ലണ്ടൻ: ഗ്രേറ്റ് ബ്രിട്ടൻ സീറോമലബാർ രൂപതയുടെ, ലണ്ടൻ റീജണൽ ബൈബിൾ കണ്‍വൻഷൻ ജൂണ്‍ 4 ശനിയാഴ്ച നടത്തപ്പെടും. പ്രമുഖരായ ധ്യാന ഗുരുക്കൾ നേതൃത്വം വഹിക്കുന്ന ബൈബിൾ കണ്‍വൻഷൻ ഇത്തവണ കാന്‍റർബറിയിലാണ് വേദിയൊരുങ്ങുക. കുട്ടികൾക്കായി പ്രത്യേക പ്രാർഥനാ ശുശ്രുഷകളും തത്സമയം ക്രമീകരിച്ചിട്ടുണ്ട്.
’അങ്ങയുടെ പ്രകാശവും, സത്യവും അയക്കേണമേ! അവിടുത്തെ വിശുദ്ധ ഗിരിയിലേക്കും, നിവാസത്തിലേക്കും അവ എന്നെ നയിക്കട്ടെ’(സങ്കീർത്തനങ്ങൾ 43:3)
ജപമാല സമർപ്പണത്തോടെ ആരംഭിക്കുന്ന ലണ്ടൻ ബൈബിൾ കണ്‍വൻഷനിൽ തിരുവചന പ്രഘോഷണം, വിശുദ്ധ കുർബാന, ദിവ്യകാരുണ്യ ആരാധനക്കും ഒപ്പം ഗാനശുശ്രുഷ, പ്രെയ്സ് ആൻഡ് വർഷിപ്പ് ശുശ്രുഷകളും ഉൾപ്പെടുത്തിയിട്ടുണ്ട്. കുന്പസാരത്തിനും, കൗണ്‍സിലിംഗിനുമുള്ള സൗകര്യങ്ങളും ഉണ്ടായിരിക്കും. രാവിലെ പത്തിന് ആരംഭിക്കുന്ന കണ്‍വൻഷൻ വൈകുന്നേരം നാലിന് സമാപിക്കുന്നതാണ്.
ഗ്രേറ്റ് ബ്രിട്ടൻ രൂപത വികാരി ജനറാളും, കുടുംബകൂട്ടായ്മ, ഇവാഞ്ചലൈസേഷൻ കമ്മീഷനുകളുടെ നേതൃത്വം വഹിക്കുകയും ചെയ്യുന്ന, ലെസ്റ്റർ സീറോ മലബാർ മിഷൻ വികാരി മോണ്. ജോർജ് തോമസ് ചേലക്കൽ മുഖ്യകാർമ്മികനായി വിശുദ്ധബലി അർപ്പിക്കുകയും, പ്രധാന സന്ദേശം നൽകുകയും ചെയ്യും.
ഗ്രേറ്റ് ബ്രിട്ടൻ രൂപതയുടെ വക്താവും, മീഡിയ കമ്മീഷൻ ചെയർമാനും, സീറോ മലബാർ ലണ്ടൻ റീജണൽ കോർഡിനേറ്ററും, ധ്യാന ഗുരുവുമായ ഫാ. ടോമി അടാട്ട് തിരുവചന ശുശ്രുഷക്കു നേതൃത്വം വഹിക്കും. രൂപതയുടെ കുടുംബ കൂട്ടായ്മ കമ്മീഷൻ പാസ്റ്ററൽ പേട്രണും ആഷ്ഫോർഡ് മാർ ശ്ലീവാ മിഷൻ വികാരിയുമായ ഫാ. ഹാൻസ് പുതിയകുളങ്ങര, ലണ്ടൻ റീജണിലെ വിവിധ മിഷനുകളുടെ പ്രീസ്റ്റ് ഇൻ ചാർജും, ലണ്ടൻ റീജണൽ ഇവാഞ്ചലൈസേഷൻ കോർഡിനേറ്ററുമായ ഫാ. ജോസഫ് മുക്കാട്ട്, ഗ്രേറ്റ് ബ്രിട്ടൻ രൂപതയിലെ ഇവാഞ്ചലൈസേഷൻ കമ്മീഷണനു വേണ്ടി പ്രത്യേകം നിയോഗിക്കപ്പെട്ടിട്ടുള്ള, അനുഗ്രഹീത കൗണ്‍സിലറും, പ്രശസ്ത വചന പ്രഘോഷകകൂടിയായ സിസ്റ്റർ ആൻ മരിയ എന്നിവർ ബൈബിൾ സന്ദേശങ്ങൾ പങ്കുവെക്കുകയും, ശുശ്രുഷകൾക്കു നേതൃത്വം നൽകും.
കാന്‍റർബറി ഹൈസ്കൂൾ അങ്കണത്തിൽ വച്ചു നടത്തപ്പെടുന്ന തിരുക്കർമ്മങ്ങളിലും, തിരുവചന ശുശ്രുഷയിലും പങ്കാളിയാവാൻ എത്തുന്ന ഏവർക്കും, ഉത്ഥിതനായ ലോകരക്ഷകന്റെ അനുഗ്രഹ വരദാനങ്ങൾക്കും, പരിശുദ്ധാൽക കൃപകൾക്കും ബൈബിൾ കണ്‍വൻഷൻ അനുഭവ വേദികൂടിയാവും.
കൂടുതൽ വിവരങ്ങൾക്ക് ബന്ധപ്പെടുക: 07515863629, 07939539405
കണ്‍വൻഷൻ വേദിയുടെ വിലാസം: വേദിയുടെ വിലാസം:
CANTERBURY HIGH SCHOOL , KNIGHT AVENUE , CT2 8QA
|