Deepika.com Nri News :ഓസ്ട്രേലിയയിൽ മലയാളി കുടുംബം സഞ്ചരിച്ച കാർ അപകടത്തിൽപ്പെട്ടു; അമ്മയും കുഞ്ഞും മരിച്ചു.......

Australia & Oceania

ഓസ്ട്രേലിയയിൽ മലയാളി കുടുംബം സഞ്ചരിച്ച കാർ അപകടത്തിൽപ്പെട്ടു; അമ്മയും കുഞ്ഞും മരിച്ചു

Back To NRI Home Forward This News Click here for detailed news of all items

ബ്രിസ്ബേൻ: ഓസ്ട്രേലിയയിൽ മലയാളി കുടുംബം സഞ്ചരിച്ച കാർ ട്രക്കുമായി കൂട്ടിയിടിച്ചു അമ്മയും കുഞ്ഞും മരിച്ചു. അപകടത്തിൽ ഭർത്താവിനും മറ്റു രണ്ടു കുട്ടികൾക്കും ഗുരുതരമായി പരുക്കേറ്റു. തൃശൂർ ചാലക്കുടി പോട്ട നടുക്കുന്ന് പെരിയച്ചിറ ചുള്ളിയാടാൻ ബിബിന്‍റെ ഭാര്യ ലോട്സിയും(35) മകളും (6) ആണ് മരണപ്പെട്ടത്. വ്യാഴാഴ്ച രാവിലെ 7.20നാണ് ഓസ്ട്രേലിയയിലെ മലയാളികളെയാകെ നടുക്കിയ അപകടമുണ്ടായത്.

ന്യൂ സൗത്ത് വെയിൽസിലെ ഓറഞ്ചിൽനിന്നും ക്വാൻസ് ലാൻഡിലെ ബ്രിസ്ബേനിലേക്കു താമസം മാറി പോകുന്ന വഴിയാണ് മില്ലർമാൻ ഡൗണ്‍സിൽ ട്രക്കുമായി കൂട്ടിയിടിച്ച് അപകടമുണ്ടായത്. അമ്മയും പെണ്‍കുഞ്ഞും തൽക്ഷണം മരിച്ചു.

പരുക്കേറ്റ രണ്ട് ആണ്‍കുട്ടികളുടെ നില മെച്ചപ്പെട്ടുവരുന്നു . ഇവർ ബ്രിസ്ബേൻ കുട്ടികളുടെ ആശുപത്രിയിൽ തീവ്ര പരിചരണ വിഭാഗത്തിലാണ്. ഒരു കുട്ടിയുടെ ശസ്ത്രക്രിയ കഴിഞ്ഞു. ബിപിൻ തൂവൂന്പയിലെ ആശുപത്രിയിൽ ചികിത്സയിലാണ്.

ഒരു വർഷം മുൻപാണ് ലോട്സി ഓസ്ട്രേലിയയിൽ എത്തിയത്. ആദ്യം ഓറഞ്ചിലാണ് ജോലി ചെയ്തത്. നഴ്സായി ജോലി ചെയ്തിരുന്ന ലോട്സി പുതിയ ജോലിക്കു പ്രവേശിക്കുന്നതിനായി ബ്രിസ്ബേനിലേക്കു താമസം മാറുന്നതിനുള്ള യാത്രയ്ക്കിടെയാണ് ദാരുണ അപകടമുണ്ടായത്.

അപകടകാരണം അന്വേഷിച്ചുവരികയാണെന്ന് ക്വീൻസ് ലാൻഡ് പോലീസ് അറിയിച്ചു. രണ്ട് ഹെലികോപ്റ്ററുകളും ഫയർ എൻജിനും സ്ഥലത്തെത്തി രക്ഷാപ്രവർത്തനം നടത്തി.

റിപ്പോർട്ട്: ബിജു നാടുകാണി

ഇന്തോനേഷ്യ കേരള സമാജം 20ാം വാർഷികം ആഘോഷിച്ചു.

ജക്കാർത്ത: കേരള സമാജം ഇന്തോനേഷ്യയുടെ 20ാമത് വാർഷികാഘോഷം ഇന്ത്യയുടെ ഇന്തോനേഷ്യൻ ഡെപ്യൂട്ടി ചീഫ് ഓഫ് മിഷൻ ബാസിർ അഹമ്

വേറിട്ട അനുഭവങ്ങൾ സമ്മാനിച്ച നവോദയയുടെ ദുൻഗാല ക്യാമ്പ്.

മെൽബൺ: നവോദയ വിക്ടോറിയ ദുൻഗാല 23 എന്ന പേരിൽ സംഘടിപ്പിച്ച ത്രി ദ്വിന ക്യാമ്പ് ആകർഷകവും ആവേശകരവുമായിരുന്നു.

ഡോ . വി പി ഉണ്ണി കൃഷ്ണന് ബ്രിസ്ബെയ്ന്‍ സമൂഹം ആദരാഞ്ജലികൾ അർപ്പിച്ചു.

ബ്രിസ്ബെയ്ന്‍ : അകാലത്തിൽ വിടപറഞ്ഞ ഡോ വി പി ഉണ്ണികൃഷ്ണന് ആദരാഞ്ജലികളുമായി
ബ്രിസ്ബനിലെ ഇന്ത്യൻ സമൂഹം ഒത്തു ചേർന്നു .

പ്രോ ലൈഫ് ജീവന്‍റെ മഹത്വം മാർച്ച് 26 ന്.

മെൽബൺ: ദൈവത്തിന്‍റെ ഏറ്റവും ശ്രേഷ്ഠമായ സൃഷ്ടികളിലൊന്നാണ് മനുഷ്യവംശം.