ദു​ബാ​യി: ഐ​സി​സി ചാ​മ്പ്യ​ൻ​സ് ട്രോ​ഫി ക്രി​ക്ക​റ്റ് ടൂ​ർ​ണ​മെ​ന്‍റി​ൽ ഇ​ന്ത്യ​യ്ക്ക് വി​ജ​യ​ത്തു​ട​ക്കം. ആ​ദ്യ മ​ത്സ​ര​ത്തി​ൽ ബം​ഗ്ലാ​ദേ​ശി​നെ ആ​റ് വി​ക്ക​റ്റി​ന് തോ​ൽ​പ്പി​ച്ചാ​ണ് ഇ​ന്ത്യ ജൈ​ത്ര യാ​ത്ര​യ്ക്കു തു​ട​ക്കം കു​റി​ച്ചി​രി​ക്കു​ന്ന​ത്.

സ്കോ​ർ: ബം​ഗ്ലാ​ദേ​ശ് 228/10 (49.4) ഇ​ന്ത്യ 231/4(46.3). ആ​ദ്യം ബാ​റ്റ് ചെ​യ്ത് ബം​ഗ്ലാ​ദേ​ശ് ഉ​യ​ര്‍​ത്തി​യ 229 റ​ണ്‍​സി​ന്‍റെ വി​ജ​യ​ല​ക്ഷ്യം ശു​ഭ്മാ​ന്‍ ഗി​ല്ലി​ന്‍റെ സെ​ഞ്ചു​റി ക​രു​ത്തി​ല്‍ ഇ​ന്ത്യ മ​റി​ക​ട​ന്നു. 129 പ​ന്തി​ല്‍ 101 റ​ണ്‍​സു​മാ​യി പു​റ​ത്താ​കാ​തെ നി​ന്ന ഗി​ല്ലാ​ണ് ഇ​ന്ത്യ​യു​ടെ ടോ​പ് സ്കോ​റ​ര്‍.

കെ.​എ​ല്‍. രാ​ഹു​ല്‍ 41 റ​ണ്‍​സു​മാ​യി പു​റ​ത്താ​കാ​തെ നി​ന്ന​പ്പോ​ള്‍ ക്യാ​പ്റ്റ​ന്‍ രോ​ഹി​ത് ശ​ര്‍​മ (45), വി​രാ​ട് കോ​ഹ്‌​ലി (22) എ​ന്നി​വ​ർ മി​ക​ച്ച പ്ര​ക​ട​നം പു​റ​ത്തെ​ടു​ത്തു. നേ​ര​ത്തെ ടോ​സ് നേ​ടി ക്രീ​സി​ലി​റ​ങ്ങി​യ ബം​ഗ്ലാ​ദേ​ശി​നെ സെ​ഞ്ചു​റി​യു​മാ​യി തൗ​ഹി​ദ് ഹൃ​ദോ​യി(100)​ ആ​ണ് ഭേ​ദ​പ്പെ​ട്ട സ്കോ​റി​ലെ​ത്തി​ച്ച​ത്.

35-5 എ​ന്ന നി​ല​യി​ൽ ത​ക​ർ​ന്ന ബം​ഗ്ലാ​ദേ​ശി​നാ​യി തൗ​ഹി​ദ് ഹൃ​ദോ​യും ജേ​ക്ക​ര്‍ അ​ലി​യും ചേ​ർ​ന്നു​ള്ള ആ​റാം വി​ക്ക​റ്റ് 154 റ​ണ്‍​സ് നേ​ടി. ജേ​ക്ക​ര്‍ അ​ലി (68) അ​ർ​ധ​സെ​ഞ്ചു​റി നേ​ടി. ഇ​ന്ത്യ​യ്ക്കാ​യി ഷ​മി അ​ഞ്ചു​വി​ക്ക​റ്റു​ക​ള്‍ പി​ഴു​തെ​പ്പോ​ള്‍ ഹ​ര്‍​ഷി​ത് റാ​ണ മൂ​ന്നും അ​ക്‌​സ​ര്‍ പ​ട്ടേ​ല്‍ ര​ണ്ടും വി​ക്ക​റ്റു​ക​ള്‍ വീ​ഴ്ത്തി.

ശു​ഭ്മാ​ന്‍ ഗി​ല്ലി​നെ ക​ളി​യി​ലെ താ​ര​മാ​യി തെ​ര​ഞ്ഞെ​ടു​ത്തു. ബം​ഗ്ലാ​ദേ​ശി​നാ​യി റി​ഷാ​ദ് ഹൊ​സൈ​ൻ ര​ണ്ട് വി​ക്ക​റ്റെ​ടു​ത്തു. ഞാ​യ​റാ​ഴ്ച ചി​ര​വൈ​രി​ക​ളാ​യ പാ​ക്കി​സ്ഥാ​നെ​തി​രെ​യാ​ണ് ഇ​ന്ത്യ​യു​ടെ അ​ടു​ത്ത മ​ത്സ​രം.