Youth
സ്വ​ർ​ണ​ച്ചി​റ​കു​ള്ള പാ​ദ​ങ്ങ​ൾ
സ്വ​ർ​ണ​ച്ചി​റ​കു​ള്ള പാ​ദ​ങ്ങ​ൾ
Friday, January 12, 2024 1:26 PM IST
നി​ശ്ച​യ​ദാ​ര്‍​ഢ്യ​ത്തി​നും ക​ഠി​ന​പ്ര​യ​ത്‌​ന​ത്തി​നും മു​ന്നി​ല്‍ ഏ​തു പ്ര​തി​ബ​ന്ധ​വും തോ​റ്റു​പോ​കു​മെ​ന്ന​തി​ന് ഉ​ദാ​ഹ​ര​ണ​മാ​ണ് ജി​ലു​മോ​ള്‍ മ​രി​യ​റ്റ് തോ​മ​സ് എ​ന്ന പെ​ണ്‍​കു​ട്ടി.

ആ​റു വ​ര്‍​ഷം നീ​ണ്ട നി​യ​മ പോ​രാ​ട്ട​ത്തി​നൊ​ടു​വി​ല്‍ നേ​ടി​യെ​ടു​ത്ത ഡ്രൈ​വിം​ഗ് ലൈ​സ​ന്‍​സ് പാ​ല​ക്കാ​ട് ന​ട​ന്ന ച​ട​ങ്ങി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​നി​ല്‍​നി​ന്ന് ഏ​റ്റു​വാ​ങ്ങി​യ​പ്പോ​ള്‍ കൈ​ക​ള്‍ ഇ​ല്ലാ​തെ കാ​ലു​കൊ​ണ്ട് കാ​ര്‍ ഓ​ടി​ച്ച് ലൈ​സ​ന്‍​സ് എ​ടു​ത്തു​വെ​ന്ന ച​രി​ത്ര നേ​ട്ടം കൂ​ടി​യാ​യി​രു​ന്നു അ​ത്.

ച​രി​ത്ര നേ​ട്ടം

ഡ്രൈ​വിം​ഗ് ലൈ​സ​ന്‍​സ് നേ​ടി​യെ​ടു​ക്കു​ക എ​ന്ന​ത് ജി​ലു​മോ​ളു​ടെ വ​ലി​യ മോ​ഹ​ങ്ങ​ളി​ലൊ​ന്നാ​യി​രു​ന്നു. ജ​ന്മ​നാ​ത​ന്നെ ഇ​രു​കൈ​ക​ളു​മി​ല്ലാ​ത്ത അ​വ​ളു​ടെ അ​പേ​ക്ഷ വെ​ഹി​ക്കി​ള്‍ ഇ​ന്‍​സ്‌​പെ​ക്ട​റും ആ​ര്‍​ടി​ഒ ഓ​ഫീ​സും നി​ര​സി​ച്ച​തോ​ടെ നി​യ​മ​പോ​രാ​ട്ട​ത്തി​നി​റ​ങ്ങി.

ഹൈ​ക്കോ​ട​തി ഇ​ട​പ്പെ​ട്ട​തോ​ടെ എം​വി​ഡി ഉ​ദ്യോ​ഗ​സ്ഥ​ര്‍​ക്ക് മു​ന്നി​ല്‍ ത​ന്‍റെ പ​രി​ഷ്‌​ക​രി​ച്ച കാ​ര്‍ ഓ​ടി​ക്കാ​ന്‍ ജി​ലു​മോ​ള്‍​ക്ക് ക​ഴി​ഞ്ഞു. എ​ന്നാ​ല്‍ ലൈ​സ​ന്‍​സ് ന​ല്‍​കാ​ന്‍ ഉ​ദ്യോ​ഗ​സ്ഥ​ര്‍ ത​യാ​റാ​യി​ല്ല. തു​ട​ര്‍​ന്ന് വി​ക​ലാം​ഗ​ര്‍​ക്കാ​യു​ള്ള സം​സ്ഥാ​ന ക​മ്മീ​ഷ​നെ ജി​ലു​മോ​ള്‍ സ​മീ​പി​ച്ചു.

ഇ​രു​കൈ​ക​ളു​മി​ല്ലാ​ത്ത ഡ്രൈ​വിം​ഗ് ലൈ​സ​ന്‍​സ് സ്വ​ന്ത​മാ​ക്കി​യ ആ​ദ്യ ഏ​ഷ്യാ​ക്കാ​രി​യാ​യ ഇ​ന്‍​ഡോ​റി​ല്‍ നി​ന്നു​ള്ള വി​ക്രം അ​ഗ്‌​നി​ഹോ​ത്രി​യു​ടെ ഉ​ദാ​ഹ​ര​ണ​മാ​ണ് ക​മ്മീ​ഷ​ന്‍ എ​ടു​ത്തു​കാ​ട്ടി​യ​ത്.

