Deepika.com Nri News :ഫരീദാബാദ് രൂപതയുടെ ആഭിമുഖ്യത്തിൽ വാക്സിനേഷൻ ഡ്രൈവ് ജൂൺ 19 ന്.......

Delhi

ഫരീദാബാദ് രൂപതയുടെ ആഭിമുഖ്യത്തിൽ വാക്സിനേഷൻ ഡ്രൈവ് ജൂൺ 19 ന്

Back To NRI Home Forward This News Click here for detailed news of all items

ന്യൂഡൽഹി: കോവിഡ് രണ്ടാം തരംഗം സൃഷ്ടിച്ച നാശവും മൂന്നാം തരംഗ സാധ്യതയുടെ ഭീതിയും നിലനിൽക്കുന്ന സാഹചര്യത്തിൽ ജനങ്ങളുടെ സുരക്ഷിതത്വം ഉറപ്പാക്കാൻ പരമാവധി ആളുകളിലേക്ക് വാക്സിനേഷൻ എത്തിക്കുക എന്ന ലക്ഷ്യത്തോടെ ഫരീദാബാദ് രൂപത നടത്തുന്ന വാക്സിനേഷൻ ഡ്രൈവിന്‍റെ ഉദ്ഘാടനം ജൂൺ 19 നു (ശനി) ഉച്ചക്ക് 12 നു നടക്കും.

മുത്തൂറ്റ് ഗ്രൂപ്പിന്‍റെ സഹകരണത്തോടു കൂടി നടത്തുന്ന ഈ വാക്സിനേഷൻ ഡ്രൈവ് ഫരീദാബാദ് ഡൽഹി രൂപതാധ്യക്ഷൻ ആർച്ച്ബിഷപ്പ് മാർ കുര്യാക്കോസ് ഭരണികുളങ്ങര ഉദ്ഘാടനം ചെയ്യും. മുത്തൂറ്റ് ഗ്രൂപ്പ് ഡെപ്യൂട്ടി മാനേജിംഗ് ഡയറക്ടർ അലക്സാണ്ടർ ജോർജ് ആദ്യ വാക്സിന്‍ കൈമാറും.

ഫരീദാബാദ് രൂപത വികാരി ജനറൽ മോൺ. ജോസഫ് ഓടനാട്ട്, മുത്തൂറ്റ് ഫിനാൻസ് ലിമിറ്റഡ് സീനിയർ ജനറൽ മാനേജർ രാകേഷ് ദിവാൻ, സീനിയർ റീജണൽ മാനേജർ ഷോജി പോൾ , മറ്റു വൈദീകർ, സിസ്റ്റേഴ്സ്, പാസ്റ്ററൽ കൗൺസിൽ പ്രതിനിധികൾ എന്നിവരും ചടങ്ങിൽ പങ്കെടുക്കും.

ഡൽഹി സർക്കാർ വാക്സിൻ കേന്ദ്രമായി പ്രവർത്തിക്കാൻ ഔദ്യോഗിക അനുമതി നൽകിയിട്ടുള്ള ജനക്പുരിയിലെ ആര്യ ഹോസ്പിറ്റലിൽ വച്ചായിരിക്കും വാക്സിനേഷൻ ഡ്രൈവിന്റെ ഉദ്ഘാടനം നടക്കുക. ഉദ്ഘാടന ദിവസം 150 ഓളം ആളുകൾക്ക് വാക്സിൻ നൽകും. കൊവിഷീൽഡ് വാക്സിനായിരിക്കും നൽകുക.

കോവിഡ് രണ്ടാം തരംഗം രാജ്യം മുഴുവനും പ്രത്യേകിച്ച് തലസ്ഥാന നഗരമായ ഡൽഹിയിലും പരിസര പ്രദേശങ്ങളിലും അനേകായിരം പേരുടെ ജീവൻ അപഹരിച്ച പശ്ചാതലത്തിൽ ഫരീദാബാദ് രൂപതയുടെ ആഭിമുഖ്യത്തിൽ വാക്സിനേഷൻ ഡ്രൈവ് പ്രഖ്യാപിക്കുകയും തുടർന്ന് ഇതിനോടനുബന്ധിച്ച് വാക്സിൻ എടുക്കുന്നതിന്‍റെ പ്രാധാന്യത്തെ പറ്റി ജനങ്ങളെ ബോധവൽക്കരിക്കുവാൻ മേയ് 24ന് ഒരു ഓൺലൈൻ വെബിനാർ സംഘടിപ്പിക്കുകയും ചെയ്തിരുന്നു. ആയിരക്കണക്കിന് ആളുകൾ പങ്കെടുത്ത ഈ വെബിനാറിൽ വാക്സിനേഷന്റെ പ്രാധാന്യത്തെപറ്റി ഡോ. ബിലു ജോസഫ് ക്ലാസ് എടുക്കുകയും ഇതു സംബന്ധിച്ചുള്ള ജനങ്ങളുടെ സംശയങ്ങൾക്കും ചോദ്യങ്ങൾക്കും ഉത്തരം നൽകുകയും ചെയ്തു.

