ന്യൂയോർക്ക്: കേരളം സമാജം ഓഫ് സ്റ്റാറ്റൻ ഐലന്‍റ് മുൻ പ്രസിഡന്‍റും രണ്ടു തവണ അസോസിയേഷന്റ ട്രഷററുമായിരുന്ന വിജി എബ്രഹാമിനെ ഫോമാ ഗ്ലോബൽ കണ്‍വൻഷൻ മെട്രോ റീജണൽ കോർഡിനേറ്ററായി തെരഞ്ഞെടുത്തു.
മെട്രോ റീജണ്‍ അർവിപി ബിനോയ് തോമസും, നാഷണൽ കമ്മിറ്റി അംഗങ്ങളായ ജയിംസ് മാത്യുവും ഡിൻസിൽ ജോർജും അറിയിച്ചു. അദ്ദേഹം ഫോമാ ഹെൽപിംഗ് ഹാൻഡ്സിന്‍റെ മെട്രോ റീജണൽ കോചെയർ ആയി പ്രവർത്തിച്ചു. ഫോമയുടെ മയാമി കണ്‍വൻഷനിലും ഷിക്കാഗോ കണ്‍വൻഷനിലും ആദ്ദേഹം ഒരു നിറസാന്നിധ്യമായിരുന്നു.
ഫോമാ റീജണുകളിൽ നിന്നുള്ള രജിസ്ട്രേഷനുകൾ കോർഡിനേറ്റ് ചെയ്യുക, ആവരെ കണ്‍വൻഷൻ പരിപാടികളിലേക്ക് നിർദേശിക്കുക, കണ്‍വൻഷനിൽ പങ്കെടുക്കുന്നവർക്ക് വേണ്ടുന്ന റിസോർട്ടിൽ എത്തുന്പോൾ വേണ്ടുന്ന മാർഗനിർദേശങ്ങൾ അർവിപിയും, നാഷണൽ കമ്മിറ്റി അംഗങ്ങളുമായി ഒത്തുചേർന്നു നൽകുക എന്നിവയാണ് കണ്‍വൻഷൻ റീജണൽ കോർഡിനേറ്റർമാരുടെ പ്രധാന ചുമതലകൾ.
മെക്സിക്കോയിലെ കാൻകൂനിൽ നാല് ദിവസം നീണ്ടുനിൽക്കുന്ന കുടുബസംഗമവേദിയിൽ, രാഷ്ട്രീയസാമൂഹ്യസാംസ്കാരിക ചലച്ചിത്ര മേഖലയിലെ പ്രമുഖർ പങ്കെടുക്കും. സാംസ്കാരിക പൈതൃകവും, മലയാളിത്തത്തിന്‍റെ തനിമയും വിളിച്ചോതുന്ന കലോത്സവം, നാടകമേള, വിവിധ നൃത്ത നൃത്യങ്ങൾ, താരനിശ തുടങ്ങിയവ സമ്മേളനത്തിന്‍റെ ഭാഗമായി ഉണ്ടാകും.
നിരവധി ഫാമിലികൾ മെട്രോ റീജണനിൽ നിന്നും കണ്‍വൻഷനിൽ പങ്കെടുക്കുമെന്ന് മെട്രോ റീജണൽ അർവിപി ബിനോയ് തോമസും, നാഷണൽ കമ്മിറ്റി അംഗങ്ങളായ ജയിംസ് മാത്യുവും ഡിൻസിൽ ജോർജും അറിയിച്ചു. ഷാലു പുന്നൂസാണ് മെട്രോ റീജിയന്‍റെ ചാർജ് വഹിക്കുന്ന കണ്‍വൻഷൻ കോ ചെയർ.
എല്ലാവരും എത്രയും പെട്ടെന്ന് കണ്‍വൻഷന് രജിസ്റ്റർ ചെയ്യണമെന്ന് ഫോമാ എക്സിക്യൂട്ടീവ് ഭാരവാഹികളായ പ്രസിഡൻറ് അനിയൻ ജോർജ്, ജനറൽ സെക്രട്ടറി ടി. ഉണ്ണികൃഷ്ണൻ, ട്രഷറർ, തോമസ് ടി.ഉമ്മൻ, വൈസ് പ്രസിഡൻറ് പ്രദീപ് നായർ, ജോയിൻറ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ, കണ്‍വൻഷൻ ചെയർമാൻ പോൾ ജോണ് എന്നിവർ അഭ്യർഥിച്ചു.
|