റി​വ​ര്‍വ്യൂ ​റോ​ഡ് നി​ര്‍​മാ​ണം ഒ​ച്ചി​ഴ​യും​പോ​ലെ; പാ​തി​വ​ഴി​യി​ല്‍ സ്വ​പ്ന​പ​ദ്ധ​തി
Friday, May 3, 2024 10:30 PM IST
പാ​ലാ: മീ​ന​ച്ചി​ലാ​റി​ന്‍റെ തീ​ര​ത്തു​കൂ​ടി ജ​ന​റ​ൽ ആ​ശു​പ​ത്രി ജം​ഗ്ഷ​ന്‍ മു​ത​ല്‍ കൊ​ട്ടാ​ര​മ​റ്റം വ​രെ നി​ര​വ​ധി തൂ​ണു​ക​ളി​ല്‍ പാ​ല​മാ​യി തീ​ര്‍​ക്കു​ന്ന റോ​ഡി​ന്‍റെ നി​ര്‍​മാ​ണ പ്ര​വൃത്തി​ക​ള്‍ ഒ​ച്ചി​ഴ​യും പോ​ലെ.

മീ​ന​ച്ചി​ലാ​റി​ന്‍റെ തീ​ര​ത്തു​കൂ​ടി 150ലേ​റെ തൂ​ണു​ക​ളി​ലാ​യി 12 മീ​റ്റ​ര്‍ വീ​തി​യി​ലാ​ണ് റോ​ഡി​ന്‍റെ നി​ര്‍​മാ​ണം. 33 കോ​ടി രൂ​പ​യാ​ണ് പ​ദ്ധ​തി​ച്ചെ​ല​വ് വ​ക​യി​രു​ത്തി​യി​ട്ടു​ള്ള​ത്. ര​ണ്ടു മീ​റ്റ​ര്‍ വീ​തി​യി​ല്‍ ന​ട​പ്പാ​ത​യു​മു​ണ്ട്.

സ്ഥ​ലം ഏ​റ്റെ​ടു​ത്ത​പ്പോ​ള്‍ റ​വ​ന്യൂ വ​കു​പ്പ് അ​ധി​കൃ​ത​ര്‍​ക്കു​ണ്ടാ​യ പാ​ളി​ച്ച​യാ​ണ് കു​ഴ​പ്പ​ങ്ങ​ള്‍​ക്കി​ട​യാ​ക്കി​യ​തെ​ന്നാ​ണ് ആ​ക്ഷേ​പം. ഇ​തു നി​ര്‍​മാ​ണം മു​ട​ങ്ങാ​നും കാ​ര​ണ​മാ​യി. കൊ​ട്ടാ​ര​മ​റ്റം ഭാ​ഗ​ത്ത് ഇ​രു​നൂ​റ് മീ​റ്റ​റോ​ളം നീ​ള​ത്തി​ല്‍ അ​നു​ബ​ന്ധ​റോ​ഡ് പ​ണി​തീ​ര്‍​ക്ക​ണം. തൂ​ണു​ക​ളി​ല്‍ പാ​ല​മാ​യി പ​ണി​തീ​ര്‍​ത്ത ഭാ​ഗ​ത്തും നി​ര്‍​മാ​ണ​ജോ​ലി​ക​ള്‍ ഇ​നി​യും ന​ട​ക്കാ​നു​ണ്ട്. പാ​ലാ-​ഏ​റ്റു​മാ​നൂ​ര്‍ റോ​ഡി​ന് സ​മാ​ന്ത​ര​മാ​യാ​ണ് റി​വ​ര്‍​വ്യൂ റോ​ഡ്.

2013 ലെ ​സം​സ്ഥാ​ന ബ​ജ​റ്റി​ല്‍ അ​ന്ന​ത്തെ ധ​ന​മ​ന്ത്രി കെ.​എം. മാ​ണി​യാ​ണ് ആ​കാ​ശ​പാ​ത പ്ര​ഖ്യാ​പി​ച്ച​ത്. 2015 ല്‍ ​ഭൂ​മി ഏ​റ്റെ​ടു​ത്ത് പൊ​തു​മ​രാ​മ​ത്ത് വ​കു​പ്പി​നു കൈ​മാ​റി. 12 പേ​രി​ല്‍​നി​ന്ന് 14 കോ​ടി രൂ​പ ഭൂ​മി ഏ​റ്റെ​ടു​ക്ക​ലി​നു​മാ​ത്രം ചെ​ല​വ​ഴി​ച്ചു. പ്ര​ള​യ​വും കോ​വി​ഡും മൂ​ലം നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ മു​ട​ങ്ങി​ക്കി​ട​ക്കു​ക​യാ​യി​രു​ന്നു. പ്ര​ള​യ​ത്തി​ല്‍ നി​ര്‍​മാ​ണ സാ​മ​ഗ്രി​ക​ള്‍ ന​ഷ്ട​പ്പെ​ടു​ക​യും ചെ​യ്തു. ജോ​സ് കെ.​മാ​ണി എം​പി​യും മാ​ണി സി. ​കാ​പ്പ​ന്‍ എം​എ​ല്‍​എ​യും പൊ​തു​മ​രാ​മ​ത്ത് മ​ന്ത്രി​യെ നേ​രി​ല്‍ ക​ണ്ട​തി​നെ തു​ട​ര്‍​ന്നാ​ണ് ജോ​ലി​ക​ള്‍ പു​ന​രാ​രം​ഭി​ച്ച​ത്.

