റെ​യി​ൽ​വേ ഗേ​റ്റി​ന​ടു​ത്ത് അ​പ​ക​ട​ഭീ​ഷ​ണി; മരങ്ങൾ മുറിച്ചുമാറ്റി
Saturday, September 21, 2024 2:04 AM IST
തൃ​ക്ക​രി​പ്പൂ​ർ: ടൗ​ണി​ലെ വെ​ള്ളാ​പ്പ് റോ​ഡ് റെ​യി​ൽ​വേ ഗേ​റ്റി​ന് ഇ​രു​വ​ശ​ത്തു​മാ​യി വാ​ഹ​ന​ങ്ങ​ൾ​ക്കും യാ​ത്ര​ക്കാ​ർ​ക്കും നാ​ളു​ക​ളാ​യി ഭീ​ഷ​ണി ഉ​യ​ർ​ത്തി​യി​രു​ന്ന മ​ര​ക്കൊ​മ്പു​ക​ൾ അ​ധി​കൃ​ത​ർ മു​റി​ച്ചു നീ​ക്കി. ഗേ​റ്റ് അ​ട​ക്കു​ന്ന വേ​ള​യി​ൽ ടൗ​ൺ ഭാ​ഗ​ത്തും നീ​ല​മ്പം ഭാ​ഗ​ത്തു​മു​ള്ള സ​മീ​പ​ന റോ​ഡു​ക​ൾ​ക്ക് മു​ക​ളി​ൽ തൂ​ങ്ങി നി​ല്ക്കു​ന്ന മ​ര​ങ്ങ​ളാ​ണ് അ​ഞ്ചു മ​ണി​ക്കൂ​ർ കൊ​ണ്ട് മു​റി​ച്ചു മാ​റ്റി​യ​ത്.
വ​നം വ​കു​പ്പി​ന് നാ​ട്ടു​കാ​ർ ന​ല്കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് വെ​ള്ളാ​പ്പ് റോ​ഡ്‌, ബീ​രി​ച്ചേ​രി റെ​യി​ൽ​വേ ഗേ​റ്റു​ക​ൾ​ക്ക് സ​മീ​പ​ത്ത് ഭീ​ഷ​ണി​യാ​യി നി​ല്ക്കു​ന്ന മ​ര​ക്കൊ​മ്പു​ക​ൾ മു​റി​ച്ച് നീ​ക്കാ​ൻ അ​ധി​കൃ​ത​ർ ത​യാ​റാ​യ​ത്.


വെ​ള്ളാ​പ്പ് റോ​ഡി​ൽ വ്യാ​പാ​ര ഭ​വ​ന് സ​മീ​പം ആ​ൽ​മ​ര​ക്കൊ​മ്പു​ക​ളും ഗേ​റ്റി​ന് പ​ടി​ഞ്ഞാ​റ് നീ​ല​മ്പം ഭാ​ഗ​ത്ത് കൂ​റ്റ​ൻ മ​ഴ മ​ര​ങ്ങ​ളു​ടെ കൊ​മ്പു​ക​ളു​മാ​ണ് മു​റി​ച്ച​ത്.

ര​ണ്ട് ഭാ​ഗ​ങ്ങ​ളി​ലും മ​ര കൊ​മ്പു​ക​ൾ പ​ല ത​വ​ണ വാ​ഹ​ന​ങ്ങ​ൾ​ക്ക് മു​ക​ളി​ലേ​ക്ക് ഒ​ടി​ഞ്ഞു​വീ​ണ് അ​പ​ക​ട​മു​ണ്ടാ​യി​രു​ന്നു. ഇ​ന്ന​ലെ രാ​വി​ലെ പ​ത്ത് മു​ത​ൽ ഉ​ച്ച​ക​ഴി​ഞ്ഞ് മൂ​ന്നു വ​രെ റെ​യി​ൽ​വേ ഗേ​റ്റ് അ​ട​ച്ചി​ട്ടാ​ണ് മ​ര​ക്കൊ​മ്പു​ക​ൾ റെ​യി​ൽ​വേ അ​ധി​കൃ​ത​രു​ടെ​യും തൃ​ക്ക​രി​പ്പൂ​ർ പ​ഞ്ചാ​യ​ത്തി​ന്‍റെ​യും മേ​ൽ​നോ​ട്ട​ത്തി​ൽ മു​റി​ച്ചു​മാ​റ്റി​യ​ത്.