വോ​ൾ​ട്ടേ​ജ് ക്ഷാ​മം: ബാ​വി​ക്ക​ര​യി​ൽ നി​ന്നു​ള്ള കു​ടി​വെ​ള്ള​വി​ത​ര​ണം നി​ല​ച്ചു
Friday, May 3, 2024 1:46 AM IST
കാ​സ​ർ​ഗോ​ഡ്: വോ​ൾ​ട്ടേ​ജ് ക്ഷാ​മം രൂ​ക്ഷ​മാ​യ​തി​നെ തു​ട​ർ​ന്ന് ബാ​വി​ക്ക​ര​യി​ൽ നി​ന്നു​ള്ള കു​ടി​വെ​ള്ള വി​ത​ര​ണം നി​ല​യ്ക്കു​ന്നു. 350 കു​തി​ര​ശ​ക്തി​യു​ള്ള മൂ​ന്ന് മോ​ട്ടോ​റു​ക​ൾ ബാ​വി​ക്ക​ര​യി​ലു​ണ്ടെ​ങ്കി​ലും ഒ​ന്നു​മാ​ത്ര​മാ​ണ് ഇ​പ്പോ​ൾ ഉ​പ​യോ​ഗി​ക്കു​ന്ന​ത്.

ഇ​തു​ത​ന്നെ പ്ര​വ​ർ​ത്തി​പ്പി​ക്കാ​നു​ള്ള വൈ​ദ്യു​തി ല​ഭി​ക്കാ​ത്ത സാ​ഹ​ച​ര്യ​മാ​ണ്. ക​ഴി​ഞ്ഞ മൂ​ന്നു​ദി​വ​സം പ​മ്പിം​ഗ് പൂ​ർ​ണ​മാ​യും നി​ല​ച്ച​തോ​ടെ കാ​സ​ർ​ഗോ​ഡ് ന​ഗ​ര​സ​ഭ​യി​ലും മ​ധൂ​ർ, ചെ​മ്മ​നാ​ട്, ചെ​ങ്ക​ള, മു​ളി​യാ​ർ പ​ഞ്ചാ​യ​ത്തു​ക​ളി​ലും കു​ടി​വെ​ള്ള വി​ത​ര​ണം മു​ട​ങ്ങി.

ബാ​വി​ക്ക​ര പ​ദ്ധ​തി​പ്ര​ദേ​ശ​ത്തു​നി​ന്നു​ള്ള വെ​ള്ളം തൊ​ട്ട​ടു​ത്ത കു​ന്നി​നു​മു​ക​ളി​ലു​ള്ള ജ​ല​ശു​ദ്ധീ​ക​ര​ണ കേ​ന്ദ്ര​ത്തി​ലെ​ത്തി​ച്ച് അ​വി​ടെ​നി​ന്നും വി​ദ്യാ​ന​ഗ​റി​ലെ പ്ര​ധാ​ന ജ​ല​സം​ഭ​ര​ണി​യി​ലെ​ത്തി​ച്ചാ​ണ് വി​ത​ര​ണം ചെ​യ്യു​ന്ന​ത്.

വേ​ന​ൽ​ച്ചൂ​ട് ക​ടു​ത്ത​തോ​ടെ രാ​ത്രി​കാ​ല​ങ്ങ​ളി​ൽ വൈ​ദ്യു​തി ഉ​പ​യോ​ഗ​ത്തി​ലു​ണ്ടാ​യ വ​ൻ വ​ർ​ധ​ന​യാ​ണ് വോ​ൾ​ട്ടേ​ജ് ക്ഷാ​മ​ത്തി​നി​ട​യാ​ക്കു​ന്ന​തെ​ന്ന് കെ​എ​സ്ഇ​ബി അ​ധി​കൃ​ത​ർ പ​റ​യു​ന്നു. ബാ​വി​ക്ക​ര​യി​ലെ ര​ണ്ടു മോ​ട്ടോ​റു​ക​ളെ​ങ്കി​ലും ഒ​രേ​സ​മ​യം പ്ര​വ​ർ​ത്തി​പ്പി​ച്ച് ത​ട​സ​മി​ല്ലാ​ത്ത കു​ടി​വെ​ള്ള​വി​ത​ര​ണം ഉ​റ​പ്പു​വ​രു​ത്താ​ൻ ഇ​വി​ടെ ഭൂ​ഗ​ർ​ഭ കേ​ബി​ൾ വ​ഴി വൈ​ദ്യു​തി​യെ​ത്തി​ക്കു​ന്ന​തി​നു​ള്ള പ​ദ്ധ​തി പാ​തി​വ​ഴി​യി​ലാ​ണ്. അ​തു പൂ​ർ​ത്തി​യാ​കു​ന്ന​തു​വ​രെ ഇ​നി​യും ഇ​ട​യ്ക്കി​ടെ കു​ടി​വെ​ള്ള​വി​ത​ര​ണം മു​ട​ങ്ങു​മെ​ന്ന അ​വ​സ്ഥ​യാ​ണ്.

Copyright @ 2022 , Rashtra Deepika Ltd.