എസ്എഫ്ഐക്ക് പുതിയ നേതൃത്വം; പി.എസ്. സഞ്ജീവ് എസ്എഫ്ഐ സംസ്ഥാന സെക്രട്ടറി
Friday, February 21, 2025 2:43 PM IST
തിരുവനന്തപുരം: എസ്എഫ്ഐ സംസ്ഥാന കമ്മിറ്റിക്ക് പുതിയ നേതൃത്വം. പി.എസ്. സഞ്ജീവിനെ പുതിയ സെക്രട്ടറിയായി തെരഞ്ഞെടുത്തു. എം. ശിവപ്രസാദിനെ പ്രസിഡന്റായും തെരഞ്ഞെടുത്തു.
കണ്ണൂർ എസ്എഫ്ഐ ജില്ലാ സെക്രട്ടറിയാണ് സഞ്ജീവ്. എം. ശിവപ്രസാദ് ആലപ്പുഴ ജില്ലാ സെക്രട്ടറിയാണ്. എസ്എഫ്ഐ സംസ്ഥാന സമ്മേളനത്തിലാണ് പുതിയ നേതൃത്വത്തെ തെരഞ്ഞെടുത്തത്.
സെക്രട്ടറി സ്ഥാനത്തേക്ക് കെ. അനുശ്രീയും പരിഗണിക്കപ്പെട്ടിരുന്നു. എന്നാൽ പരിഗണനാ പട്ടികയിലുണ്ടായിരുന്ന സഞ്ജീവിനെ സെക്രട്ടറി സ്ഥാനത്തേക്ക് തെരഞ്ഞെടുക്കുകയായിരുന്നു.