ന്യൂയോർക്ക്: പിറവം നേറ്റീവ് അസോസിയേഷന്റെ വാർഷികസംഗമം എൽമോന്റിലുള്ള കേരള സെന്റർ ഓഡിറ്റോറിയത്തിൽ സെപ്റ്റംബർ 25 ശനിയാഴ്ച വർണോജ്വലമായി സംഘടിപ്പിച്ചു. ലിൻഡ കോയിത്തറയുടെ പ്രാർഥനാഗാനത്തോടെ ആരംഭിച്ച പരിപാടികൾ പ്രസഡന്റ് ഷൈലപോൾ , സെക്രട്ടറി ഉഷ ഷാജി, പിറവം സംഗമം രക്ഷാധികാരി റവ. എപ്പിസ്കോപ്പ ഫാ .ചെറിയാൻ നീലാങ്കൽ എന്നിവർ തിരികൊളുത്തി പരിപാടികൾക്ക് തുടക്കം കുറിച്ചു.
.25 വർഷം പൂർത്തിയാകുന്ന വടക്കേ അമേരിക്കയിലെ പിറവം നിവാസികളുടെ സംഗമം സ്നേഹത്തിന്റെയം ഒത്തുരുമയുടെയും കൂടി ചേരൽ ആകുന്നതിൽ സന്തോഷമുണ്ട്. മാത്രമല്ല, ഇത്തവണ പുതു തലമുറയുടെ കൂടുതൽ പങ്കാളിത്തം പിറവം സംഗമത്തിന് പ്രചോദനം നൽകുന്നതായും, ഇക്കൂറി പിറവത്തു നിരാലംബരായ ഒരു കുടുംബത്തിന് വീട് വച്ചുകൊടുക്കാൻ തീരുമാനിച്ചതിന്റെ ഫണ്ട് റെയ്സിംഗ് ഈ പിറവം സംഗമത്തോടെ പൂർത്തിയാകാൻ കഴിഞ്ഞതിൽ ഷൈല പോൾ എല്ലാവരോടും നന്ദി പറഞ്ഞു.
അമേരിക്കയിൽ ജീവിക്കുന്ന പിറവത്തുള്ള നിവാസികൾ ഇപ്പോഴും നാടിനോട് സ്നേഹവും മഹിമയും പുലർത്തുന്നവരാണെന്ന് പിറവം അസോസിയേഷന്റെ രക്ഷാധികാരി റവ. ഫാ. ചെറിയാൻ നീലാങ്കൽ കോർ എപ്പിസ്കോപ്പ അഭിപ്രായപ്പെട്ടു.
പരിപാടികൾക്കിടയിൽ പിറവം നിവാസിയായ മൂവി സ്റ്റാർ ലാലു അലക്സ് , മുനിസിപ്പൽ ചെയർപേഴ്സണ് ഏലിയാമ്മ ഫിലിപ്പ്, മുൻ മുനിസിപ്പൽ ചെയർമാൻ സാബു കെ ജേക്കബ്, കെ.പി സലിം എന്നിവരുടെ വിഡിയോ സന്ദേശ ആശംസകൾ സംഗമത്തിന് മാറ്റുകൂട്ടി.
25 വർഷം പൂർത്തിയാക്കിയ സംഗമത്തിൽ മുന്പുള്ള പ്രസിഡന്റുമാരെ ഓരോരുത്തയായി പൊന്നാടയണിച്ചു ഷൈല പോൾ ആദരിച്ചു.കൂടാതെ വീട് നിർമാണവുമായി ബന്ധപെട്ടു കൂടുതൽ സാന്പത്തിക സഹായം നൽകിയ മെഗാ സ്പോണ്സർ പോൾ തോമസ്, മറ്റു സ്പോണ്സർമാരേയും പ്രത്യേകം അഭിനന്ദിച്ചു.
ഐക്യരാഷ്ട്ര സഭയിൽ കുട്ടികളുടെ അവകാശങ്ങൾക്കു വേണ്ടി സംസാരിച്ച എയ്മിലിൻ റോസ് തോമസിനെ പിറവം നേറ്റീവ് അസോസിയേഷന്റെ ആദരവ് നൽകി.
അമേരിക്കയിൽ പുതിയതായി രൂപം കൊണ്ട മലയാളി പോലീസ് അസോസിയേഷൻ പ്രസിഡന്റ് തന്പാൻ ജോയ് പിറവം നേറ്റീവ് അസോസിയേഷന്റെ വീട് നിർമാണ പദ്ധതിക്ക് അഭിനന്ദനം അറിയിച്ചു.
സിൽവർ ജൂബിലി സംഗമത്തിൽ കലാപരികൾ സംഗമത്തെ കൂടുതൽ വർണാഭമാക്കി. തിരുവാതിരയും, ഡാൻസുകളും മികവ് പുലർത്തി, തിരുവാതിര കോറിയോഗ്രാഫ് ചെയ്തത് ജിഫി തടത്തിൽ, പ്രീണ, സാറ കാടാപുറം, ഡോ. ഷാരണ് പോൾ, വീണ മാർട്ടിൻ, ജെസ്ലിൻ ടോസിൻ, ജെയിൻ അല്ലൻ, അനയാ ജോയ് , അനു റോണി, നിനി ഡോണി, എലിസ തടത്തിൽ എന്നിവരുടെ ഡാൻസുകളും ദാസ് കണ്ണംകുഴിയിൽ , അല്ലി പൗലോസ്, അനൂപ് ഷെനി എന്നിവരുടെ ഗാനാലാപനം സംഗമം കൂടുതൽ ആഘോഷമാക്കി. ഷൈല പോൾ (പ്രസിഡന്റ്), ഉഷാ ഷാജി(സെക്രട്ടറി) ഭാരവാഹികളായി തുടരും. പരിപാടികളുടെ എംസി ജിഫി ജിമ്മി തടത്തിൽ വൈഭവത്തോടെ സംഗമ പരിപാടികളെ നിയന്ത്രിച്ചു. സ്നേഹവിരുന്നോടെ സംഗമം സമാപിച്ചു.
|