വൈറൽ ഹിറ്റാണ് രക്ഷാധികാരി ബൈജു
"" ര​ക്ഷാ​ധി​കാ​രി ബൈ​ജു ഒപ്പ് ഒ​രു വൈ​റ​ൽ ഹി​റ്റാ​യി​രി​ക്കു​ന്നു. ഈ ​സി​നി​മ​യെ ആ​വേ​ശ​ത്തോ​ടെ ഹൃ​ദ​യം​തു​റ​ന്നു സ്വീ​ക​രി​ച്ചി​രി​ക്കു​ക​യാ​ണു മ​ല​യാ​ളി​ക​ൾ. ഈ ​സി​നി​മ ക​ണ്ടി​റ​ങ്ങി​യവർ ന​ല്ലൊ​രു സി​നി​മ ക​ണ്ടു, താ​ങ്ക്സ് എ​ന്നാ​ണു പ​റ​യു​ന്ന​ത്. അ​ല്ലാ​തെ ന​ന്നാ​യി എ​ന്നോ എ​ക്സ​ല​ന്‍റ് എ​ന്നോ അ​ല്ല. അ​തി​ൽ എ​നി​ക്കു വ​ള​രെ സ​ന്തോ​ഷ​മു​ണ്ട്.​..” ബി​ജു മേ​നോ​ൻ ടൈ​റ്റി​ൽ റോ​ളി​ലെ​ത്തി​യ "മാ​സ്' എ​ന്‍റ​ർ​ടെ​യ്ന​ർ ര​ക്ഷാ​ധി​കാ​രി ബൈ​ജു ഒ​പ്പി​ന്‍റെ ര​ച​ന​യും സം​വി​ധാ​ന​വും നി​ർ​വ​ഹി​ച്ച ര​ഞ്ജ​ൻ​പ്ര​മോ​ദ് സം​സാ​രി​ക്കു​ന്നു...

ഈ ​സി​നി​മ ചെ​യ്യാ​നു​ള്ള പ്ര​ചോ​ദ​നം...‍?

ആ​ധു​നി​ക​കാ​ല​ത്തി​ന്‍റെ ഒ​രാ​വ​ശ്യ​മാ​ണി​ത്. കു​ട്ടി​ക​ൾ കൂ​ടു​ത​ലാ​യി പ​ഠി​ത്ത​ത്തി​ലേ​ക്കു മാ​ത്രം ശ്ര​ദ്ധി​ച്ച് അ​വ​ർ ക​ളി​ക്കാ​തെ പോ​കു​ന്ന ഒ​രു കാ​ലം അ​ല്ലെ​ങ്കി​ൽ അ​വരുടെ ജീവിതത്തിൽ ക​ളി​യു​ടെ പ്രാ​ധാ​ന്യം ന​ഷ്ട​പ്പെ​ട്ടു​പോ​കു​ന്ന ഒ​രു കാ​ലം എ​ന്ന ചി​ന്ത​യി​ൽ നി​ന്നാ​ണ് ഈ ​സി​നി​മ​യു​ടെ തു​ട​ക്കം.

ബി​ജു​മേ​നോ​നെ കാ​സ്റ്റ് ചെ​യ്ത​തി​നു പി​ന്നി​ൽ...?

ഇ​തു ബി​ജു​മേ​നോ​നു വേ​ണ്ടി​യു​ണ്ടാ​യ ഒ​രു ക​ഥാ​പാ​ത്ര​മാ​ണ്. ക​ഥ​യു​ണ്ടാ​യ സ​മ​യ​ത്തു​ത​ന്നെ അ​തി​നൊ​പ്പം ബി​ജു​മേ​നോ​ന്‍റെ രൂ​പം ഉ​ണ്ടാ​യി​രു​ന്നു. ബി​ജു​മേ​നോ​നാ​ണ് ബൈ​ജു എ​ന്ന കാ​ര്യ​ത്തി​ൽ യാ​തൊ​രു​വി​ധ സം​ശ​യ​വും ഇ​ല്ലാ​യി​രു​ന്നു. ബി​ജു​മേ​നോ​ൻ ഇ​തു ചെ​യ്യി​ല്ല എ​ന്നു പ​റ​ഞ്ഞി​രു​ന്നെ​ങ്കി​ൽ ചി​ല​പ്പോ​ൾ ഇ​ങ്ങ​നെ​യൊ​രു സി​നി​മ ഉ​ണ്ടാ​വി​ല്ലാ​യി​രു​ന്നു. ബി​ജു​മേ​നോ​ൻ പെ​ർ​ഫോം ചെ​യ്യു​ന്ന​തു​പോ​ലെ​യാ​ണ് ഞാ​ൻ സീ​നു​ക​ൾ മ​ന​സി​ൽ ക​ണ്ട​ത്. ബി​ജു​മേ​നോ​നു​മാ​യി നീ​ണ്ട​കാ​ല​ത്തെ അ​ടു​ത്ത സൃ​ഹൃ​ദ​മു​ണ്ട്.

