പെരിയ: പെരിയ മണ്ഡലം കോൺഗ്രസ് പ്രസിഡന്‍റായി രാജൻ അരീക്കര ചുമതലയേറ്റു. രാജ്‌മോഹൻ ഉണ്ണിത്താൻ എംപി ചടങ്ങ് ഉദ്ഘാടനം ചെയ്തു.
ഉദുമ ബ്ലോക്ക് പ്രസിഡന്‍റ് കെ.വി.ഭക്തവത്സലൻ അധ്യക്ഷത വഹിച്ചു.
മണ്ഡലം പ്രസിഡന്‍റായിരുന്ന പ്രമോദ് പെരിയയെ പുറത്താക്കിയതിനു പകരമാണ് നിയമനം. ഇരട്ടക്കൊലക്കേസ് പ്രതിയുടെ മകന്‍റെ വിവാഹ സൽക്കാരത്തിൽ പങ്കെടുത്തതുമായി ബന്ധപ്പെട്ട് നാലു നേതാക്കളെ പാർട്ടിയിൽ നിന്നും പുറത്താക്കിയതിനു ശേഷം നടന്ന ചടങ്ങ് പാർട്ടിയിലെ ഐക്യവിളംബരമായി.
ഡിസിസി പ്രസിഡന്‍റ് പി.കെ.ഫൈസൽ, യുഡിഎഫ് ജില്ലാ കൺവീനർ എ.ഗോവിന്ദൻ നായർ, ഡിസിസി വൈസ് പ്രസിഡന്‍റ് ബി.പി.പ്രദീപ് കുമാർ, ജനറൽ സെക്രട്ടറിമാരായ എം.സി.പ്രഭാകരൻ, പി.വി.സുരേഷ്, ധന്യ സുരേഷ്, ഗീത കൃഷ്ണൻ, പഞ്ചായത്ത് പ്രസിഡന്‍റ് സി.കെ.അരവിന്ദാക്ഷൻ, ബ്ലോക്ക് പഞ്ചായത്ത് അംഗം എം.കെ.ബാബുരാജ്, യൂത്ത് കോൺഗ്രസ് ജില്ലാ പ്രസിഡന്‍റ് കെ.ആർ.കാർത്തികേയൻ, സാജിദ് മവ്വൽ, രക്തസാക്ഷി ശരത് ലാലിന്‍റെ അച്ഛൻ സത്യനാരായണൻ, കൃപേഷിന്‍റെ അച്ഛൻ കൃഷ്ണൻ, ബ്ലോക്ക് വൈസ് പ്രസിഡന്‍റ് അഗസ്റ്റിൻ കാഞ്ഞിരടുക്കം എന്നിവർ പ്രസംഗിച്ചു.