Deepika.com Nri News :പുതുവത്സരാശംസകള്‍ നേര്‍ന്ന് ഇന്ത്യന്‍ അംബാസിഡര്‍.......

Middle East & Gulf

പുതുവത്സരാശംസകള്‍ നേര്‍ന്ന് ഇന്ത്യന്‍ അംബാസിഡര്‍

Back To NRI Home Forward This News Click here for detailed news of all items

കുവൈറ്റ് സിറ്റി: രാജ്യത്തെ എല്ലാവര്‍ക്കും പുതുവത്സരാശംസകള്‍ നേര്‍ന്ന് ഇന്ത്യന്‍ അംബാസിഡര്‍ സിബി ജോര്‍ജ്ജ്.കഴിഞ്ഞ രണ്ട് വര്‍ഷമായി കൊവിഡ് മഹാമാരിക്കെതിരെയുള്ള പോരാട്ടത്തിലാണ് ലോകമെന്നും എല്ലാ വെല്ലുവിളികളെയും ഒരുമിച്ച് തോല്‍പ്പിക്കുവാന്‍ പരസ്പര സഹകരണത്തോടെ നമുക്ക് സാധിക്കുമെന്നും സിബി ജോര്‍ജ്ജ് പറഞ്ഞു.

കോവിഡിനെതിരെ ഒന്നിച്ചു പോരാടാൻ എല്ലാ വിധ സഹായവും പിൻതുണയും നൽകിയ ആരോഗ്യ പ്രവര്‍ത്തകര്‍ക്കും ഭരണാധികാരികള്‍ക്കും നന്ദി പറഞ്ഞ അംബാസിഡര്‍ ഇന്ത്യയില്‍ കൊവിഡ് വ്യാപനമുണ്ടായപ്പോള്‍ ഓക്സിജൻ നല്‍കി സഹായിച്ച കുവൈത്തിന്‍റെ സഹായമനസ്കത എന്നെന്നും ഓര്‍മിക്കുമെന്നും കുവൈറ്റിലെ ഇന്ത്യന്‍ സമൂഹത്തിന് നല്‍കുന്ന പിന്തുണകള്‍ക്ക് കുവൈറ്റ് ഭരണകൂടത്തിന് താന്‍ നന്ദി പറയുന്നതായും സ്ഥാനപതി വ്യക്തമാക്കി. മഹാമാരി കാലത്തും ലോകത്തിന്‍റെ ഫാര്‍മസിയാകുവാന്‍ ഇന്ത്യക്ക് സാധിച്ചു.

കുവൈറ്റ് അടക്കമുള്ള 90 രാജ്യങ്ങളിലേക്കാണ് ഇന്ത്യ വാക്സിന്‍ കയറ്റുമതി ചെയ്തത്. ഇതുവരെ നേരിടാത്ത പ്രതിസന്ധിയാണ് കൊവിഡ് നമുക്ക് സമ്മാനിച്ചത്. അടുത്ത ബന്ധുക്കളും സുഹൃത്തുക്കളുമാണ് നമുക്ക് നഷ്ടപ്പെട്ടത്. പതിനായിരക്കണക്കിന് ആളുകളുടെ ഉപജീവനമാര്‍ഗവും നഷ്ടപ്പെട്ടു. എങ്കിലും പ്രത്യാശയോടെയാണ് പുതിയ വര്‍ഷത്തെ നമ്മള്‍ വരവേല്‍ക്കുന്നതെന്ന് അംബാസിഡര്‍ പറഞ്ഞു.

ഈ ബുദ്ധിമുട്ടിലും എംബസ്സിയോടപ്പം നിന്ന എല്ലാ അസോസിയേഷനുകള്‍ക്കും നന്ദി അറിയിക്കുന്നതായും മുന്‍നിരയില്‍ പ്രവര്‍ത്തിച്ച ആരോഗ്യപ്രവര്‍ത്തകരെ അഭിനന്ദിക്കുന്നതായും അദ്ദേഹം പറഞ്ഞു.. ഇന്ത്യൻ സമൂഹത്തിന്റെ ക്ഷേമത്തിനായി എംബസ്സി എന്നും മുന്‍പന്തിയിലുണ്ടാകുമെന്നും ജനിതക മാറ്റം വന്ന കൊവി‍ഡ് വകഭേദദം ഒമിക്രോണിനെ നേരിടാന്‍ ആരോഗ്യ പ്രവര്‍ത്തകര്‍ക്ക് സാധിക്കുമെന്നും അദ്ദേഹം പ്രത്യാശിച്ചു.

സലിം കോട്ടയിൽ

ഭിന്നശേഷി കുടുംബ സംഗമത്തിന് കൈത്താങ്ങായി കേളി.

റിയാദ് : കേളി കലാസാംസ്കാരിക വേദിയുടെയും കാളത്തോട് മഹല്ല് കമ്മിറ്റിയുടെയും സഹകരണത്തോടെ തൃശൂർ ജില്ലയിലെ ഡിഎഡബ്ല്യുഎ

ലോകസഭ തെരഞ്ഞെടുപ്പ് : ഓവർസീസ് എൻസിപി കൺവൻഷൻ സംഘടിപ്പിച്ചു.

കുവൈറ്റ് സിറ്റി: ലോകസഭ ഇലക്ഷൻ പ്രചരണത്തിന്‍റെ ഭാഗമായി ഓവർസീസ് എൻസിപി ദേശീയ നേതൃത്വം സൂം ആപ്ലിക്കേഷനിലൂടെ ഓൺലൈൻ തെ

12 വർഷത്തെ കാത്തിരിപ്പ്; നിമിഷപ്രിയയെ കണ്ട് അമ്മ പ്രേമകുമാരി.

സന: യെമനില്‍ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന നിമിഷപ്രിയയെ നേരിട്ടു കണ്ട് അമ്മ പ്രേമകുമാരി.

ശുചികരണ പ്രവർത്തനങ്ങളിൽ പങ്കാളികളായി കൈരളി ഫുജൈറ.

ഫുജൈറ: ശക്തമായ മഴയെ തുടർന്ന് റോഡിലും താമസസ്ഥലങ്ങളിലും അടിഞ്ഞുകൂടിയ മണ്ണും മാലിന്യങ്ങളും നീക്കം ചെയ്യുന്നതിന് വേണ്ടി

അജ്പക് തോമസ് ചാണ്ടി മെമ്മോറിയൽ വോളിബോൾ ടൂർണമെന്‍റ് സംഘടിപ്പിക്കുന്നു.

കുവൈറ്റ് : ആലപ്പുഴ ജില്ലാ പ്രവാസി അസോസിയേഷൻ കുവൈറ്റും (അജ്പക്) കേരള സ്പോർട്സ് ആൻഡ് ആർട്സ് ക്ലബും (കെഎസ്എസി) സംയുക്തമായി