ര​ക്ഷാ​ധി​കാ​രി ബൈ​ജു എ​ന്ന പേ​രിനു പി​ന്നി​ൽ...?

വ​ള​രെ കോ​മ​ണ്‍ ആ​യ ഒ​രു പേ​ര്, കൂ​ടു​ത​ൽ ആ​ളു​ക​ൾ​ക്കു​ള്ള ഒ​രു പേ​ര് - അ​താ​യി​രി​ക്ക​ണം വേ​ണ്ട​ത് എന്നു ​ബോ​ധ്യ​മു​ണ്ടാ​യി​രു​ന്നു. ഇ​തി​ലെ ക​ഥാ​പാ​ത്ര​ത്തെ പോ​ലെ ന​ല്ല മ​ന​സു​ള്ള ചി​ല ബൈ​ജു​മാ​രെ എ​നി​ക്കു പ​രി​ച​യ​മു​ണ്ട്. അ​തു​കൊ​ണ്ടാ​യി​രി​ക്ക​ണം അ​റി​യാ​തെ ബൈ​ജു എ​ന്ന പേ​രു​വ​ന്ന​ത്. ബി​ജു എ​ന്ന പേ​രും ബൈ​ജു എ​ന്ന പേ​രും ഒ​രു​പോ​ലെ​യി​രി​ക്കു​ന്ന​താ​യും പ്ര​മോ​ഷ​ൻ സ​മ​യ​ത്ത് ര​ക്ഷാ​ധി​കാ​രി ബി​ജു എ​ന്ന് കു​റേ​യാ​ളു​ക​ൾ എഴുതാനിടയുണ്ടെന്നും അ​തു ക​ണ്‍​ഫ്യൂ​ഷ​ന് ഇ​ട​യാ​ക്കു​മെ​ന്നു​ം അതിനാൽ ബൈ​ജു എ​ന്ന പേ​രു വേ​ണ്ട എ​ന്നും ബി​ജു​മേ​നോ​ൻ ആദ്യം പ​റ​ഞ്ഞി​രു​ന്ന​ു. മാ​റ്റാം എന്നു ​ഞാ​ൻ വാ​ക്കും കൊ​ടു​ത്തു. പ​ക്ഷേ, ഷൂ​ട്ടിംഗ് തീ​രാ​റാ​യ​പ്പോ​ഴേ​ക്കും ആ ​ക​ഥാ​പാ​ത്ര​ത്തി​ന് അ​നു​യോ​ജ്യ​മാ​യ പേ​ര് ബൈ​ജു എ​ന്നു ത​ന്നെ​യാ​ണെ​ന്ന് ബി​ജു​മേ​നോ​നു ബോ​ധ്യ​മാ​യി.

ബി​ജു​മേ​നോ​ന് ഒ​പ്പ​മു​ള്ള അ​നു​ഭ​വ​ങ്ങ​ൾ...?

ബി​ജു​മേ​നോ​ന്‍റെ അ​ക​മ​ഴി​ഞ്ഞ സ​ഹ​ക​ര​ണ​ത്തി​ലാ​ണ് ഈ ​സി​നി​മ ഇ​ങ്ങ​നെ ചെ​യ്യാ​നായത്. കാരണം, ബി​ജു​വി​ന് അ​ത്ര​മേൽ വി​ശ്വാ​സ​മു​ണ്ടാ​യി​രു​ന്നു ഈ ​സി​നി​മ​യി​ൽ. സു​ഹൃ​ത്ത്, ​
ഭ​ർ​ത്താ​വ്, അച്ഛൻ... ​അ​ങ്ങ​നെ പ​ല ഡ​യ​മെ​ൻ​ഷ​ൻ​സു​ണ്ട് ബൈജു എന്ന ​ക​ഥാ​പാ​ത്ര​ത്തി​ന്. എ​ല്ലാ ഭാ​വ​ങ്ങ​ളി​ലും പൂ​ർ​ണ​മാ​യ തി​ക​വോ​ടെ​യാ​ണ് അദ്ദേഹം അ​ഭി​ന​യി​ച്ചി​രി​ക്കു​ന്ന​ത്. ഫൈ​ന​ലാ​യി വ​ന്നി​രി​ക്കു​ന്ന സി​നി​മ​യി​ൽ ബി​ജു​മേ​നോ​ന് ഒ​രു ക​റ​ക്്ഷ​ൻ പ​റ​യാ​ൻ എ​നി​ക്കു തോ​ന്നു​ന്നി​ല്ല.