ആ​റു വ​ര്‍​ഷം നീ​ണ്ട നി​യ​മ​പോ​രാ​ട്ട​ത്തി​നൊ​ടു​വി​ല്‍ ഡി​സം​ബ​റി​ല്‍ പാ​ല​ക്കാ​ടു ന​ട​ന്ന ച​ട​ങ്ങി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ജി​ലു​മോ​ള്‍​ക്ക് ഡ്രൈ​വിം​ഗ് ലൈ​സ​ന്‍​സ് ന​ല്‍​കി.

വൈ​ക​ല്യ​ത്തി​ല്‍ ത​ള​രാ​തെ...

തൊ​ടു​പു​ഴ സ്വ​ദേ​ശി​ക​ളാ​യ എ​ന്‍.​വി. തോ​മ​സ്-​അ​ന്ന​ക്കു​ട്ടി ദ​മ്പ​തി​ക​ളു​ടെ മ​ക​ളാ​യ ജി​ലു​മോ​ള്‍​ക്ക് ജ​ന്മ​നാ ത​ന്നെ ഇ​രു​കൈ​ക​ളും ഉ​ണ്ടാ​യി​രു​ന്നി​ല്ല. നാ​ലു വ​യ​സാ​യ​പ്പോ​ള്‍ ര​ക്താ​ർ​ബു​ദ​ത്തെ തു​ട​ർ​ന്ന് ജി​ലു​മോ​ള്‍​ക്ക് അ​മ്മ​യെ ന​ഷ്ട​മാ​യി.

എ​ങ്കി​ലും ആ ​കു​റ​വ് അ​റി​യി​ക്കാ​തെ തോ​മ​സ് മ​ക​ളെ വ​ള​ര്‍​ത്തി. ത​ന്‍റെ വൈ​ക​ല്യ​ത്തി​ല്‍ ജി​ലു​മോ​ളും ത​ള​ര്‍​ന്നി​ല്ല. മ​റ്റു കു​ട്ടി​ക​ളെ പോ​ലെ അ​വ​ളും ഓ​രോ​രോ കാ​ര്യ​ങ്ങ​ള്‍ ചെ​യ്തു. ച​ങ്ങ​നാ​ശേ​രി​യി​ലെ വി​ക​ലാം​ഗ​ര്‍​ക്കാ​യി എ​സ്ഡി സി​സ്‌​റ്റേ​ഴ്‌​സ് ന​ട​ത്തു​ന്ന മേ​ഴ്‌​സി ഹോം​സി​ലാ​ണ് ജി​ലു​മോ​ളു​ടെ കു​ട്ടി​ക്കാ​ലം.


വാ​ഴ​പ്പ​ള്ളി സെ​ന്‍റ് തെ​രേ​സാ​സ് ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ല്‍ വി​ദ്യാ​ഭ്യാ​സം പൂ​ര്‍​ത്തി​യാ​ക്കി​യ ജി​ലു​മോ​ള്‍ എ​റ​ണാ​കു​ളം സെ​ന്‍റ് ജോ​സ​ഫ് കോ​ള​ജി​ല്‍ നി​ന്ന് ആ​നി​മേ​ഷ​നി​ലും ഗ്രാ​ഫി​ക് ഡി​സൈ​നിം​ഗി​ലും ബി​രു​ദം നേ​ടി.

കം​പ്യൂ​ട്ട​റു​ക​ളി​ല്‍ എ​ന്നും ആ​കൃ​ഷ്ട​യാ​യ ജി​ലു​മോ​ള്‍ ഡി​ഗ്രി പ​ഠ​ന​ത്തി​നു​ശേ​ഷം സ്വ​ന്തം കാ​ലി​ല്‍ നി​ല്‍​ക്ക​ണ​മെ​ന്ന ആ​ഗ്ര​ഹ​ത്താ​ല്‍ ജോ​ലി തേ​ടി. ഏ​റെ ബു​ദ്ധി​മു​ട്ടി​യെ​ങ്കി​ലും ആ​റു മാ​സ​ത്തോ​ളം സാ​ന്തി​സോ​ഫ്റ്റ് ടെ​ക്‌​നോ​ള​ജി​യി​ല്‍ ഗ്രാ​ഫി​ക് ഡി​സൈ​ന​റാ​യി ജോ​ലി ചെ​യ്ത അ​വ​ര്‍ പി​ന്നീ​ട് എ​റ​ണാ​കു​ള​ത്തെ ഒ​രു ആ​ശു​പ​ത്രി​യി​ല്‍ ഓ​ഫീ​സ് അ​സി​സ്റ്റ​ന്‍റാ​യി പ്ര​വ​ര്‍​ത്തി​ച്ചു.

