പ്ര​ഭു​റാം മി​ൽ​സ് വീ​ണ്ടും പ്ര​തി​സ​ന്ധി​യി​ൽ
Sunday, July 7, 2024 4:22 AM IST
ചെ​ങ്ങ​ന്നൂ​ർ: കേ​ര​ള ടെ​ക്സ്റ്റൈ​ൽ​സ് കോ​ർ​പ​റേ​ഷ​നു കീ​ഴി​ലു​ള്ള ചെ​ങ്ങ​ന്നൂ​ർ കോ​ട്ട പ്ര​ഭു​റാം മി​ൽ​സ് വീ​ണ്ടും പ്ര​തി​സ​ന്ധി​യി​ൽ. നൂ​ലി​ന്‍റെ ഉ​ത്പാ​ദ​ന​വും വി​ൽ​പ​ന​യും കു​റ​ഞ്ഞ​തോ​ടെ​യാ​ണ് ക​മ്പ​നി പ്ര​തി​സ​ന്ധി​യി​ലായ​ത്. തൊ​ഴി​ലാ​ളി​ക​ളു​ടെ ശ​മ്പ​ളം കൃ​ത്യ​മാ​യി കൊ​ടു​ക്കാ​ൻ ക​ഴി​യു​ന്നി​ല്ല. ഏ​പ്രി​ൽ മു​ത​ൽ വൈ​ദ്യു​തി ബി​ല്ലും കു​ടി​ശി​ക​യാ​ണ്. ജൂ​ൺ 30നു ​മു​ന്പ് വൈ​ദ്യു​തി ബി​ല്ല​് അട​യ്ക്കാ​മെ​ന്നാ​ണ് ക​മ്പ​നി അ​ധി​കൃ​ത​ർ കെ​എ​സ്ഇ​ബി​ക്ക് ഉ​റ​പ്പു ന​ൽ​കി​യി​രു​ന്ന​ത്. എ​ന്നാ​ൽ, ഇ​തു​വ​രെ അ​ട​യ്ക്കാ​ൻ ക​ഴി​ഞ്ഞി​ട്ടി​ല്ല.

പ്ര​വ​ർ​ത്ത​ന​മൂ​ല​ധ​ന​മി​ല്ലാ​തെ ക​മ്പ​നിക്ക് മു​ന്നോ​ട്ടു​പോ​കാ​ൻ പ്ര​യാ​സ​മാ​ണെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. ക​ഴി​ഞ്ഞ​വ​ർ​ഷം ആ​റു​മാ​സ​ത്തോ​ളം ലേ ​ഓ​ഫി​ലാ​യി​രു​ന്ന ക​മ്പ​നി​യെ പു​ന​രു​ദ്ധ​രി​ക്കു​ന്ന​തി​ന്‍റെ ഭാ​ഗ​മാ​യി തൊ​ഴി​ലു​റ​പ്പു പ​ദ്ധ​തി ന​ട​പ്പാ​ക്കി​യി​രു​ന്നു. ഇ​ത​നു​സ​രി​ച്ച് അ​സം​സ്‌​കൃ​ത​വ​സ്തു​വാ​യ പ​ഞ്ഞി സ്വ​കാ​ര്യ ഏ​ജ​ൻ​സി​ക​ൾ ന​ൽ​കും. ഇ​തു നൂ​ലാ​ക്കി മ​ട​ക്കി​ന​ൽ​കും. ആ​ദ്യം ഇ​തി​നോ​ട് എ​തി​ർ​പ്പു പ്ര​ക​ടി​പ്പി​ച്ചെ​ങ്കി​ലും തൊ​ഴി​ലാ​ളി യൂ​ണി​യ​നു​ക​ൾ പി​ന്നീ​ട് വ​ഴ​ങ്ങി. മൂ​ന്നു​മാ​സ​ത്തേ​ക്കാ​ണ് ഈ ​പ​ദ്ധ​തി​യെ​ന്നാ​യി​രു​ന്നു മാ​നേ​ജ്‌​മെ​ന്‍റ് അ​ന്ന് പ​റ​ഞ്ഞ​ത്. എ​ന്നാ​ൽ, ഇ​ത് ഇ​പ്പോ​ഴും തു​ട​രു​ക​യാ​ണ്.


ഒ​രു​ദി​വ​സം 1,780 കി​ലോ നൂ​ൽ ഉ​ത്പാ​ദി​പ്പി​ച്ചു ന​ൽ​കാ​നാ​യി​രു​ന്നു പ​ദ്ധ​തി​യി​ട്ട​ത്. തൊ​ഴി​ലാ​ളി​ക​ളു​ടെ ശ​മ്പ​ള​വും ക​മ്പ​നി​ച്ചെ​ല​വും ഇ​തു​വ​ഴി സ്വരൂപി​ക്കാ​ൻ ക​ഴി​യു​മെ​ന്നാ​ണ് ക​ണ​ക്കാ​ക്കി​യ​ത്. ആ​ദ്യ​ത്തെ ര​ണ്ടു​മാ​സം ഉ​ത്പാ​ദ​നം ന​ട​ന്നു. പിന്നീട് തു​ണി​വി​പ​ണി​യി​ലു​ണ്ടാ​യ പ്ര​തി​സ​ന്ധി​യെ​ത്തു​ട​ർ​ന്ന് സ്വ​കാ​ര്യ ക​മ്പ​നി​ക​ൾ നൂ​ൽ വാ​ങ്ങു​ന്ന​തു കു​റ​ച്ചു. ഇ​തോ​ടെ ഉ​ത്പാ​ദ​നം കു​റ​യ്ക്കാ​ൻ നി​ർ​ബ​ന്ധി​ത​രാ​യി. വ​രു​മാ​നം കു​റ​ഞ്ഞ​തോ​ടെ തൊ​ഴി​ലാ​ളി​ക​ളു​ടെ ശ​മ്പ​ള​ത്തെ​യും മ​റ്റാ​നു​കൂ​ല്യ​ങ്ങ​ളെ​യും ബാ​ധി​ച്ചു.

സ​ർ​ക്കാ​ർ പ്ര​വ​ർ​ത്ത​ന​മൂ​ല​ധ​നം അ​നു​വ​ദി​ച്ചാ​ലേ ക​മ്പ​നി​ പ്ര​വ​ർ​ത്ത​നം സു​ഗ​മ​മാ​കൂ​വെ​ന്നാ​ണ് യൂ​ണി​യ​ൻ നേ​തൃ​ത്വം പ​റ​യു​ന്ന​ത്. 72 സ്ഥി​രം തൊ​ഴി​ലാ​ളി​ക​ൾ ഉ​ൾ​പ്പെ​ടെ 125 പേ​രാ​ണു​ള്ള​ത്.