഗദർശിയായിരുന്നതായി റൈറ്റേഴ്‌സ് ഫോറം സ്ഥാപക പ്രസിഡണ്ട് മാത്യു നെല്ലിക്കുന്ന് പറഞ്ഞു.

എൺപതുകളിൽ ഹൂസ്റ്റണിലെ ആദ്യ സാഹിത്യ കൂട്ടായ്മയായ 'കാഫി ക്ലാഷ്' എന്ന സംഘടനമുതൽ സാഹിത്യരംഗത്തു നിറഞ്ഞ ആത്മാർത്ഥതയോടെ പ്രവർത്തിച്ച കെ സിയുടെ മരണം കുടിയേറ്റ മലയാളി സമൂഹത്തിന് വലിയ നഷ്ടമാണ് എന്ന് റൈറ്റേഴ്‌സ് ഫോറം മുൻ പ്രസിഡന്റും എഴുത്തുകാരനുമായ ജോൺമാത്യു അനുസ്മരിച്ചു.

എംഡി സ്ട്രൈക്കേഴ്സ്‌ ക്യാപിറ്റൽ സോക്കർ ടൂർണമെന്‍റ് മേയ്‌ 25ന്.

മേരിലാൻഡ്‌: പ്രഥമ ഇന്ത്യൻ അമേരിക്കൻ സോക്കർ ടൂർണമെന്‍റിന് മേരിലാൻഡ്‌ വേദിയാകുന്നു.

ഡാളസിൽ രണ്ട് സ്ത്രീകൾ വെടിയേറ്റ് മരിച്ചു; പ്രതി പിടിയിൽ.

ഡാളസ്: ഡാളസ് ഫെയർ പാർക്കിന് സമീപം രണ്ട് സ്ത്രീകൾ വെടിയേറ്റ് മരിച്ചു.

ജോണി കുര്യനെ ബ്രൂക്ലിന്‍ രൂപത ഷൈനിംഗ് സ്റ്റാര്‍ പദവി നല്‍കി ആദരിച്ചു.

ബ്രൂക്ലിന്‍: ന്യൂഹൈഡ് പാര്‍ക്കിലെ ജോണി ജോസഫ് കുര്യനെ ബ്രുക്ലിന്‍ രൂപത ഷൈനിംഗ് സ്റ്റാര്‍ പദവി നല്‍കി ആദരിച്ചു.

"ക്ലീൻ ക്ലീൻ ടുഗതര്‍' യത്‌നത്തില്‍ സജീവ പങ്കാളികളായി ടോറോന്‍റോ സീറോമലബാർ സമൂഹം.

ടോറോന്‍റോ: ഭൗമദിനാചരണത്തോട് അനുബന്ധിച്ചു സിറ്റി ഓഫ് ടോറോന്‍റോ സംഘടിപ്പിക്കുന്ന സാമൂഹ്യ ശുചീകരണ യത്നത്തിൽ സീറോമലബാ

അധ്യാപകർക്ക് സ്കൂളുകളിൽ തോക്കുകൾ കൊണ്ടുപോകാൻ അനുമതി; ബിൽ ടെന്നസി പാസാക്കി.

ടെന്നിസി : വിദ്യാലയങ്ങൾക്ക് നേരെ ആക്രമണസംഭവങ്ങൾ റിപ്പോർട്ട് ചെയ്യുന്നത് വർധിച്ചതോടെ രഹസ്യമായി തോക്കുകൾ കൈവശം വയ്ക്