കുവൈറ്റ്: സാരഥി കുവൈറ്റ് ഇന്ത്യയുടെ 76മത് സ്വാതന്ത്ര്യ ദിനത്തിന്‍റെ ഭാഗമായി രക്തദാന ക്യാന്പ് സംഘടിപ്പിച്ചു. ജാബ്രിയ സെൻട്രൽ ബ്ലഡ് ബാങ്കിൽ ജൂലൈ 1 വെള്ളിയാഴ്ച ഉച്ചയ്ക്ക് ഒന്നു മുതൽ 7 വരെ നടത്തിയ ക്യാന്പിൽ നൂറിൽപരം ദാതാക്കൾ രക്തദാനം നടത്തി.
കുവൈറ്റ് ബ്ലഡ് ബാങ്കിൽ നേരിടുന്ന രക്ത ദൗർലഭ്യം നേരിടുന്നതിനായി സെൻട്രൽ ബ്ലഡ് ബാങ്കിന്‍റെ പ്രത്യേക അഭ്യർഥന പ്രകാരം സംഘടിപ്പിച്ച ക്യാന്പിന് സാരഥി ഹസാവി സൗത്ത് യൂണിറ്റും സാരഥി സെൻട്രൽ ക്രൈസിസ് മാനേജ്മെൻറ് ടീമും നേതൃത്വം നൽകി.
രക്തദാന ക്യാന്പിന്‍റെ ഒൗപചാരിക ഉദ്ഘാടനം സാരഥി പ്രസിഡൻറ് സജീവ് നാരായണൻ നിർവഹിക്കുകയുണ്ടായി. സാരഥി നടത്തുന്ന ജീവകാരുണ്യ പ്രവർത്തനങ്ങളെ കുറിച്ച് സാരഥി ജനറൽസെക്രട്ടറി ബിജു സി.വി. വിശദീകരിക്കുകയും, സാരഥി ട്രഷറർ അനിത് കുമാർ, വൈസ് പ്രസിഡൻറ് സതീഷ് പ്രഭാകരൻ വനിതാവേദി ചെയർപേഴ്സണ്‍ പ്രീത സതീഷ് രക്തദാന ക്യാന്പ് ജനറൽ കണ്‍വീനർ വിജേഷ് വേലായുധൻ എന്നിവർ ആശംസകൾ അറിയിച്ചു.
തദവസരത്തിൽ സാരഥി കുവൈറ്റ് ജൂലൈ 10ന് സംഘടിപ്പിക്കുന്ന ചിത്രരചനാ മത്സരമായ നിറക്കൂട്ട് 2022 ൻറെ ഫ്ളയർ പ്രകാശനം സാരഥി പ്രസിഡന്‍റ് സജീവ് നാരായണൻ നിർവഹിച്ചു.
സാരഥി കുവൈറ്റിൻറെ ഹസ്‌സാവി സൗത്ത് യൂണിറ്റും, സാരഥി ക്രൈസിസ് മാനേജ്മെൻറ് കമ്മറ്റി എന്നിവർ സംയുക്തമായി നേതൃത്വം നൽകി സംഘടിപ്പിച്ച രക്തദാന ക്യാന്പ് ജനറൽ കണ്‍വീനർ വിജേഷ്, വിജയൻ, ശ്രീകാന്ത്, കൃപേഷ്,ഷാജി ശ്രീധരൻ,അഭിജിത്ത്, അഭിഷേക്, ഷിബു കെ.പി, അരുണ്‍ പ്രസാദ്, തേജസ് കൃഷ്ണ,മായ അനുമോൻ,അഞ്ചു രാജീവ്, അനില സുദിൻ, രഹന ഷഫർ, കവിത, റീന ബിജു, ബിന്ദു സജീവ്, സനൽകുമാർ, അജിത് ആനന്ദ്, മൃദുൽ എന്നിവർ കോർഡിനേറ്റ് ചെയ്തു.
|