ഷിക്കാഗോ: ലിറ്റററി അസോസിയേഷൻ ഓഫ് നോർത്ത് അമേരിക്ക(LANAയുടെ, 2223വർഷങ്ങളിലെ പ്രവർത്തനോദ്ഘാടനം മാർച്ച് 5 ശനിയാഴ്ച രാവിലെ 9.30ന്, (സെൻട്രൽ സ്റ്റാൻഡേഡ് ടൈം) കേരള സാഹിത്യ അക്കാഡമി പ്രസിഡന്‍റ്, കവി സച്ചിദാനന്ദൻ നിർവഹിക്കും. സൂം പ്ലാറ്റ് ഫോമിലാണ് ഉദ്ഘാടന സമ്മേളനം. സംഘടിപ്പിക്കുന്നത്.
ലാനാ പ്രസിഡന്‍റ് അനിലാൽ ശ്രീനിവാസൻ അധ്യക്ഷനാകും. സെക്രട്ടറി ശങ്കർ മന, ആമുഖ പ്രസംഗവും ട്രഷറാർ ഗീതാ രാജൻ, സ്വാഗത പ്രസംഗവും നിർവഹിക്കും. വൈസ് പ്രസിഡന്‍റ് ജോർജ് നടവയൽ നന്ദി പ്രകാശിപ്പിക്കും. ന്ധപ്രവാസവും സാഹിത്യവുംന്ധ എന്ന വിഷയത്തിൽ, കവി സച്ചിദാനന്ദൻ പ്രഭാഷണം നടത്തും. തുടർന്ന് സംവാദം. ലാനയുടെ മുൻ പ്രസിഡന്‍റുമാർക്കും മാധ്യമങ്ങൾക്കും ആദരം സമർപ്പിക്കും. ഡോ. എം എസ് ടി നന്പൂതിരി, ജോസഫ് നന്പിമഠം, മനോഹർ തോമസ്, ജോണ് ഇളമത, അബ്രാഹം തോമസ്, വി സി പീറ്റർ നീണ്ടൂർ, അബ്രാഹം തെക്കേമുറി, വാസുദേവ് പുളിക്കൽ, ഷാജൻ ആനിത്തോട്ടം, ജോസ് ഓച്ചാലിൽ, ജോണ് മാത്യൂ, ജോസൻ ജോർജ് എന്നീ ലാനാ മുൻ പ്രസിഡന്‍റുമാരെയാണ് ആദരിക്കുന്നത്. സൂം മീറ്റിങ്ങ് ഐഡി: 882 3135 2962; പാസ് വേഡ്: 085010.
അനിലാൽ ശ്രീനിവാസൻ (പ്രസിഡന്‍റ്), ജോർജ്ജ് നടവയൽ (വൈസ് പ്രസിഡന്‍റ്), ശങ്കർ മന (ജനറൽ സെക്രട്ടറി), ഷിബു പിള്ള (ജോയിന്റ് സെക്രട്ടറി), ഗീതാ രാജൻ (ട്രഷറർ), ഹരിദാസ് തങ്കപ്പൻ (ജോയിന്റ് ട്രഷറർ), പ്രസന്നൻ പിള്ള (പബ്ലിക്ക് റിലേഷൻസ് ചെയർ), സാമുവൽ യോഹന്നാൻ (പ്രോഗ്രാം കമ്മിറ്റി ചെയർ), കെ. കെ. ജോണ്സണ് (എക്സിക്യൂട്ടിവ് കമ്മിറ്റി അംഗം) എന്നിവരാണ് ലാനാ ഭാരവാഹികൾ.
കേരളത്തിൽ നിന്ന് യുഎസ്എയിലേയ്ക്കും കാനഡയിലേയ്ക്കും കുടിയേറിപ്പാർത്ത ഭാഷാസ്നേഹികളുടെ ദേശീയ സാഹിത്യ സംഘടനയാണ് ലാന. സ്വതന്ത്ര മതേതര പുരോഗമന കാഴ്ചപ്പാടുള്ള എഴുത്തുകാരും സാഹിത്യാസ്വാദകരും ലാനയിൽ കൂട്ടുകൂടുന്നു.
പിഡി ജോർജ് നടവയൽ
|