ഹ​ന്ന റെ​ജി​യെ നാ​യി​കാ​വേ​ഷ​ത്തി​ലേ​ക്കു പ​രി​ഗ​ണി​ച്ച​തി​നു പി​ന്നി​ൽ...?

സി​നി​മാ​ന​ടി എ​ന്ന തോ​ന്ന​ലു​ണ്ടാ​ക്കു​ന്ന ഒ​രാ​ൾ ആ​വ​രു​ത് ആ ​റോ​ൾ ചെ​യ്യു​ന്ന​ത് എ​ന്നു നി​ർ​ബ​ന്ധ​മു​ണ്ടാ​യി​രു​ന്നു. അ​തേ​സ​മ​യം, സാ​ധാ​ര​ണ നാ​ട്ടി​ൻ​പു​റ​ങ്ങ​ളി​ലും സാ​ധാ​ര​ണ ജീ​വി​ത​ത്തി​ലു​മൊ​ക്കെ കാ​ണു​ന്ന​തും എ​ല്ലാ​വ​ർ​ക്കും ഇ​ഷ്ടം തോ​ന്നി​ക്കു​ന്ന​തു​മാ​യ ഒ​രു മു​ഖം വേ​ണ​മെ​ന്നു​മുണ്ടാ​യി​രു​ന്നു. ഏ​റെ​പ്പേ​രി​ൽ നി​ന്നാ​ണ് അ​വ​സാ​നം ഞ​ങ്ങ​ൾ ഹ​ന്ന​യി​ൽ എ​ത്തു​ന്ന​ത്. ഹന്ന വ​ള​രെ പോ​സി​റ്റീ​വാ​യ ഒ​രു പെ​ണ്‍​കു​ട്ടി​യാ​ണ്. എ​പ്പോ​ഴും ചി​രി​ച്ചും വ​ള​രെ പ്ല​സ​ന്‍റാ​യും നി​ൽ​ക്കു​ന്ന ഒ​രു പെ​ണ്‍​കു​ട്ടി. ഹ​ന്ന​യു​ടെ മ​ന​സി​ന്‍റെ നന്മ ​ഈ ക​ഥാ​പാ​ത്ര​ത്തെ ഉ​ൾ​ക്കൊ​ള്ളു​ന്ന​തി​നും അത്രമേൽ മ​നോ​ഹ​ര​മാ​യി അ​ഭി​ന​യി​ക്കു​ന്ന​തി​നും ഹ​ന്ന​യെ സ​ഹാ​യി​ച്ചി​ട്ടു​ണ്ട്.

സി​നി​മ​യി​ലു​ട​നീ​ളം നൊ​സ്റ്റാ​ൾ​ജി​യയുടെ നിറവാണല്ലോ...?

ചിലതൊക്കെ ന​ഷ്ട​പ്പെ​ട്ടുപോ​യി എ​ന്ന് ഉ​ള്ളി​ൽ നി​ന്ന് ഒ​രു തോ​ന്ന​ലു​ണ്ടാ​യ​തു​കൊ​ണ്ടാണ് അവ നൊ​സ്റ്റാ​ൾ​ജി​യ ആ​യി ന​മു​ക്കു ഫീ​ൽ ചെ​യ്യു​ന്ന​ത്. "ഒ​രു പു​ഷ്പം മാ​ത്രം ഞാ​ൻ സൂ​ക്ഷി​ച്ചു​വ​യ്ക്കാം ഒ​ടു​വി​ൽ നീ​യെ​ത്തു​ന്പോ​ൾ ചൂ​ടി​ക്കു​വാ​ൻ' എ​ന്നു പ​റ​യു​ന്ന​തു​പോ​ലെ ഒ​ടു​വി​ൽ നാം ​ലോ​കം മു​ഴു​വ​നും ക​റ​ങ്ങി വ​രുന്പോ​ഴേ​ക്കും ന​മ്മു​ടെ നാ​ട്ടി​ൽ ഒ​രു ഗ്രാ​മ​മെ​ങ്കി​ലും ന​മ്മു​ടെ പ​ഴ​യ ആ ​ന​ല്ല ഓ​ർ​മ​ക​ളി​ൽ ഉ​ണ്ടാ​യി​രു​ന്ന​തു​പോ​ലെ ഉ​ണ്ടാ​ക​ണം എ​ന്ന ആ​ഗ്ര​ഹ​ത്തി​ന്‍റെ മു​ക​ളി​ലാ​ണ് അ​തു ചെ​യ്തി​രി​ക്കു​ന്ന​ത്. ന​മു​ക്കു​ള്ള നന്മയൊ​ന്നും ന​മ്മ​ൾ ന​ഷ്ട​പ്പെ​ടു​ത്ത​രു​തെ​ന്ന് ഓ​ർ​മി​പ്പി​ക്കു​ന്ന ഒ​രു സി​നി​മ​യാ​ണി​ത്.

