നാ​ട്ടു​കാ​രി​ൽ ഭീ​തി വ​ള​ർ​ത്തി പാ​ത​യോ​ര​ങ്ങ​ളി​ലെ വ​ന്മ​ര​ങ്ങ​ൾ
Saturday, May 4, 2024 7:36 AM IST
ക​റു​ക​ച്ചാ​ൽ: ക​റു​ക​ച്ചാ​ൽ-​വാ​ഴൂ​ർ റോ​ഡി​ൽ ഇ​രു​വ​ശ​ങ്ങ​ളി​ലു​മാ​യി വ​ള​ർ​ന്നു​നി​ൽ​ക്കു​ന്ന ത​ണ​ൽ​മ​ര​ങ്ങ​ളും ഇ​ത​ര വ​ന്മ​ര​ങ്ങ​ളും യാ​ത്ര​ക്കാ​ർ​ക്കും പ​രി​സ​ര​വാ​സി​ക​ൾ​ക്കും ഭീ​ഷ​ണി​യാകുന്നു. ക​റു​ക​ച്ചാ​ൽ -വാ​ഴൂ​ർ റോ​ഡി​ൽ നൂ​റു​ക​ണ​ക്കി​ന് ത​ണ​ൽ​മ​ര​ങ്ങ​ളും ഇ​ത​ര​മ​ര​ങ്ങ​ളു​മാ​ണു​ള്ള​ത്. പ​ല​തും നൂ​റു​വ​ർ​ഷ​ത്തി​ലേ​റെ പ​ഴ​ക്ക​മു​ള്ള കൂ​റ്റ​ൻ മ​ര​ങ്ങ​ൾ.

പു​റ​മെ ക​ണ്ടാ​ൽ ന​ല്ല മ​ര​ങ്ങ​ൾ എ​ന്നു തോ​ന്നു​മെ​ങ്കി​ലും പ​ല​തും കേ​ട് പി​ടി​ച്ച് ജീ​ർ​ണാ​വ​സ്ഥ​യി​ലാ​യി​ട്ട് നാ​ളു​ക​ളേ​റെ​യാ​യി. ചെ​റു​കാ​റ്റ​ടി​ച്ചാ​ൽ​പോ​ലും ശി​ഖ​ര​ങ്ങ​ൾ ഒ​ടി​ഞ്ഞ് റോ​ഡി​ലേ​ക്കും വാ​ഹ​ന​ങ്ങ​ൾ​ക്കു മു​ക​ളി​ലേ​ക്കും വീ​ഴും.

ക​ഴി​ഞ്ഞ​ ദി​വ​സം മൈ​ലാ​ടി​യി​ൽ ത​ണ​ൽ​മ​ര​ത്തി​ന്‍റെ ഉ​ണ​ങ്ങി​യ ക​മ്പ് വീ​ണു കാ​റി​ന്‍റെ ഗ്ലാ​സും മു​ക​ൾ​ഭാ​ഗ​വും ത​ക​ർ​ന്നു. മ​ഴ​ക്കാ​ല​മാ​യാ​ൽ വ​ലി​യ ശി​ഖ​ര​ങ്ങ​ള​ട​ക്കം ഒ​ടി​ഞ്ഞു വീ​ണ് വൈ​ദ്യു​തി​ലൈ​നും തൂ​ണു​ക​ള​ട​ക്കം ന​ശി​ക്കു​ന്ന​തും ഗ​താ​ഗ​ത സ്തം​ഭ​ന​വും പ​തി​വാ​ണ്.

അ​ണി​യ​റ​പ്പ​ടി-​നെ​ത്ത​ല്ലൂ​ർ ഭാ​ഗ​ത്തു ക​ഴി​ഞ്ഞ​വ​ർ​ഷം നാ​ല് മ​ര​ങ്ങ​ളാ​ണ് പി​ഴു​തു​വീ​ണ​ത്. വൈ​ദ്യു​ത പോ​സ്റ്റ​ട​ക്കം ത​ക​ർ​ന്നു​വീ​ണ് വ​ലി​യ നാ​ശ​ന​ഷ്ട​മു​ണ്ടാ​യി. കേ​ടു​പി​ടി​ച്ച മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി​മാ​റ്റു​ക​യോ മ​ര​ങ്ങ​ളെ സം​ര​ക്ഷി​ക്കു​ക​യോ വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

മ​ര​ങ്ങ​ളി​ൽ അ​ണ്ണാ​ൻ​പ​ച്ച​യും ഇ​ത്തി​ൾ പോ​ലു​ള്ള പ​രാ​ദ സ​സ്യ​ങ്ങ​ളും വ​ള​രു​ന്ന​താ​ണ് പ്ര​ധാ​ന​പ്ര​ശ്‌​നം. ഇ​ത്തി​ൾ ത​ടി​ക്ക് കേ​ടു​വ​രു​ത്തും. അ​ണ്ണാ​ൻ​പ​ച്ച പ​രാ​ദ സ​സ്യ​മ​ല്ലെ​ങ്കി​ലും നി​റ​ഞ്ഞി​രി​ക്കു​ന്ന​തി​നാ​ൽ മ​ര​ത്തി​ന്‍റെ അ​പ​ക​ടാ​വ​സ്ഥ​യോ കേ​ടോ അ​റി​യി​ല്ല.

പു​റ​മെ ബ​ല​മു​ള്ള​തെ​ന്ന് തോ​ന്നി​യാ​ലും ത​ടി​യു​ടെ ഉ​ൾ​വ​ശം പൊ​ള്ള​യാ​യി​രി​ക്കും. ഇ​ത് മ​രം വീ​ണു ക​ഴി​യു​മ്പോ​ഴാ​ണ് തി​രി​ച്ച​റി​യു​ന്ന​ത്. ഓ​രോ വ​ർ​ഷ​വും മ​ര​ച്ചി​ല്ല​ക​ൾ വീ​ണ് വ്യാ​പ​ക​നാ​ശ​മാ​ണ് വീ​ടു​ക​ൾ​ക്കും വാ​ഹ​ന​ങ്ങ​ൾ​ക്കും വൈ​ദ്യു​തി ലൈ​നു​ക​ൾ​ക്കും ഉ​ണ്ടാ​കു​ന്ന​ത്.

നെ​ത്ത​ല്ലൂ​ർ, പോ​ള​ച്ചി​റ, മാ​ന്തു​രു​ത്തി, ആ​ഴാം​ച്ചി​റ, കോ​ക്കു​ന്നേ​ൽ​പ്പ​ടി, ക​ങ്ങ​ഴ, മൂ​ലേ​പ്പീ​ടി​ക, കാ​ഞ്ഞി​ര​പ്പാ​റ, ഡാ​ണാ​വു​ങ്ക​ൽ​പ്പ​ടി, ഉ​ദ​യ​പു​രം തു​ട​ങ്ങി​യ സ്ഥ​ല​ങ്ങ​ളി​ലെ​ല്ലാം നൂ​റു​ക​ണ​ക്കി​നു മ​ര​ങ്ങ​ളാ​ണ് ഏ​തു നി​മി​ഷ​വും റോ​ഡി​ലേ​ക്കു നി​ലം​പൊ​ത്താ​വു​ന്ന അ​വ​സ്ഥ​യി​ൽ നി​ല​കൊ​ള്ളു​ന്ന​ത്.

Copyright @ 2022 , Rashtra Deepika Ltd.