• Logo

Allied Publications

Europe
"നീന ക്രിക്കറ്റ് ക്ലബ് ' ക്രിസ്റ്റൽ ജൂബിലി നിറവിൽ
Share
ഡബ്ലിൻ: അയർലൻഡിലെ ആദ്യകാല മലയാളി ക്രിക്കറ്റ് ക്ലബുകളിൽ ഒന്നായ "നീനാ ക്രിക്കറ്റ് ക്ലബ്' മികച്ച നേട്ടങ്ങളുമായി 15 വർഷങ്ങൾ പിന്നിടുകയാണ് .നിലവിൽ മൺസ്റ്റർ ക്രിക്കറ്റ് യൂണിയൻ ഒന്നാം ഡിവിഷനിലാണ് നീനാ ക്രിക്കറ്റ് ക്ലബ് കളിച്ചുകൊണ്ടിരിക്കുന്നത് .

2007 ൽ ടിപ്പററി കൗണ്ടിയിലെ നീന ടൗണിൽ ഒരു കൂട്ടം മലയാളി സുഹൃത്തുക്കൾ ചേർന്ന് ആരംഭിച്ച ഈ ക്ലബ് അതിന്‍റെ ജൈത്രയാത്രയിൽ നിരവധി നേട്ടങ്ങൾ കുറിച്ചിട്ടുണ്ട്. 2012 മൺസ്റ്റർ ചാമ്പ്യൻസ്, 2013,2014, 2015 മൺസ്റ്റർ റണ്ണേഴ്‌സ് അപ്പ് എന്നിങ്ങനെ തുടർച്ചയായി മികച്ച പ്രകടനം കാഴ്ചവച്ച് നീനാ നിവാസികൾക്കും വിശിഷ്യ മലയാളിക്കും അഭിമാനമായി മാറി.
2013 ൽ കണ്ണൻ ശ്രീനിവാസ് , 2021 ൽ ക്യാപ്റ്റൻ ജിൻസൺ അബ്രഹാം എന്നിവർ മൺസ്റ്ററിലെ മികച്ച താരങ്ങളായി തിരഞ്ഞെടുക്കപ്പെട്ടു .

നിരവധി മികച്ച പ്രകടനങ്ങൾ കൊണ്ട് ഇതിനോടകം മൺസ്റ്റർ ക്രിക്കറ്റ് യൂണിയനിൽ നീന ക്രിക്കറ്റ് ക്ലബ് തങ്ങളുടെ മുഖമുദ്ര പതിപ്പിച്ചുവെന്നും മൺസ്റ്റർ മുൻനിര ക്ലബുകൾക്ക് ഗ്രൗണ്ടിൽ വെല്ലുവിളി ഉയർത്തുകയും പലവട്ടം വിജയക്കൊടി പാറിക്കുകയും ചെയ്ത് നീനയുടെ നിറസാന്നിദ്ധ്യം അറിയിച്ചുവെന്നും ആദ്യ ചെയർമാൻ ടോം പോളും 2012 മൺസ്റ്റർ കപ്പ് വിന്നിംഗ് ക്യാപ്റ്റനും മാൻ ഓഫ് ദി മാച്ചും ആയ ജിൻസൺ എബ്രഹാമും പറഞ്ഞു.

നിരവധി ക്ലബ് അംഗങ്ങൾ അമ്പയർ കോഴ്‌സ്, കോച്ചിംഗ് കോഴ്‌സ് തുടങ്ങിയവ പൂർത്തിയാക്കി പുതിയ തലമുറയെ പരിശീലിപ്പിക്കുന്നു. ടിപ്പററി കൗണ്ടിയിലും പരിസരത്തും ഉള്ള ഐറിഷുകാർ ഉൾപ്പെടെ ഉള്ളവർ ഇപ്പോൾ ടീമിൽ കളിക്കുന്നു. അയർലൻഡ് അണ്ടർ 19 വേൾഡ് കപ്പ് കളിച്ച, ഇപ്പോൾ മൺസ്റ്റർ ഹിറ്റ്‌സ് താരമായ 'ആരോൺ കാവലി'മുൻ നീന താരം ആണ്.
ലോക നിലവാരത്തിൽ ഉള്ള ബാലിഹാൻ ക്രിക്കറ്റ് ഗ്രൗണ്ട് ആണ് നീന ഹോം ഗ്രൗണ്ട് ആയി ഉപയോഗിക്കുന്നത്.