ഈ ​സി​നി​മ ചെ​യ്തി​രി​ക്കു​ന്ന​ത് മ​ല​യാ​ളി​ക്കു മു​ഖം നോ​ക്കാ​നു​ള്ള ഒ​രു ക​ണ്ണാ​ടി​യാ​യി​ട്ടാ​ണ്. അ​തി​ൽ ന​മു​ക്കു ന​മ്മ​ളെ​ത്ത​ന്നെ കാ​ണാം. അ​ല്ലെ​ങ്കി​ൽ ന​മ്മു​ടെ സു​ഹൃ​ത്തു​ക്ക​ളെ അ​ല്ലെ​ങ്കി​ൽ അ​ടു​ത്തു​ള്ള ആ​ളു​ക​ളെ ഒ​ക്കെ കാ​ണാം. ഈ ​സി​നി​മ അ​വ​സാ​നി​ക്കു​ന്ന​ത് തി​രി​ച്ചു വീ​ട്ടി​ലേ​ക്കു​ള്ള യാ​ത്ര​യി​ൽ ന​മ്മു​ടെ മ​ന​സി​നു​ള്ളി​ൽ ഓ​ടി​മ​റ​യു​ന്ന ന​മ്മു​ടെ കു​ട്ടി​ക്കാ​ല​ത്തെ​ക്കു​റി​ച്ചു​ള്ള ഓ​ർ​മ​ക​ളോ​ടു​കൂ​ടി​യാ​ണ്. ചിലർ പറയും പോലെ ഇ​തി​ൽ നൊ​സ്റ്റാ​ൾ​ജി​യ മാ​ത്ര​മാ​ണു ക്ലി​ക്ക് ആ​യി​രി​ക്കു​ന്ന​തെ​ങ്കി​ൽ കു​ട്ടി​ക​ൾ​ക്ക് ഇ​ഷ്ട​പ്പെ​ടി​ല്ല​ല്ലോ. കാ​ര​ണം, കു​ട്ടി​ക​ൾ​ക്ക് അ​തൊ​രു നൊ​സ്റ്റാ​ൾ​ജി​യ അ​ല്ല​ല്ലോ. കു​ട്ടി​ക​ൾ​ക്കി​ഷ്ട​പ്പെ​ട്ട മ​റ്റൊ​രു സി​നി​മ ഇ​തി​ലു​ണ്ട്. പ്രാ​യ​മാ​യ​വ​ർ​ക്ക് ഇ​ഷ്ട​പ്പെ​ട്ട വെ​റൊ​രു സി​നി​മ ഇ​തി​ലു​ണ്ട്. ചെ​റു​പ്പ​ക്കാ​ർ​ക്ക് ഇ​ഷ്ട​പ്പെ​ട്ട വെ​റൊ​രു സി​നി​മ​യും ഇ​തി​ന​ക​ത്തു​ണ്ട്. അ​താ​യ​ത് ഇ​തൊ​രു മാ​സ് എ​ന്‍റ​ർ​ടെ​യ്ന​ർ ഫോ​ർ​മാ​റ്റി​ലു​ള്ള സി​നി​മ​യാ​ണ്. മാ​സ് എ​ന്‍റ​ർ​ടെ​യ്ന​ർ എ​ന്ന​തു​കൊ​ണ്ട് ന​മ്മ​ൾ ഉ​ദ്ദേ​ശി​ക്കു​ന്ന​ത് എ​ല്ലാ പ്രാ​യ​ക്കാ​ർ​ക്കും എ​ല്ലാ​ത്ത​രം ആ​ളു​ക​ൾ​ക്കും ആ​സ്വ​ദി​ക്കാ​നു​ള്ള വി​ഷ​യം ഇ​തി​ലു​ണ്ട് എ​ന്ന​താ​ണ്. ഇ​തു വ​ള​രെ ഗൗ​ര​വ​മു​ള്ള ഒ​രു സി​നി​മ​യാ​ണ്. എ​ന്നാ​ൽ വ്യ​ത്യ​സ്ത​മാ​യ ഒ​രു സി​നി​മ​യു​മാ​ണ്. അ​ങ്ങ​നെ​യൊ​രു സി​നി​മ ഭാ​ഗ്യ​വ​ശാ​ൽ എ​നി​ക്കു വ​ന്നു​കി​ട്ടി. പ്ര​ശാ​ന്ത് ര​വീ​ന്ദ്ര​ൻ(കാമറ), പ്ര​മോ​ദ് തോ​മ​സ്, സ്മി​ജി​ത്ത് കു​മാ​ർ പി.​ബി(സൗ​ണ്ട് ടീം) ​സം​ജി​ത്ത് മു​ഹ​മ്മ​ദ്(എഡിറ്റർ), ബി​ജി​ബാൽ( മ്യൂ​സി​ക് ഡ​യ​റ​ക്്ഷ​ൻ) ഹ​രി​നാ​രാ​യ​ണ​ൻ(കവിതകൾ)...​അ​ങ്ങ​നെ എ​ല്ലാ സാ​ങ്കേ​തി​ക ഘ​ട​ക​ങ്ങ​ളും എ​ല്ലാ​വ​രു​ടെ​യും അ​ഭി​ന​യ​വും ഒ​ന്നി​നൊ​ന്നു മി​ക​ച്ചു​നി​ൽ​ക്കു​ന്ന​തു​കൊ​ണ്ടാ​ണ് ഇ​തൊ​രു മി​ക​ച്ച സി​നി​മ​യാ​യി മാ​റി​യ​ത്.

