മാ​ട്ടു​മു​റി ഉ​പ​തെ​ര​ഞ്ഞെ​ടു​പ്പ്: യു​ഡി​എ​ഫ്, എ​സ്ഡി​പി​ഐ സ്ഥാ​നാ​ർ​ഥി​ക​ളാ​യി
Sunday, July 7, 2024 5:10 AM IST
മു​ക്കം: കോ​ൺ​ഗ്ര​സ് അം​ഗ​മാ​യി​രു​ന്ന ഷി​ഹാ​ബ് മാ​ട്ടു​മു​റി രാ​ജി വ​ച്ച​തി​നെ തു​ട​ർ​ന്ന് ഒ​ഴി​വ് വ​ന്ന കൊ​ടി​യ​ത്തൂ​ർ മാ​ട്ടു​മു​റി​യി​ൽ തെ​ര​ഞ്ഞെ​ടു​പ്പ് രം​ഗം സ​ജീ​വ​മാ​വു​ന്നു. ഈ ​മാ​സം 30 ന് ​ന​ട​ക്കു​ന്ന ഉ​പ​തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ്, എ​സ്ഡി​പി​ഐ പാ​ർ​ട്ടി​ക​ൾ സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു.

ബ്ലോ​ക്ക് കോ​ൺ​ഗ്ര​സ് ഭാ​ര​വാ​ഹി​യും യു​ഡി​എ​ഫ് കൊ​ടി​യ​ത്തൂ​ർ പ​ഞ്ചാ​യ​ത്ത് ചെ​യ​ർ​മാ​നു​മാ​യ യു.​പി. മ​മ്മ​ദാ​ണ് യു​ഡി​എ​ഫ് സ്ഥാ​നാ​ർ​ഥി. ഔ​ദ്യോ​ഗി​ക പ്ര​ഖ്യാ​പ​നം ഇ​ന്ന് ന​ട​ക്കു​ന്ന യു​ഡി​എ​ഫ് യോ​ഗ​ത്തി​ലു​ണ്ടാ​കും. സു​ബൈ​ർ​പൊ​യി​ൽ​ക്ക​ര​യാ​ണ് എ​സ്ഡി​പി​ഐ സ്ഥാ​നാ​ർ​ഥി. ക​ഴി​ഞ്ഞ ത​വ​ണ ഷി​ഹാ​ബ് മാ​ട്ടു​മു​റി-756 ഇ​ട​ത് സ്ഥാ​നാ​ർ​ഥി ഷ​ക്കീ​ർ വാ​വ-449 വോ​ട്ടു​ക​ളു​മാ​ണ് നേ​ടി​യി​രു​ന്ന​ത്. ഭൂ​രി​പ​ക്ഷം 307. എ​ൻ​ഡി​എ സ്ഥാ​നാ​ർ​ഥി അ​ജീ​ഷ് 34 ഉം ​എ​സ്ഡി​പി​ഐ സ്ഥാ​നാ​ർ​ഥി ഖ​ദീ​ജ 59 വോ​ട്ടു​ക​ളും നേ​ടി​യി​രു​ന്നു.

ഇ​ത്ത​വ​ണ ശ​ക്ത​മാ​യ ത്രി​കോ​ണ മ​ത്സ​ര​ത്തി​നാ​ണ് വാ​ർ​ഡി​ൽ ക​ള​മൊ​രു​ങ്ങു​ന്ന​ത്. എ​ൽ​ഡി​എ​ഫ്, യു ​ഡി​എ​ഫ് സ്ഥാ​നാ​ർ​ഥി​ക​ൾ​ക്ക് പു​റ​മെ സ്വ​ത​ന്ത്ര​നാ​യി ഷി​ഹാ​ബ് മാ​ട്ടു​മു​റി​യും മ​ത്സ​ര രം​ഗ​ത്തു​ണ്ടാ​കു​മെ​ന്നാ​ണ് സൂ​ച​ന. അ​ങ്ങ​നെ​യെ​ങ്കി​ൽ അ​ത് ഇ​രു​മു​ന്ന​ണി​ക​ളേ​യും സാ​ര​മാ​യി ത​ന്നെ ബാ​ധി​ക്കും. സ്വ​ന്ത​മാ​യി മ​ത്സ​രി​ച്ചാ​ൽ 30 വോ​ട്ടു​ക​ൾ പോ​ലും ല​ഭി​ക്കി​ല്ലെ​ന്ന് യു​ഡി​എ​ഫ് നേ​താ​ക്ക​ൾ പ​റ​യു​മ്പോ​ൾ വ​ലി​യ രീ​തി​യി​ൽ ഷി​ഹാ​ബി​ന് വോ​ട്ട് നേ​ടാ​നാ​കു​മെ​ന്നാ​ണ് ഷി​ഹാ​ബു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്ന​ത്.


അ​തേ സ​മ​യം ഇ​ട​ത് മു​ന്ന​ണി​ക്ക് ഇ​തു​വ​രെ സ്ഥാ​നാ​ർ​ഥി ആ​യി​ട്ടി​ല്ല. ര​ണ്ട് ദി​വ​സ​ത്തി​ന​കം പ്ര​ഖ്യാ​പി​ക്കു​മെ​ന്നാ​ണ് വി​വ​രം. ഒ​രു മു​ൻ അം​ഗം, വ്യാ​പാ​രി നേ​താ​വ്, പാ​ലി​യേ​റ്റീ​വ് പ്ര​വ​ർ​ത്ത​ക​ൻ എ​ന്നി​വ​രു​ടെ പേ​രു​ക​ളാ​ണ് സ​ജീ​വ​മാ​യി പ​രി​ഗ​ണി​ക്കു​ന്ന​ത്. ഈ ​മാ​സം 30നാ​ണ് തെ​ര​ഞ്ഞെ​ടു​പ്പ്. 31ന് ​വോ​ട്ടെ​ണ്ണ​ലും ഫ​ല പ്ര​ഖ്യാ​പ​ന​വും ന​ട​ക്കും. ജൂ​ലൈ 11 വ​രെ​യാ​ണ് നാ​മ നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കാ​നു​ള്ള അ​വ​സാ​ന തീ​യ​തി. വെ​ൽ​ഫെ​യ​ർ പാ​ർ​ട്ടി​ക്കും കാ​ര്യ​മാ​യ സ്വാ​ധീ​ന​മു​ള്ള വാ​ർ​ഡാ​ണി​ത്.