Deepika.com Nri News :ഫോമാ കേരളാ കൺവൻഷൻ തിരുവനന്തപുരത്ത്.......

Americas

ഫോമാ കേരളാ കൺവൻഷൻ തിരുവനന്തപുരത്ത്

Back To NRI Home Forward This News Click here for detailed news of all items

കാരുണ്യ പ്രവർത്തികളുടെയും ജനസേവനത്തിന്‍റേയും പുതിയ മാതൃകകൾ മലയാളികൾക്കും കേരളത്തിനും സമ്മാനിച്ച പ്രവാസി മലയാളികളുടെ പ്രിയ സംഘടനയായ ഫോമായുടെ ഏഴാമത് കേരളാ കൺവൻഷൻ തിരുവനന്തപുരത്ത് മേയ് 13, 14, 15 തീയതികളിൽ നടക്കും.

രാഷ്ട്രീയ സാംസ്കാരികസാമൂഹ്യ രംഗത്തെ പ്രമുഖർ കൺവൻഷനിൽ പങ്കെടുക്കും. അമേരിക്കയുടെ വിവിധ ഭാഗങ്ങളിൽ താമസിക്കുന്ന പ്രവാസിമലയാളികളും ഫോമായുടെ നേതാക്കളും അഭ്യുദയകാംഷികളും കൺവൻഷനിൽ എത്തിച്ചേരും.

ഫോമാ കേരളാ കൺവൻഷനു മുന്നോടിയായി മേയ് അഞ്ചിനു ലോക മലയാളി ബിസിനസുകാർ ഒന്നിക്കുന്ന "ഫോമാ എംപവർ കേരളാ 2022' ബിസിനസ് മീറ്റിനു എറണാകുളത്തെ ഗ്രാൻഡ് ഹയാത്തിൽ തുടക്കം കുറിക്കും. ജീവകാരുണ്യ രംഗത്തും ആതുര പ്രവർത്തനത്തിനും എക്കാലവും മുൻ‌തൂക്കം നൽകുന്ന ഫോമാ മേയ് 6 നും 12 നും ഇടയിൽ വിവിധ ഗ്രാമങ്ങളിൽ മെഡിക്കൽ ക്യാമ്പുകളും സംഘടിപ്പിക്കുന്നുണ്ട്.

കേരളാ കൺവൻഷനോടനുബന്ധിച്ചു സാമ്പത്തികമായി പിന്നോക്കാവസ്ഥയിലുള്ള നൂറു കുട്ടികൾക്ക് ഉപരി പഠനത്തിനുള്ള ധനസഹായം ഫോമാ വിമെൻസ്‌ഫോറത്തിന്‍റെ നേതൃത്വത്തിൽ വിതരണം ചെയ്യും.

കഴിഞ്ഞ രണ്ടു വർഷക്കാലയളവിൽ നാലുകോടി രൂപയുടെ കാരുണ്യസേവന പദ്ധതികളാണ് ഫോമാ കേരളത്തിൽ നടപ്പിലാക്കിയത്. പ്രത്യകിച്ചും കോവിഡ് കാലയളവിൽ എല്ലാ ജില്ലകളിലേക്കും വെന്‍റിലേറ്ററുകൾ, ജീവൻ രക്ഷാ ഉപകരണങ്ങൾ, തുടങ്ങിയവ നൽകി ഫോമാ മറ്റു സംഘടനകൾക്ക് മാതൃകയായി. ബാലരാമപുരത്തെ കൈത്തറി തൊഴിലാളികളെ സംരക്ഷിക്കുന്നതിനുൾപ്പടെയുള്ള പദ്ധതികൾ നടപ്പിലാക്കിയതും ഫോമാ ഹെല്പിംഗ് ഹാൻഡ് വഴി കേരളത്തിലെ നിരവധി പേർക്ക് സാമ്പത്തിക സഹായങ്ങളും ഭാവന പദ്ധതികളും നടപ്പിലാക്കിയതും ഈ കാലയളവിലാണ്.

പുതിയ കാരുണ്യ പദ്ധതികളെ കുറിച്ചും സഹായ പദ്ധതികളുടെ നടത്തിപ്പിനെ കുറിച്ചും കൺ
വൻഷനിൽ ചർച്ച ചെയ്യും.

കൺവൻഷൻ വിജയിപ്പിക്കുന്നതിന് എല്ലാവിധ സഹായ സഹകരണങ്ങളും ഉണ്ടാകണമെന്ന് ഫോമാ പ്രസിഡന്‍റ് അനിയൻ ജോർജ്, ജനറൽ സെക്രട്ടറി ടി.ഉണ്ണികൃഷ്ണൻ, ട്രഷറർ തോമസ് ടി.ഉമ്മൻ, വൈസ് പ്രസിഡന്‍റ് പ്രദീപ് നായർ, ജോയിന്‍റ് സെക്രട്ടറി ജോസ് മണക്കാട്ട്, ജോയിന്‍റ് ട്രഷറർ ബിജു തോണിക്കടവിൽ കേരള കൺവൻഷൻ ചെയർമാൻ ഡോ. ജേക്കബ് തോമസ്, എന്നിവർ അഭ്യർഥിച്ചു.

ഷിക്കാഗോ സെന്‍റ് മേരീസിൽ ഗീവർഗീസ് സഹദായുടെ തിരുനാൾ ആഘോഷിച്ചു.

ഷിക്കാഗോ: ഷിക്കാഗോ സെന്‍റ് മേരീസ് ക്നാനായ കാത്തലിക്ക് ഇടവകയിൽ വിശുദ്ധ ഗീവർഗീസ് സഹദായുടെ തിരുനാൾ ആഘോഷിച്ചു.

ഫാ. ജോസഫ് തച്ചാറയ്ക്ക് ഹൂസ്റ്റണിൽ യാത്രയയപ്പ് നൽകി.

ഹൂസ്റ്റൺ: സെന്‍റ് മേരീസ് ക്നാനായ ഫൊറോനാ ഇടവകയിൽ അസിസ്റ്റന്‍റ് വികാരിയായി രണ്ടു വർഷം സേവനമനുഷ്ടിച്ചശേഷം ഉപരിപഠനത്

ജെയിംസ് കൂടൽ ശനിയാഴ്ച ചുമതലയേൽക്കും.

തിരുവനന്തപുരം: ഓവർസീസ് ഇന്ത്യൻ കൾച്ചറൽ കോൺഗ്രസ് ഗ്ലോബൽ പ്രസിഡന്‍റായി ജെയിംസ് കൂടൽ ശനിയാഴ്ച ഉച്ചയ്ക്ക് രണ്ടിന് കെപ

റീനി അമേരിക്കയില്‍ അന്തരിച്ചു.

വാഷിംഗ്ടൺ ഡിസി: ചെങ്ങന്നൂര്‍ പാണ്ടനാട് മൂലേത്തറ ജേക്കബ് തോമസിന്‍റെ (ബാബു) ഭാര്യ റീനി (റീനി മമ്പലം70) അമേരിക്കയില്‍ അന്തരി

പ്രധാന സംസ്ഥാനങ്ങളിൽ കടുത്ത മത്സരം; ട്രംപിന് നേരിയ മുൻ‌തൂക്കമെന്ന് സർവേ.

വാഷിംഗ്‌ടൺ ഡിസി: യുഎസ് പ്രസിഡന്‍റ് തെരഞ്ഞെടുപ്പിൽ മത്സരം കടുക്കുമെന്ന് പുതിയ സർവേ.