അ​ജു​വ​ർ​ഗീ​സി​ന്‍റെ ക​രി​യ​റി​ൽ വ​ള​രെ ഗു​ണ​ക​ര​മാ​യ ഒ​രു സി​നി​മ​യാ​ണി​ത്. അ​ജു​വ​ർ​ഗീ​സി​ന്‍റെ പ്ര​തി​ക​ര​ണം എ​ന്താ​യി​രു​ന്നു...?

അ​ജു​വ​ർ​ഗീ​സ് ആ​ദ്യം ക​രു​തി​യി​രു​ന്ന​ത് എ​ല്ലാ സി​നി​മ​ക​ളി​ലു​മു​ള്ള​തു​പോ​ലെ കോ​മ​ഡി ക​ളി​ക്കു​ന്ന ഒ​രു കാ​ര​ക്ട​ർ ആ​യി​രി​ക്കും എ​ന്നാ​ണ്. കാ​ര​ണം അ​ജു​ സീ​നു​ക​ളൊ​ന്നും വാ​യി​ച്ചി​ട്ടു​ണ്ടാ​യി​രു​ന്നി​ല്ല. അ​ജു​വി​നു ഞാ​ൻ പ​റ​ഞ്ഞു​കൊ​ടു​ത്ത ക​ഥ​യും ക​ഥാ​പാ​ത്ര​വും മാ​ത്ര​മേ അ​റി​യു​മാ​യി​രു​ന്നു​ള്ളൂ. വ​ള​രെ​യ​ധി​കം ഇ​ഷ്ട​പ്പെ​ട്ടാ​ണ് അ​ദ്ദേ​ഹം സെ​റ്റി​ലേ​ക്കു വ​ന്ന​ത്. സെ​റ്റി​ൽ വ​ന്ന​പ്പോ​ഴാ​ണ് ഈ ​സെ​റ്റി​ന്‍റെ വ്യ​ത്യാ​സ​ങ്ങ​ൾ അ​ജു​വി​നു മ​ന​സി​ലാ​കു​ന്ന​ത്. സി​ങ്ക് സൗ​ണ്ട് വേ​ണ്ട, ഡ​ബ്ബിം​ഗ് വേ​ണം എ​ന്ന​താ​യി​രു​ന്നു അ​ജു​വി​ന്‍റെ നി​ല​പാ​ട്. ഞാ​ൻ അ​തു ത​ത്ത്വ​ത്തി​ൽ അം​ഗീ​ക​രി​ച്ചു. കാ​ര​ണം, അ​ജു ആ ​റോ​ൾ ചെ​യ്യ​ണ​മെ​ന്ന് ഞ​ങ്ങ​ളു​ടെ ക്രൂ​വി​ൽ എ​ല്ലാ​വ​ർ​ക്കും ആ​ഗ്ര​ഹ​മു​ണ്ടാ​യി​രു​ന്നു. അ​ജു ഡ​ബ്ബ് ചെ​യ്തോ​ട്ടെ, മ​റ്റു​ള്ള ആ​ളു​ക​ളു​ടെ സി​ങ്ക​് സൗ​ണ്ട് ഉ​പ​യോ​ഗി​ക്കാം എ​ന്നാ​ണു ക​രു​തി​യ​ത്. എ​ന്നാ​ലും മൈ​ക്ക് വ​ച്ച് എ​ല്ലാ​വ​രും സി​ങ്ക്സൗ​ണ്ട് നാ​ച്വ​റ​ലി ചെ​യ്ത​പ്പോ​ൾ അ​ജു​വും ചെ​യ്തു. പ​ക്ഷേ, ഈ ​ശ​ബ്ദ​ങ്ങ​ളൊ​ന്നും