ഗ​താ​ഗ​ത​ത്തി​ര​ക്ക്
നി​യ​ന്ത്രി​ക്കാം

റി​വ​ര്‍​വ്യൂ റോ​ഡ് പൂ​ര്‍​ത്തി​യാ​കു​ന്ന​തോ​ടെ ന​ഗ​ര​ത്തി​ലെ പ്ര​ധാ​ന ജം​ഗ്ഷ​നു​ക​ളി​ലെ ഗ​താ​ഗ​ത​ത്തി​ര​ക്ക് പൂ​ര്‍​ണ​മാ​യും നി​യ​ന്ത്രി​ക്കാ​നാ​കും. ന​ഗ​ര​ത്തി​ല്‍ പ്ര​വേ​ശി​ക്കാ​തെ​ത​ന്നെ വാ​ഹ​ന​ങ്ങ​ള്‍​ക്ക് ളാ​ലം ജം​ഗ്ഷ​നി​ല്‍​നി​ന്ന് കൊ​ട്ടാ​ര​മ​റ്റ​ത്തെ​ത്താം.

ക​ഴി​ഞ്ഞ സ​ര്‍​ക്കാ​രി​ന്‍റെ കാ​ല​ത്ത് നി​ര്‍​മാ​ണോ​ദ്ഘാ​ട​നം ന​ട​ക്കു​ക​യും പി​ന്നീ​ട് വ​ര്‍​ഷ​ങ്ങ​ളു​ടെ കാ​ത്തി​രി​പ്പി​നു​ശേ​ഷം പ​ണി ആ​രം​ഭി​ക്കു​ക​യും ചെ​യ്ത പ​ദ്ധ​തി​യാ​ണി​ത്. മീ​ന​ച്ചി​ലാ​റി​ന്‍റെ തീ​ര​ത്ത് ഒ​രു കി​ലോ​മീ​റ്റ​ര്‍ ദൂ​ര​മു​ള്ള വ​ലി​യ പാ​ല​മാ​ണ് തീ​ര്‍​ക്കു​ന്ന​ത്. പാ​ല​ത്തി​ന്‍റെ നി​ര്‍​മാ​ണ പ്ര​വൃ​ത്തി​ക​ള്‍ ഏ​റെ​ക്കു​റെ പൂ​ര്‍​ത്തി​യാ​യെ​ങ്കി​ലും കൊ​ട്ടാ​ര​മ​റ്റ​ത്തും ജ​ന​റ​ൽ ആ​ശു​പ​ത്രി ജം​ഗ്ഷ​നു സ​മീ​പ​ത്തും അ​നു​ബ​ന്ധ റോ​ഡു​ക​ള്‍ പ​ണി​യു​ന്ന​തി​ന് ഇ​നി​യും പ്ര​വൃ​ത്തി​ക​ള്‍ തു​ട​ങ്ങി​യി​ട്ടില്ല.

നി​ല​വി​ലു​ള്ള റി​വ​ര്‍​ വ്യൂ റോ​ഡ് കൊ​ട്ടാ​ര​മ​റ്റ​ത്തേ​ക്ക് നീ​ട്ടു​ന്ന​തി​ന് ല​ക്ഷ്യ​മി​ട്ടാ​ണ് പ​ദ്ധ​തി. പാ​ലാ വ​ലി​യ​പാ​ല​ത്തി​ന് സ​മീ​പം തൂ​ണു​ക​ളി​ല്‍ തീ​ർ‍​ക്കു​ന്ന പാ​ല​ത്തി​ന്‍റെ അ​വ​സാ​ന​ഘ​ട്ട നി​ര്‍​മാ​ണ​പ്ര​വൃ​ത്തി​ക​ള്‍ അ​നി​ശ്ചി​താ​വ​സ്ഥ​യി​ലാ​ണ്. ഇ​വി​ടെ സ്വ​കാ​ര്യ​വ്യ​ക്തി​യു​ടെ കെ​ട്ടി​ട​മു​ള്ള സ്ഥ​ലം റ​വ​ന്യൂ ഭൂ​മി​യെ​ന്ന് ക​ണ​ക്കാ​ക്കി നി​ര്‍​മാ​ണം ന​ട​ത്തി​യ​പ്പോ​ള്‍ സ്ഥ​ല​മു​ട​മ എ​തി​ര്‍​പ്പു​മാ​യെ​ത്തു​ക​യും കോ​ട​തി​യെ സ​മീ​പി​ക്കു​ക​യും ചെ​യ്തു.

കെ​ട്ടി​ട​ത്തി​ന്‍റെ ഉ​ള്ളി​ലേ​ക്കു ക​യ​റി​വ​രും വി​ധ​മാ​ണ് നി​ര്‍​മാ​ണം ന​ട​ത്തി​യ​ത്.​ന​ഷ്ട​പ​രി​ഹാ​രം ന​ല്‍​കി ഏ​റ്റെ​ടു​ക്കാ​തെ​യാ​ണ് നി​ര്‍​മാ​ണം ന​ട​ത്തി​യ​തെ​ന്നാ​ണ് സ്ഥ​ല​മു​ട​മ​യു​ടെ പ​രാ​തി.

Copyright @ 2022 , Rashtra Deepika Ltd.