മൺസ്റ്റർ ക്രിക്കറ്റ് യൂണിയൻ സഹായത്തോടെ മികച്ച പരിശീലന സൗകര്യം ഒരുക്കിയിട്ടുണ്ടെന്നും
പുതിയ സീസൺ വളരെ പ്രതീക്ഷയോടെ കാത്തിരിക്കുകയാണെന്നും ക്ലബ് ചെയർമാൻ
വി. അനുലാൽ, ക്യാപ്റ്റൻ ജോജിൻ മാത്യു എന്നിവർ പറഞ്ഞു.

ഏപ്രിൽ മാസം പുതിയ സീസൺ ആരംഭിക്കുമെന്നും മെമ്പർഷിപ് ഫീ, സ്റ്റുഡന്‍റ്സ്, അണ്ടർ 18 എന്നിവർക്കു ഡിസ്‌കൗണ്ട് നിരക്ക് സാധ്യമാണെന്നും ട്രഷറർ വിമൽ ജോൺ പറഞ്ഞു.

ജനുവരിയിൽ ചേർന്ന വാർഷിക പൊതുയോഗത്തിൽ പുതിയ ക്ലബ് കമ്മിറ്റിയെ നിയമിച്ചു. വി. അനുലാൽ (ചെയർമാൻ), എൻ.ജി. ഹരി (സെക്രട്ടറി), വിമൽ ജോൺ (ട്രഷറർ) എന്നിവർക്കൊപ്പം ജോജിൻ മാത്യു (ക്യാപ്റ്റൻ), ടോം പോൾ (വൈസ് ക്യാപ്റ്റൻ ) എന്നിവരും ചുമതലയേറ്റു .

വിവരങ്ങൾക്ക്: വി. അനുലാൽ (ചെയർമാൻ ) 353 87 147 8272, ജോജിൻ മാത്യു (ക്യാപ്റ്റൻ ) 353 87 160 9937.

ജെയ്സൺ കിഴക്കയിൽ

മ്യൂസിക് മഗ് സീസൻ 2 പുതിയ ഗാനം പുറത്തിറങ്ങി.
ഡബ്ലിൻ : ഫോർ മ്യൂസിക്‌സിന്‍റെ ഒറിജിനൽ സിരീസ് ആയ “മ്യൂസിക് മഗ് സീസൻ 2”ലെ ഏറ്റവും പുതിയ ഗാനം പുറത്തിറങ്ങി.
വേൾഡ് മലയാളി കൗൺസിൽ യുകെ പ്രൊവിൻസിന് പുതിയ ഭാരവാഹികൾ.
ലണ്ടൻ : വേൾഡ് മലയാളി കൗൺസിൽ യുകെ പ്രൊവിൻസ് 202224 വർഷത്തേക്ക് പുതിയ ഭാരവാഹികളെ തെരഞ്ഞെടുത്തു.
മോദി ജര്‍മന്‍ സന്ദര്‍ശനം പൂര്‍ത്തിയാക്കി.
ബര്‍ലിന്‍: ജര്‍മന്‍ സന്ദര്‍ശനം പൂര്‍ത്തിയാക്കിയ ഇന്ത്യന്‍ പ്രധാനമന്ത്രി നരേന്ദ്ര മോദി ചൊവ്വാഴ്ച യു.എ.ഇയിലേക്കു പോയി.
ഗവേഷക വിദ്യാര്‍ത്ഥി അരുണ്‍ സത്യന്റെ മുങ്ങിമരണം ജര്‍മന്‍ മലയാളി സമൂഹത്തെ ഞടുക്കി.
ബര്‍ലിന്‍: ജര്‍മനിയിലെ നീഡര്‍ സാക്സണ്‍ സംസ്ഥാനത്തിലെ ഗോട്ടിംങ്ങന്‍ ജില്ലയിലെ റൈന്‍സ്ഹോഫ് റോസ്ഡോര്‍ഫര്‍ ബാഗര്‍സീയില്‍ ഉണ്ടായ ദുരന്തത്തില്‍ അക്ഷരാര്
ജ​ർ​മ​നി​യി​ൽ മ​ല​യാ​ളി ഗ​വേ​ഷ​ക വി​ദ്യാ​ർ​ഥി തടാകത്തിൽ മു​ങ്ങി മ​രി​ച്ചു.
ബെ​ർ​ലി​ൻ: മ​ല​യാ​ളി ഗ​വേ​ഷ​ക വി​ദ്യാ​ർ​ഥി​യെ ജ​ർ​മ​നി​യി​ൽ ത​ടാ​ക​ത്തി​ൽ മു​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി.