കാ​ഞ്ഞി​ര​പ്പ​ള്ളി മി​നി സി​വി​ൽ സ്റ്റേ​ഷ​നി​ലെ ജ​ന​റേ​റ്റ​ർ തു​രു​മ്പെ​ടു​ത്ത് ന​ശി​ക്കു​ന്നു
Tuesday, April 30, 2024 11:21 PM IST
കാ​ഞ്ഞി​ര​പ്പ​ള്ളി: മി​നി സി​വി​ൽ സ്റ്റേ​ഷ​നി​ലെ ജ​ന​റേ​റ്റ​ർ തു​രു​മ്പെ​ടു​ത്ത് ന​ശി​ക്കു​ന്നു. സി​വി​ൽ സ്റ്റേ​ഷ​ന്‍റെ തു​ട​ക്ക​ത്തി​ൽ സ്ഥാ​പി​ച്ച ജ​ന​റേ​റ്റ​റാ​ണ് തു​രു​മ്പെ​ടു​ത്ത് ന​ശി​ക്കു​ന്ന​ത്. അ​ധി​കൃ​ത​രു​ടെ അ​നാ​സ്ഥ​യു​ടെ ഉ​ത്ത​മ ഉ​ദാ​ഹ​ര​ണ​മാ​ണ് മി​നി സി​വി​ൽ സ്റ്റേ​ഷ​ൻ വ​ള​പ്പി​ലെ ജ​ന​റേ​റ്റ​ർ.

അ​ഞ്ചു​വ​ർ​ഷ​മാ​യി
പ്ര​വ​ർ​ത്ത​ന​ര​ഹി​തം

ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച ഓ​ട്ടോ​മാ​റ്റി​ക് ജ​ന​റേ​റ്റ​റാ​ണ് കേ​ടാ​യ​തോ​ടെ തു​രു​മ്പെ​ടു​ത്ത് ന​ശി​ച്ചു​കൊ​ണ്ടി​രി​ക്കു​ന്ന​ത്. സി​വി​ൽ സ്റ്റേ​ഷ​ൻ പ്ര​വ​ർ​ത്ത​നം തു​ട​ങ്ങി​യ ആ​ദ്യ​കാ​ല​ങ്ങ​ളി​ൽ ജ​ന​റേ​റ്റ​റി​ന്‍റെ പ്ര​വ​ർ​ത്ത​നം കാ​ര്യ​ക്ഷ​മ​മാ​യി ന​ട​ന്നി​രു​ന്നു. എ​ന്നാ​ൽ പി​ന്നീ​ട് അ​ഞ്ച് വ​ർ​ഷ​ത്തോ​ള​മാ​യി ഇ​ത് പ്ര​വ​ർ​ത്തി​ക്കാ​ത്ത സ്ഥി​തി​യാ​ണ്. ഡി​പ്പാ​ർ​ട്ട്മെ​ന്‍റു​ക​ൾ ത​മ്മി​ലു​ള്ള ത​ർ​ക്ക​മാ​ണ് ജ​ന​റേ​റ്റ​ർ യ​ഥാ​സ​മ​യം ന​ന്നാ​ക്കാ​തി​രി​ക്കാ​ൻ കാ​ര​ണ​മാ​യ​തെ​ന്ന് പ​റ​യ​പ്പെ​ടു​ന്നു. ഒ​പ്പം ഫ​ണ്ടി​ന്‍റെ ല​ഭ്യ​ത​യും ത​ട​സ​മാ​യി.

