നെടുങ്കണ്ടം: കോമ്പയാര് സെന്റ്തോമസ് എല്പി സ്കൂളില് വൈക്കം മുഹമ്മദ് ബഷീര് അനുസ്മരണം സംഘടിപ്പിച്ചു. ദിനാചരണത്തിന്റെ ഭാഗമായി ബഷീറിന്റെ പ്രധാന കൃതിയായ പാത്തുമ്മയുടെ ആട് എന്ന നോവലിനെ അടിസ്ഥാനമാക്കി ദൃശ്യാവിഷ്കാരം നടത്തി.
സ്കൂള് പ്രധാനാധ്യാപകന്റെ വീട്ടില് വളര്ത്തുന്ന ആടുകള്, നാലാം ക്ലാസിലെ ഇരട്ട സഹോദരിമാരായ നെഹല, നദീറ തുടങ്ങിയവര് കഥാപാത്രങ്ങളായി വേഷമിട്ടു. തുടര്ന്ന് ബഷീറിന്റെ വിവിധ കൃതികള് കുട്ടികള്ക്ക് പരിചയപ്പെടുത്തി. ബഷീര്ദിന ക്വിസ്, കളറിംഗ് മത്സരങ്ങളും സംഘടിപ്പിച്ചു. സ്കൂള് മാനേജര് ഫാ. ജിപ്സണ് ചുള്ളി, പ്രഥമാധ്യാപകന് ബിജു ജോര്ജ്, അധ്യാപകരായ ജോബിന് ജോര്ജ്, ബെന്നറ്റ് പോള് എന്നിവര് പരിപാടികള്ക്ക് നേതൃത്വം നല്കി.