ഉ​പ​യോ​ഗി​ക്കാ​നാ​കു​മെ​ന്നു യാ​തൊ​രു​വി​ധ ആ​ത്മ​വി​ശ്വാ​സ​വും അ​ജു​വി​ന് ഇ​ല്ലാ​യി​രു​ന്നു. ഇ​തി​ൽ വ​ള​രെ ലോ ​ലെ​വ​ലി​ൽ പ​റ​യു​ന്ന കാ​ര്യ​ങ്ങ​ൾ സി​ങ്ക്സൗ​ണ്ട് ആ​കു​ന്പോ​ൾ പ്ര​ശ്ന​മാ​കു​മെ​ന്നും അ​തു ഡ​ബ്ബിം​ഗി​ൽ ക​റ​ക്ട് ചെ​യ്യ​ണ​മെ​ന്നു​മൊ​ക്കെ​യാ​യി​രു​ന്നു അ​ജു വി​ചാ​രി​ച്ചി​രു​ന്ന​ത്. ഡ​ബ്ബിം​ഗി​നു​വേ​ണ്ടി അ​ജു​വി​നെ വി​ളി​ച്ച​പ്പോ​ൾ ഒ​രു ഫു​ൾ ഡേ ​വേ​ണ്ടി​വ​രു​മെ​ന്നാ​ണ് അ​ജു വി​ചാ​രി​ച്ച​ത്. പ​ക്ഷേ, ര​ണ്ടു മ​ണി​ക്കൂ​ർ കൊ​ണ്ടു പ​ണി തീ​ർ​ത്തു പോ​കാ​നാ​കു​ന്ന ഡ​ബ്ബിം​ഗേ അ​തി​ൽ ഉ​ണ്ടാ​യി​രു​ന്നു​ള്ളൂ. ചെ​റി​യ പാ​ച്ച് ഡ​ബ്ബിം​ഗ്, ചെ​റി​യ തി​രു​ത്ത​ലു​ക​ൾ..​വ്യ​ക്ത​ത​യി​ല്ലാ​ത്ത ഭാ​ഗം ക്ലി​യ​റാ​ക്ക​ൽ തു​ട​ങ്ങി​യ ചെ​റി​യ കാ​ര്യ​ങ്ങ​ൾ മാ​ത്ര​മേ അ​ജു​വി​നു ചെ​യ്യാ​നു​ണ്ടാ​യി​രു​ന്നു​ള്ളൂ. ഡ​ബ്ബി​ംഗി​നു​ശേ​ഷം അ​ജു എ​നി​ക്കു ഹ​സ്ത​ദാ​നം ചെ​യ്തശേഷം ഇങ്ങനെ പ​റ​ഞ്ഞു- "എ​നി​ക്ക് ഇ​ത് ഒ​രു ഐ ​ഓ​പ്പ​ണറാ​ണ്. എ​ന്‍റെ ക​ണ്ണു​തു​റ​പ്പി​ച്ചി​രി​ക്കു​ന്നു. സി​ങ്ക് സൗ​ണ്ട് എ​ന്ന​ത് അ​ത്ര​വ​ലി​യ പ്ര​ശ്ന​മൊ​ന്നു​മ​ല്ല. ഇ​നി സി​ങ്ക്സൗ​ണ്ട് എ​ന്നു കേ​ട്ടാ​ൽ എ​നി​ക്കു പേ​ടി​യില്ല. വ​ള​രെ ഹാ​പ്പി​യാ​ണെ​ന്നു പ​റ​ഞ്ഞ് സി​നി​മ ക​ണ്ടു ക​ഴി​ഞ്ഞ് അ​ജു വി​ളി​ച്ചി​രു​ന്നു.