എ​ന്താ​യാ​ലും കേ​ടാ​യ ജ​ന​റേ​റ്റ​ർ ഇ​രു​മ്പ് വി​ല​യ്ക്ക് പോ​ലും ന​ൽ​കാ​നാ​വാ​തെ തു​രു​മ്പെ​ടു​ത്ത് ന​ശി​ക്കു​ക​യാ​ണ് ഇ​പ്പോ​ൾ. നേ​ര​ത്തെ ജ​ന​റേ​റ്റ​ർ ഉ​ണ്ടാ​യി​രു​ന്ന​പ്പോ​ൾ വൈ​ദ്യു​തി നി​ല​ച്ചാ​ൽ ലി​ഫ്റ്റ് അ​ട​ക്കം പ്ര​വ​ർ​ത്തി​പ്പി​ക്കാ​ൻ ക​ഴി​ഞ്ഞി​രു​ന്നു. ഇ​ത് കേ​ടാ​യ​തോ​ടെ വൈ​ദ്യു​തി ത​ട​സം ഉ​ണ്ടാ​യാ​ൽ ലി​ഫ്റ്റ് പ്ര​വ​ർ​ത്തി​ക്കാ​ത്ത സ്ഥി​തി​യാ​ണ്. വൈ​ദ്യു​തി ത​ട​സം നേ​രി​ടാ​ൻ ഓ​രോ ഓ​ഫീ​സു​ക​ളും വെ​വ്വേ​റെ ഇ​ൻ​വേ​ർ​ട്ട​ർ സം​വി​ധാ​നം ഏ​ർ​പ്പെ​ടു​ത്തി​യി​രി​ക്കു​ക​യാ​ണ് ഇ​പ്പോ​ൾ. നേ​ര​ത്തേ പ്ര​വ​ർ​ത്ത​നം നി​ല​ച്ച ഈ ​ജ​ന​റേ​റ്റ​റി​ന്‍റെ പ​രി​സ​ര​മാ​യി​രു​ന്നു സി​വി​ൽ സ്റ്റേ​ഷ​നി​ലെ മാ​ലി​ന്യ നി​ക്ഷേ​പ കേ​ന്ദ്രം. പു​തി​യ ത​ഹ​സി​ൽ​ദാ​ർ എ​ത്തി​യ​തോ​ടെ എ​ന്താ​യാ​ലും ഇ​തി​ന് മാ​റ്റ​മാ​യി​ട്ടു​ണ്ട്. ഇ​വി​ട​ത്തെ മാ​ലി​ന്യ നി​ക്ഷേ​പ​ത്തി​ന് ത​ട​യി​ട്ട​തി​നൊ​പ്പം, ഇ​വി​ടെ കൂ​ടി​ക്കി​ട​ന്ന മാ​ലി​ന്യ​ങ്ങ​ൾ നീ​ക്കം ചെ​യ്യു​ക​യും ചെ​യ്തി​ട്ടുണ്ട്.

പാ​യ​ലും പോ​സ്റ്റ​റു​ക​ളും

മി​നി സി​വി​ല്‍ സ്ഥാ​പി​ത​മാ​യി​ട്ട് 14 വ​ര്‍​ഷ​ത്തോ​ളം പി​ന്നി​ട്ടു. അ​ന്ന് ചെ​യ്ത പെ​യി​ന്‍റിം​ഗ് പ​ല​യി​ട​ങ്ങ​ളി​ലും മ​ങ്ങി പാ​യ​ല്‍ പി​ടി​ച്ച നി​ല​യി​ലാ​ണ്. വി​വി​ധ സം​ഘ​ട​ന​ക​ളു​ടെ പോ​സ്റ്റ​റു​ക​ള്‍ ഒ​ട്ടി​ച്ച് ചു​വ​രു​ക​ളും വൃ​ത്തി​കേ​ടാ​യ നി​ല​യി​ലാ​ണ്. മി​നി സി​വി​ല്‍ സ്റ്റേ​ഷ​ന് സ്വ​ന്ത​മാ​യി ജ​ല​സ്രോ​ത​സും നി​ല​വി​ലി​ല്ല. ജ​ല​വി​ത​ര​ണ വ​കു​പ്പി​ന്‍റെ ക​രി​മ്പു​ക​യം കു​ടി​വെ​ള്ള പ​ദ്ധ​തി​യി​ല്‍ നി​ന്നാ​ണ് മി​നി സി​വി​ല്‍ സ്റ്റേ​ഷ​നി​ലേ​ക്ക് വെ​ള്ള​മെ​ത്തി​ക്കു​ന്ന​ത്. മു​ന്പ് ചി​റ്റാ​ര്‍ പു​ഴ​യോ​ര​ത്ത​ട​ക്കം കി​ണ​ര്‍ സ്ഥാ​പി​ച്ച് വെ​ള്ളം എ​ടു​ക്കാ​ന്‍ പ​ദ്ധ​തി കൊ​ണ്ടു​വ​ന്നെ​ങ്കി​ലും ന​ട​പ്പാ​യി​ല്ല. യ​ഥാ​സ​മ​യം അ​റ്റ​കു​റ്റ​പ്പ​ണി​ക​ള്‍ ന​ട​ത്തി മി​നി സി​വി​ല്‍ സ്റ്റേ​ഷ​ന്‍ സം​ര​ക്ഷി​ക്കാ​ന്‍ അ​ധി​കൃ​ത​ര്‍ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.

Copyright @ 2022 , Rashtra Deepika Ltd.