ഉ​ദ്ഘാ​ട​നം ക​ഴി​ഞ്ഞി​ട്ട് ര​ണ്ട് വ​ർ​ഷം; വി​ശ്ര​മി​ക്കാ​ൻ ക​ഴി​യാ​തെ വ​ഴി​യോ​ര വി​ശ്ര​മ കേ​ന്ദ്രം
Saturday, July 6, 2024 5:00 AM IST
കൂ​ട​ര​ഞ്ഞി: സം​സ്ഥാ​ന സ​ർ​ക്കാ​രി​ന്‍റെ സ​ഹാ​യ​ത്തോ​ടെ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ കൂ​മ്പാ​റ​യി​ൽ സ്ഥാ​പി​ച്ച വ​ഴി​യോ​ര വി​ശ്ര​മ കേ​ന്ദ്രം പൊ​തു ജ​ന​ങ്ങ​ൾ​ക്ക് തു​റ​ന്ന് കൊ​ടു​ക്കാ​തെ പ​ഞ്ചാ​യ​ത്തി​ന്‍റെ ഗു​രു​ത​ര അ​നാ​സ്ഥ. ര​ണ്ട് വ​ർ​ഷം മു​മ്പ് മ​ന്ത്രി നേ​രി​ട്ടെ​ത്തി ഉ​ദ്ഘാ​ട​നം ന​ട​ത്തി​യ കെ​ട്ടി​ട​മാ​ണ് ഉ​പ​യോ​ഗ​ശൂ​ന്യ​മാ​യി ന​ശി​ക്കു​ന്ന​ത്.

ക​ഴി​ഞ്ഞ ഭ​ര​ണ​സ​മി​തി​യു​ടെ അ​വ​സാ​ന കാ​ല​ത്താ​ണ് കൂ​മ്പാ​റ​യി​ൽ വ​ഴി​യോ​ര വി​ശ്ര​മ കേ​ന്ദ്ര​ത്തി​ന്‍റെ നി​ർ​മാ​ണ പ്ര​വൃ​ത്തി​ക​ൾ ആ​രം​ഭി​ച്ച​ത്. പി​ന്നീ​ട് വ​ന്ന ഭ​ര​ണ സ​മി​തി​യു​ടെ നേ​തൃ​ത്വ​ത്തി​ൽ ഒ​ന്ന​ര വ​ർ​ഷം​കൊ​ണ്ട് നി​ർ​മാ​ണം പൂ​ർ​ത്തി​യാ​ക്കി കെ​ട്ടി​ടം ഉ​ദ്ഘാ​ട​നം ചെ​യ്തെ​ങ്കി​ലും മ​ല​യോ​ര ഹൈ​വേ പ്ര​വൃ​ത്തി​യു​ടെ നി​ർ​മാ​ണ സാ​മ​ഗ്രി​ക​ൾ ബ​സ് സ്റ്റാ​ൻ​ഡി​ൽ സൂ​ക്ഷി​ച്ച​തി​നാ​ൽ കെ​ട്ടി​ടം പൊ​തു​ജ​ന​ങ്ങ​ൾ​ക്ക് തു​റ​ന്ന് കൊ​ടു​ത്തി​ട്ടി​ല്ല.


മ​ല​യോ​ര ഹൈ​വേ നി​ർ​മാ​ണം പൂ​ർ​ത്തി​യാ​യെ​ങ്കി​ലും വ​ഴി​യോ​ര വി​ശ്ര​മ​കേ​ന്ദ്രം ഇ​പ്പോ​ഴും അ​ട​ഞ്ഞു ത​ന്നെ കി​ട​ക്കു​ക​യാ​ണ്. നി​ര​വ​ധി വി​നോ​ദ സ​ഞ്ചാ​രി​ക​ൾ ഉ​ൾ​പ്പെ​ടെ സ​ഞ്ച​രി​ക്കു​ന്ന റോ​ഡി​ൽ സ്ഥി​തി ചെ​യ്യു​ന്ന വ​ഴി​യോ​ര വി​ശ്ര​മ​കേ​ന്ദ്രം ഉ​ട​ൻ തു​റ​ക്കാ​നാ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.