ഡിട്രോയിറ്റ്: കെസിഎസ് ഡിട്രോയിറ്റ്വിൻഡ്സറിന്റെ ആഭിമുഖ്യത്തിൽ ഈ വർഷത്തെ ക്നാനായ നൈറ്റ് സെപ്റ്റംബർ 18 ശനിയാഴ്ച ഡിട്രോയിറ്റിലെ സെന്റ് തോമസ് ഓർത്തഡോക്സ് ചർച്ച് ഹാളിൽ ഊജ്ജ്വലമായി ആഘോഷിച്ചു.
കുട്ടികൾ മുതൽ മുതിർന്നവർ വരെ അവതരിപ്പിച്ച ഡാൻസുകൾ, നാടകം, പാട്ടുകൾ തുടങ്ങി വർണമനോഹരമായ വിവിധ പരിപാടികൾകൊണ്ട് സന്പന്നമായിരുന്നു. ഈ വർഷത്തെ ക്നാനായ നൈറ്റ് ഡിട്രോയിറ്റിലെ മുഴുവൻ ക്നാനായ സമുദായാംഗങ്ങളുടെയും മുക്തകണ്ഠമായ പ്രശംസ പിടിച്ചുപറ്റി. കെസിഎസ് പ്രസിഡന്റ് അലക്സ് കോട്ടൂർ അധ്യക്ഷത വഹിച്ച മീറ്റിംഗ് കെസിസിഎൻഎ. പ്രസിഡന്റ് സിറിയക് കൂവക്കാട്ടിൽ ഉദ്ഘാടനം ചെയ്തു. വടക്കേ അമേരിക്കയിലെ ക്നാനായ സമുദായത്തിന്റെ വളർച്ച, വളർന്നുവരുന്ന ക്നാനായ കുട്ടികളിലും യുവതീ യുവാക്കളിലുമാണെന്നും, അവരുടെ അഭിരുചിക്കനുസരിച്ചുള്ള പരിപാടികൾ സംഘടിപ്പിക്കുവാൻ അവസരമൊരുക്കുന്ന അലക്സ് കോട്ടൂരിന്റെയും, സിറിൾ വാലിമറ്റത്തിന്റെയും നേതൃത്വത്തിലുള്ള ഭരണസമിതിയുടെ പ്രവർത്തനങ്ങൾ ശ്ലാഘനീയമാണെന്നും സിറിയക് കൂവക്കാട്ടിൽ പറഞ്ഞു. സഭയും സമുദായവും ഒരേ മനസോടെ പ്രവർത്തിച്ചാൽ നേടിയെടുക്കുവാൻ കഴിയാത്തതായി ഒന്നുമില്ലെന്നും അതിനായി ഒരേ മനസോടെ പ്രവർത്തിക്കണമെന്നും ആശംസാപ്രസംഗത്തിൽ കെസിഎസ് സ്പിരിച്വൽ ഡയറക്ടർ ഫാ. ജെമി പുതുശേരിൽ പ്രസംഗിച്ചു.
സമുദായാംഗങ്ങൾക്കിടയിൽ നിന്നും ഈ വർഷം ഹൈസ്കൂൾ ഗ്രാജുവേറ്റായ റെനിൽ കുപ്ലിക്കാട്ട്, എബ്രഹാം തൈമാലിൽ, കോളേജ് വിദ്യാഭ്യാസം പൂർത്തിയാക്കിയ സെറിൻ ഈന്തുംകാട്ടിൽ, തോമസ് ഇട്ടൂപ്പ്, ജോബിൻ കക്കാട്ടിൽ, റോബിൻ കക്കാട്ടിൽ എന്നിവരെ തദവസരത്തിൽ ആദരിച്ചു.
ക്നാനായ നൈറ്റിനോടനുബന്ധിച്ച് ജീവകാരുണ്യ പ്രവർത്തനങ്ങൾക്കായി കെസിവൈഎൽ പ്രസിഡന്റ് കെവിൻ കണ്ണച്ചാംപറന്പിലിന്റെ നേതൃത്വത്തിൽ ഫണ്ട് സമാഹരണം നടത്തി.
ഷിക്കാഗോയിൽ നടന്ന കെസിസിഎൻഎ നാഷണൽ സ്പോർട്സ് ടൂർണമെന്റിൽ തിളക്കമാർന്ന പ്രകടനം കാഴ്ചവച്ച ഡിട്രോയിറ്റിൽനിന്നും പങ്കെടുത്ത യുവ കായികതാരങ്ങളായ ക്രിസ് മങ്ങാട്ടുപുളിക്കിയിൽ, ടെവിൻ തേക്കിലക്കാട്ടിൽ, കെവിൻ കണ്ണച്ചാൻപറന്പിൽ എന്നിവരെ യോഗം അഭിനന്ദിച്ചു.
ക്നാനായ നൈറ്റിന്റെ ഈ വർഷത്തെ അവതാരകരായി പ്രവർത്തിച്ചത് ടിജു & ടീന പൊക്കംതാനം, കെവിൻ കണ്ണച്ചാൻപറന്പിൽ, മെഗൻ മംഗലത്തേട്ട്, സാന്ററ്റോണ് മരങ്ങാട്ടിൽ, നെസിയ മുകളേൽ എന്നിവരായിരുന്നു. പരിപാടികൾക്ക് ഭാരവാഹികളായ അലക്സ് കോട്ടൂർ, സിറിൾ വാലിമറ്റം, ജെയിൻ കണ്ണച്ചാൻപറന്പിൽ, സ്റ്റീഫൻ താന്നിക്കുഴുപ്പിൽ, സുനിൽ ഞെരളക്കാട്ട് തുരുത്തിയിൽ, ജെറിൻ കൈനകരിപ്പാറയിൽ എന്നിവർ നേതൃത്വം നൽകി.
റിപ്പോർട്ട്: ജെയിൻ കണ്ണച്ചാൻപറന്പിൽ
|