ലോസ് ആഞ്ചലസ്: പ്രവർത്തന മികവിന്റെ ഇരട്ട പുരസ്ക്കാര തിളക്കത്തിലാണ് ഹോളിവുഡ് ചെണ്ടമേളം സംഘം. മഹാമാരിക്കാലത്ത് ലഭിച്ച അംഗീകാരം തങ്ങളുടെ പ്രവർത്തനങ്ങൾക്ക് ഉൗർജ്ജം പകരുന്നതായി ഭാരവാഹികൾ.
എൻഎസ്എസ് ഓഫ് ഷിക്കാഗോ സംഘടിപ്പിച്ച കേരളാ കലോത്സവം 2021ൽ ചെണ്ടമേള മത്സരത്തിൽ ഒന്നാം സ്ഥാനവും, ജനപ്രിയ അവതരണത്തിന് ഒന്നാം സ്ഥാനവും ഹോളിവുഡ് ചെണ്ടമേള സംഘം കരസ്ഥമാക്കി. മഹാമാരിക്കാലത്ത് വീടുകളിൽ ഒതുങ്ങേണ്ടി വന്ന കലാകാര·ാരേ പ്രോത്സാഹിപ്പിക്കുന്നതിനു വേണ്ടിയായിരുന്നു ഓണ്ലൈനായി കേരള കലോത്സവം സംഘടിപ്പിച്ചത്. സംഗീത സംവിധായകൻ സ്റ്റീഫൻ ദേവസിയാണ് വിജയികളെ പ്രഖ്യാപിച്ചത്.
സിനിമാ നടി ഭാവന, വിജയ് ബാബു, സംഗീത സംവിധായകൻ ഗോപി സുന്ദർ എന്നിവർ ആശംസകൾ നേർന്നു. ജോജി മണലേൽ, സാജു കൈതത്തറ, ജോസ് വെട്ടുപാറപ്പുറത്ത് എന്നിവരുടെ ഒരു സൗഹൃദ ചർച്ചയിൽ നിന്നാണ് 2007 ൽ ഹോളിവുഡ് ചെണ്ടമേള സംഘത്തിന് തുടക്കമാകുന്നത്. തുടർന്ന് ജയകാന്ത്, സേവ്യർ പടയാട്ടി, ബിജു, രമേശ്, മാത്യു, റോഷൻ, ഷൈബു, ബിൻസണ്, പ്രസാദ്, ബിനീഷ്, ഡാൽഫിൻ, ജോബി, സ്റ്റീഫൻ, നൈജിൻ എന്നിവർ അംഗങ്ങളായി.
ഹോളിവുഡ് ചെണ്ടമേളം സംഘം 2016 മുതൽ ശ്രീജിത്ത് മേനോന്റെ കീഴിൽ ചിട്ടയോടെ പരിശീലനം നടത്തിവരുന്നു. 2020 ന്റെ തുടക്കത്തിൽ കോവിഡ് മഹാമാരി ചെറിയ മാന്ദ്യം വരുത്തിയെങ്കിലും സൂം വഴി പരിശീലനം തുടർന്നിരുന്നു. പഞ്ചാരി മേളത്തിനു പുറമേ മറ്റ് ശാസ്ത്രീയ വാദ്യമേളങ്ങളും അവതരിപ്പിച്ചുവരുന്നു. ബെറ്റ്സി സാജു, ലിൻസി ബിൻസണ്, വിനി എന്നിവർ വനിതകളുടെ സംഘത്തിന് നേതൃത്വം നൽകുന്നു. കുട്ടികൾക്കുവേണ്ടിയുള്ള വാദ്യമേളം രൂപീകരിക്കുയാണ് ഭാവിപരിപാടി എന്ന് ഭാരവാഹികൾ പറഞ്ഞു. ജോജി മണലേൽ കോഓർഡിനേറ്ററും ഷൈബു ജാൻ ട്രഷററുമാണ്.
മനു തുരത്തിക്കാടൻ
|