അ​ജു​വ​ർ​ഗീ​സി​ന്‍റെ നാ​യി​ക​യാ​യി കൃ​ഷ്ണ പ​ത്മ​കു​മാ​ർ...‍‍?

ഞ​ങ്ങ​ളു​ടെ സി​നി​മാ​റ്റോ​ഗ്ര​ഫ​റാ​യ പ്ര​ശാ​ന്ത് ര​വീ​ന്ദ്ര​ൻ ഒ​രു ഫി​ലിം ഫെ​സ്റ്റി​വ​ലി​ൽ "കാ​മു​കി'എ​ന്ന ഷോ​ർ​ട്ട് ഫി​ലിം ക​ണ്ടി​രു​ന്നു. അ​തി​ൽ അ​ഭി​ന​യി​ച്ച കൃ​ഷ്ണ എ​ന്ന പെ​ണ്‍​കു​ട്ടി​യെ ഈ ​സി​നി​മ​യി​ലേ​ക്കു നി​ർ​ദേ​ശി​ച്ച​തു പ്ര​ശാ​ന്താ​ണ്. വ​ള​രെ മ​നോ​ഹ​ര​മാ​യ പെ​ർ​ഫോ​മ​ൻ​സി​ലൂ​ടെ കൃ​ഷ്ണ ഞ​ങ്ങ​ളെ​യെ​ല്ലാം ഞെ​ട്ടി​ച്ചു. ശ്രീ​ക​ല എ​ന്ന ക​ഥാ​പാ​ത്ര​ത്തി​ന് ഏ​റെ ആ​ന്ത​രി​ക​സൗ​ന്ദ​ര്യ​മു​ണ്ട്. കാ​ര​ണം, നി​രാ​ശ​യി​ല്ലാ​ത്ത പ്ര​തീ​ക്ഷ​യാ​ണ് ആ ​കാ​ര​ക്ട​ർ. ആ ​കാ​ര​ക്ട​റി​ന്‍റെ ആ​ന്ത​രി​ക​സൗ​ന്ദ​ര്യം ശ്രീ​ക​ല എ​ന്ന ക​ഥാ​പാ​ത്ര​ത്തി​നു മി​ഴി​വു ന​ല്കി​യി​ട്ടു​ണ്ട്. കൃ​ഷ്ണ​യെ പു​തു​മു​ഖ​മെ​ന്നു പ​റ​യാ​നാ​വി​ല്ല. ചി​ല ഷോ​ർ​ട്ട് ഫി​ലി​മു​ക​ളി​ൽ അ​ഭി​ന​യി​ച്ചി​ട്ടു​ണ്ട്. മു​ന്പ് ജാ​ന​കി എ​ന്ന സി​നി​മ​യി​ൽ ബാ​ല​താ​ര​മാ​യി അ​ഭി​ന​യി​ച്ചു സം​സ്ഥാ​ന അ​വാ​ർ​ഡ് നേ​ടി​യി​ട്ടു​ണ്ട്.ന​ല്ല താ​ള​ബോ​ധ​മു​ള്ള കു​ട്ടി​യാ​ണു കൃ​ഷ്ണ.

സി​നി​മാ വി​ദ്യാ​ർ​ഥി​ക​ൾ​ക്കു തി​ര​ക്ക​ഥ​യെ​ക്കു​റി​ച്ചു പ​ഠി​ക്കാ​നു​ള്ള ഒ​രു മോ​ഡ​ലാ​യി ഈ സിനിമയുടെ തി​ര​ക്ക​ഥ മാ​റു​ക​യാ​ണ്...‍?