കോവിഡ് മഹാമാരിയെ അതിജീവിക്കാൻ വാക്സിനേഷൻ ഏറ്റം അനിവാര്യമാണെന്നും രൂപത ഇതിനുവേണ്ട എല്ലാ സജീകരണങ്ങളും എത്രയും വേഗം നടത്തുമെന്നും ചടങ്ങിൽ അഭ്യർഥിച്ച ആർച്ച്ബിഷപ്പ് മാർ കുര്യാക്കോസ് ഭരണികുളങ്ങര, എത്രയും വേഗം വാക്സിൻ എടുക്കാൻ എല്ലാവരോടും ആഹ്വാനം ചെയ്യുകയും ചെയ്തു.

തുടർന്ന് ആർച്ച് ബിഷപ്പ് വൈദീകരുടെയും അൽമായ പ്രതിനിധികളുടെയും ഓൺലൈൻ മീറ്റിഗ് വിളിച്ച് ഇതിനെ പറ്റി ചർച്ച നടത്തുകയും വാക്സിനേഷൻ ഡ്രൈവ് നടത്തുന്നതിന്റെ ഒരു രൂപരേഖ തയ്യാറാക്കി വാക്സിൻ ആവശ്യമുള്ള വരുടെ വിവരങ്ങൾ ശേഖരിക്കുവാനുളള സംവിധാനങ്ങൾ ഒരുക്കുകയും ചെയ്തു.

വാക്സിനേഷൻ ഡ്രൈവിന്‍റെ ഉദ്ഘാടന ചടങ്ങിനു ശേഷം ആദ്യഘട്ട വാക്സിനേഷനും നടത്തപ്പെടും.

റിപ്പോർട്ട്: റെജി നെല്ലിക്കുന്നത്ത്

ഡൽഹി ബാലഗോകുലങ്ങളിൽ വിഷു ഗ്രാമോത്സവം.

ന്യൂഡൽഹി: ഡൽഹിബാലഗോകുലം ദക്ഷിണ മദ്ധ്യ മേഖലയിലെ രാധാമാധവം ബാലഗോകുലത്തിന്‍റെ വിഷു ഗ്രാമോത്സവം ഏപ്രിൽ 21 ഞായറാഴ്ച ആ

ഡിഎംഎ രോഹിണി ഏരിയയ്ക്ക് നവനേതൃത്വം.

ന്യൂഡൽഹി: ഡൽഹി മലയാളി അസ്സോസിയേഷൻ രോഹിണി ഏരിയ‌യുടെ പുതിയ സാരഥികൾ സ്ഥാനമേറ്റു.

ഡൽഹിയിൽ കൗമാരക്കാരനായ കോഫി ഷോപ്പ് ഉടമയെ കുത്തിക്കൊന്നു.

ന്യൂഡൽഹി: വടക്കുകിഴക്കൻ ഡൽഹിയിലെ ഭജൻപുര മേഖലയിൽ 19 കാരനായ കോഫി ഷോപ്പ് ഉടമയെ രണ്ട് പേർ കുത്തിക്കൊലപ്പെടുത്തി.

ഡൽഹിയിൽ യൂട്യൂബര്‍ കെട്ടിടത്തില്‍നിന്നു ചാടി ജീവനൊടുക്കി.

ന്യൂഡൽഹി: പ്രമുഖ യൂട്യൂബറായ സ്വാതി ഗോദരയെ കെട്ടിടത്തില്‍നിന്നു ചാടി ആത്മഹത്യചെയ്ത നിലയില്‍ കണ്ടെത്തി.

വർണ വിസ്മയ രാവായി ഡിഎംഎയുടെ സ്ഥാപക ദിനാഘോഷം.

ന്യൂഡൽഹി: ഡൽഹി മലയാളി അസോസിയേഷന്‍റെ സ്ഥാപക ദിനാഘോഷം സംഘടിപ്പിച്ചു.