പിന്നീട് വി​യാ​നി പ്രി​ന്‍റിം​ഗി​ല്‍ ജോ​ലി ചെ​യ്തു. ഇ​പ്പോ​ൾ ഫ്രീ​ലാ​ൻ​സ് ഡി​സൈ​ന​റാ​യി ജോ​ലി​നോ​ക്കു​ക​യാ​ണ് ജി​ലു​മോ​ൾ എ​ന്നും മ​ക​ള്‍​ക്ക് താ​ങ്ങും ത​ണ​ലു​മാ​യി​രു​ന്ന പി​താ​വ് തോ​മ​സി​നെ അ​ഞ്ചു മാ​സം മു​മ്പ് ജി​ലു​മോൾക്ക് ന​ഷ്ട​മാ​യി. ഹൃ​ദ്രോ​ഗ​ത്തെ തു​ട​ർ​ന്നാണ് പി​താ​വ് മ​ര​ണ​മ​ട​ഞ്ഞ​ത്.

ചി​ത്ര​ര​ച​ന​യി​ലും മി​ക​വു തെ​ളി​യി​ച്ച്

ജി​ലു​മോ​ള്‍​ക്ക് ചി​ത്ര​ര​ച​ന​യി​ലും ക​ഴി​വു​ണ്ടെ​ന്ന് ക​ണ്ടെ​ത്തി​യ​ത് ക​ന്യാ​സ്ത്രീ​ക​ളാ​യി​രു​ന്നു. ബ്ര​ഷ് കാ​ല്‍ വി​ര​ലു​ക​ള്‍​കൊ​ണ്ട് ചേ​ര്‍​ത്തു​പി​ടി​ച്ച് അ​വ​ള്‍ ചി​ത്ര​ങ്ങ​ള്‍ വ​ര​ച്ചു​തു​ട​ങ്ങി. അ​ങ്ങ​നെ മ​നോ​ഹ​ര​ങ്ങ​ളാ​യ നി​ര​വ​ധി ചി​ത്ര​ങ്ങ​ള്‍ ജി​ലു​മോ​ള്‍ വ​ര​ച്ചു.

ചി​ത്ര​ര​ച​ന​യെ ഗൗ​ര​വ​മാ​യെ​ടു​ത്ത​ത് ഒ​ന്ന​ര വ​ര്‍​ഷം മു​മ്പാ​ണ്. "എ​ന്‍റെ ഭൂ​മി'​യെ​ന്ന ക​ലാ വി​ദ്യാ​ല​യ​ത്തി​ല്‍ ജി​ലു​മോ​ള്‍ ചി​ത്ര​ര​ച​ന പ​ഠി​ച്ചു തു​ട​ങ്ങി. അ​ക്രി​ലി​ക്, വാ​ട്ട​ര്‍ ക​ള​ര്‍, ഓ​യി​ല്‍ തു​ട​ങ്ങി​യ മാ​ധ്യ​മ​ങ്ങ​ളി​ല്‍ ജി​ലു​മോ​ള്‍ പ്ര​കൃ​തി​ഭം​ഗി​ക​ള്‍, നി​ശ്ച​ല​ദൃ​ശ്യ​ങ്ങ​ള്‍.

ഛായാ​ചി​ത്ര​ങ്ങ​ള്‍ എ​ന്നി​ങ്ങ​നെ 21 പെ​യി​ന്‍റിം​ഗു​ക​ള്‍ ജി​ലു​മോ​ള്‍ വ​ര​ച്ചു. അ​ടു​ത്തി​ടെ ന​ട​ത്തി​യ പ്ര​ദ​ര്‍​ശ​ന​ത്തി​ലെ ആ​ദ്യ പെ​യി​ന്‍റിം​ഗ് യേ​ശു​ക്രി​സ്തു​വി​ന്‍റെ പു​ന​രു​ത്ഥാ​ന​ത്തെ ചി​ത്രീ​ക​രി​ക്കു​ന്ന​താ​യി​രു​ന്നു.

ജ​ല​ച്ചാ​യ​ത്തി​ല്‍ തീ​ര്‍​ത്ത ഗ്രാ​മീ​ണ ദൃ​ശ്യ​ങ്ങ​ള്‍, ഗാ​ന്ധി​യു​ടെ​യും ക​ഥ​ക​ളി​യു​ടെ​യും ബു​ദ്ധ​ന്‍റെ​യും ചി​ത്ര​ങ്ങ​ള്‍ എ​ന്നി​വ​യും ഇ​ക്കൂ​ട്ട​ത്തി​ലു​ണ്ട്. കൊ​ച്ചി​യി​ലാ​ണ് ജി​ലു​മോ​ൾ ഇ​പ്പോ​ൾ താ​മ​സി​ക്കു​ന്ന​ത്.

അ​മൃ​ത തെ​രേ​സ സി​ബി