ന​മ്മ​ൾ ക​ണ്ടു​പ​രി​ച​യി​ച്ച എ​ല്ലാ സി​നി​മ​ക​ളു​ടെ​യും ക​ഥ ഒ​രു പ്രോ​ബ്ള​വും അ​തി​നു​ള്ള ഒ​രു സൊ​ല്യൂ​ഷ​നു​മാ​യി​രി​ക്കും. ഒ​ന്നു​കി​ൽ നാ​യ​ക​ന് ആ​ന്ത​രി​ക​മാ​യ ഒ​രു പ്ര​ശ്നം ഉ​ണ്ടാ​വ​ണം. അ​പ്പോ​ൾ ആ​ർ​ട്ട് പ​ടം പോ​ലെ ഒ​രു സി​നി​മ​യു​ണ്ടാ​വും. അ​ല്ലെ​ങ്കി​ൽ ബാ​ഹ്യ​മാ​യ ഒ​രു പ്ര​ശ്ന​മു​ണ്ടാ​വും. അ​പ്പോ​ൾ ഒ​രു കൊ​മേ​ഴ്സ്യ​ൽ പ​ട​മു​ണ്ടാ​വും. ഈ ​സി​നി​മ​യി​ലെ നാ​യ​ക​ന് ആ​ന്ത​രി​ക​മാ​യോ ബാ​ഹ്യ​മാ​യോ ഒ​രു പ്ര​ശ്ന​വു​മി​ല്ല. ഈ ​സി​നി​മ​യി​ൽ എ​വി​ടെ​യും ഒ​രു പ്രോ​ബ്ള​വു​മി​ല്ല. പ്രോ​ബ്ള​ത്തി​നു​ള്ള സൊല്യൂ​ഷ​നു​മി​ല്ല. പ്രോ​ബ്ളം - സൊല്യൂ​ഷ​ൻ എ​ന്ന പാ​റ്റേ​ണി​ൽ നി​ന്നു മാ​റി​ക്കൊ​ണ്ടു​ള്ള ഒ​രു തി​ര​ക്ക​ഥ​യാ​ണ് ഈ ​സി​നി​മ​യു​ടേ​ത്. അ​താ​യി​രു​ന്നു ഈ ​സി​നി​മ​യ്ക്കു​ണ്ടാ​യി​രു​ന്ന ഏ​റ്റ​വും വ​ലി​യ ച​ല​ഞ്ച്. സി​നി​മ എ​ന്ന​ത് ഒ​രു ക​ഥ കാ​ണു​ക എ​ന്ന​തി​ന​പ്പു​റം ഒ​രു ച​ല​ച്ചി​ത്രാ​നു​ഭ​വ​മാ​ക​ണം.ദൃ​ശ്യ​ങ്ങ​ളും അ​തി​ന്‍റെ ശ​ബ്ദ​ങ്ങ​ളും ചേ​ർ​ന്നു​ള്ള ഒ​രു ച​ല​ച്ചി​ത്രാ​നു​ഭ​വം. ഒ​രു ക​ഥ പ​റ​യു​ക എ​ന്ന​തി​ന​പ്പു​റം ആ ​ഒ​രു പ്ര​ദേ​ശ​ത്തെ​യും അ​വി​ട​ത്തെ കാ​ര്യ​ങ്ങ​ളെ​യും അ​നു​ഭ​വി​പ്പി​ക്കാ​നാ​ണ് ഞ​ങ്ങ​ളെ​ല്ലാ​വ​രും ശ്ര​മി​ച്ചി​ട്ടു​ള്ള​ത്.

അ​ടു​ത്ത സി​നി​മ​യെ​ക്കു​റി​ച്ച് ആ​ലോ​ച​ന തു​ട​ങ്ങി​യോ...?

ഒ​രു ആ​ർ​ട്ടി​സ്റ്റി​നോ​ടു കഥ പ​റ​യാ​വു​ന്ന രീ​തി​യി​ൽ, ഫൈനൽ സ്ക്രിപ്റ്റ് എഴുതി ഷൂട്ട് തുടങ്ങാവുന്ന രീതിയിൽ ഒ​രു സി​നി​മ​യു​ടെ രൂ​പ​രേ​ഖ ആ​യി​ട്ടു​ണ്ട്. അ​ത് ഒ​രു ആ​ക്്ഷ​ൻ സി​നി​മ​യാ​ണ്്. 50 കോ​ടി മു​ത​ൽ​മു​ട​ക്ക് വേ​ണ്ടി​വ​രു​ന്ന സി​നി​മ​. അതിനു തയാറായി ന​ല്ല ഒരു പ്രൊ​ഡ്യൂ​സ​റും ഒ​രാ​ർ​ട്ടി​സ്റ്റും - വ​ലി​യ സ്റ്റാ​ർ - ത​ന്നെ വേ​ണം. മലയാളത്തിൽ അ​ത് അ​ത്ര എ​ളു​പ്പ​മ​ല്ല. ഒ​രു​പ​ക്ഷേ, ഏ​തെ​ങ്കി​ലും ഒ​രു ആ​ർ​ട്ടി​സ്റ്റ് അ​തി​നു ത​യാ​റാ​യി വ​ന്നാ​ൽ അ​തു സാ​ധ്യ​മാ​യെ​ന്നും വ​രാം.

ടി.​ജി.​ബൈ​ജു​നാ​ഥ്