• Logo

Allied Publications

Europe
എലിസബത്ത് രാജ്ഞിയുടെ സ്ഥാനാരോഹണത്തിന് എഴുപതിറ്റാണ്ട്
Share
ലണ്ടന്‍:ബ്രിട്ടീഷ് രാജ്ഞിയായി എലിസബത്ത് സ്ഥാനമേറ്റിട്ട് ഫെബ്രുവരി ആറിന് 70 വര്‍ഷം തികഞ്ഞു. ഭരണത്തിന്‍റെ പ്ളാറ്റിനം ജൂബിലി വിവിധ പരിപാടികളോടെ ആഘോഷമാക്കാനുള്ള തീരുമാനത്തിലാണ് ബെക്കിംഗ്ഹാം കൊട്ടാരം.

തൊണ്ണുറ്റഞ്ചുകാരി രാജ്ഞി അധികാരത്തിലേറിയത് 1952 ഫെബ്രുവരി ആറിനാണ്. ഏറ്റവും കൂടുതല്‍ കാലം ഭരിച്ച ബ്രിട്ടീഷ് രാജ്ഞി എന്ന പദവിയും അവര്‍ക്കു മാത്രം സ്വന്തം.

വര്‍ഷം മുഴുവന്‍ ആഘോഷിക്കാനാണ് ബെക്കിംഗ്ഹാം കൊട്ടാരത്തിന്‍റെ തീരുമാനം. ഇതിന്‍റെ ഭാഗമായി ജൂണ്‍ രണ്ടു മുതല്‍ അഞ്ചു വരെ നാലു ദിവസം ഇംഗ്ലണ്ടിൽ പൊതു അവധി പ്രഖ്യാപിച്ചു. അവധി ചരിത്രപരമായ നാഴികക്കല്ല് ആഘോഷിക്കാന്‍ ഒത്തുചേരാനുള്ള അവസരമൊരുക്കുമെന്ന് കൊട്ടാരത്തിൽ നിന്നുള്ള അറിയിപ്പിൽ പറയുന്നു.

വാര്‍ഷികത്തോടനുബന്ധിച്ച് രാജ്യവ്യാപക പുഡിംഗ് മത്സരങ്ങള്‍, സൈനിക പരേഡുകള്‍, പാര്‍ട്ടികള്‍ എന്നിവ സംഘടിപ്പിക്കും.

അതേസമയം വര്‍ഷങ്ങള്‍ നീണ്ട അനിശ്ചിതത്വത്തിനൊടുവില്‍ ചാള്‍സ് രാജാവാകുമ്പോള്‍ രാജ്ഞിയാവുക ഭാര്യ കാമില തന്നെയാവും എന്നു ഉറപ്പായി. ചരിത്രപ്രധാന്യം കൈവരിക്കാവുന്ന പ്ളാറ്റിനം ജൂബിലി പ്രസ്താവനയിലൂടെയാണ് എലിസബത്ത് രാജ്ഞി ഇക്കാര്യം സ്ഥിരീകരിച്ചത്.

ചാള്‍സ് രാജാവാകുമ്പോള്‍ കാമിലയ്ക്കും പൂര്‍ണമായ അംഗീകാരം ലഭിക്കും. നിങ്ങളുടെ സേവിക, എലിസബത്ത് ആര്‍. എന്നു എഴുതി ഒപ്പുവച്ച് ബ്രിട്ടീഷ് ജനതയ്ക്കായി നല്‍കിയ ഒരു സന്ദേശത്തിലൂടെയാണ് എലിസബത്ത് രാജ്ഞി ഇക്കാര്യം അറിയിച്ചത്.

തനിക്കു ജനങ്ങള്‍ നല്‍കിയ പിന്തുണയ്ക്ക് നന്ദി രേഖപ്പെടുത്തിയ രാജ്ഞി, കാലം കഴിയുമ്പോള്‍ ചാള്‍സ് രാജാവാകുമെന്നും അപ്പോള്‍ കാമില രാജ്ഞി എന്നറിയപ്പെടണമെന്നും തനിക്കു തന്ന എല്ലാ സ്നേഹവും പിന്തുണയും അവര്‍ക്കും നല്‍കണമെന്നും സന്ദേശത്തിൽ രാജ്ഞി അഭ്യര്‍ത്ഥിച്ചിട്ടുണ്ട്.

ജോസ് കുമ്പിളുവേലില്‍

ഡെപ്യൂട്ടി ചീഫ് വിപ്പ് രാജിവച്ചു; ബോറിസ് ജോണ്‍സണ്‍ വീണ്ടും പ്രതിസന്ധിയില്‍.
ലണ്ടന്‍: കണ്‍സര്‍വേറ്റീവ് പാര്‍ട്ടിയുടെ ഡെപ്യൂട്ടി ചീഫ് വിപ്പ് ക്രിസ് പിഞ്ചര്‍ രാജിവച്ചതോടെ ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ കൂടുതല്‍ പ്രത
ജര്‍മനിയിലെ കോവിഡ് ടെസ്റ്റ് മാനദണ്ഡങ്ങളില്‍ മാറ്റം.
ബര്‍ലിന്‍: ജര്‍മനിയില്‍ സൗജന്യമായി കോവിഡ്~19 റാപ്പിഡ് ടെസ്ററ്എടുക്കാനുള്ള സൗകര്യം ഇനി എല്ലാവര്‍ക്കും ലഭ്യമാകില്ല.
സംസ്കാരവേദി മാര്‍ഗനിര്‍ദ്ദേശക വെബിനാര്‍.
തിരുവനന്തപുരം: കേരള കോണ്‍ഗ്രസ്(എം)സംസ്കാരവേദിയുടെ ആഭിമുഖ്യത്തില്‍ പ്ളസ്ടു വിദ്യാര്‍ത്ഥികള്‍ക്കുള്ള മാര്‍ഗനിര്‍ദ്ദേശക വെബിനാര്‍ ജൂലൈ 2 ശനിയാഴ്ച വൈകുന്
ഇയുവിൽ ജ്വലന എഞ്ചിന്‍ വാഹനങ്ങള്‍ ചരിത്രമാവും.
ബ്രസല്‍സ്: യുറോപ്യൻ യൂണിയൻ രാജ്യങ്ങളിൽ 2035 ഓടെ യൂറോപ്പില്‍ ജ്വലന എൻജിൻ വാഹനങ്ങൾ ചരിത്രത്തിൽ ഇടംപിടിക്കും.
ഗ്രേറ്റ് ബ്രിട്ടൻ രൂപതയിൽ യുവജന ക്യാമ്പ് നടത്തി.
ബിർമിങ്ഹാം : ഗ്രേറ്റ് ബ്രിട്ടൻ സീറോ മലബാർ രൂപത എസ് എം വൈ എമ്മിന്‍റെ നേതൃത്വത്തിൽ രൂപതയിലെ യുവതീ യുവാക്കൾക്കായി നടത്തിയ ത്രിദിന യുവജന ക്യാമ്പ് ‘മാർഗം