പു​ൽ​പ്പ​ള്ളി: അ​മ​ര​ക്കു​നി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ഭീ​തി​വി​ത​ച്ച ക​ടു​വ കാ​ണാ​മ​റ​യ​ത്ത് ത​ന്നെ. ബു​ധ​നാ​ഴ്ച രാ​ത്രി​യി​ൽ തെ​ർ​മ​ൽ ഡ്രോ​ൺ ഉ​പ​യോ​ഗി​ച്ചു പ​രി​ശോ​ധ​ന ന​ട​ത്തി​യെ​ങ്കി​ലും ക​ടു​വ​യു​ടെ സാ​ന്നി​ധ്യം ക​ണ്ടെ​ത്താ​നാ​യി​ല്ല.

മാ​ങ്ങാ​പ്പാ​ടി, തൂ​പ്ര, അ​മ​ര​ക്കു​നി, ഊ​ട്ടി​ക്ക​വ​ല എ​ന്നീ ഭാ​ഗ​ത്താ​യി നാ​ലു കൂ​ടു​ക​ൾ സ്ഥാ​പി​ച്ചി​രു​ന്നു. അ​മ​ര​ക്കു​നി ഭാ​ഗ​ത്തു ക​ടു​വ​യെ ക​ണ്ടെ​ന്നു പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ൽ പ​രി​ശോ​ധ​ന ന​ട​ത്തി​യെ​ങ്കി​ലും ക​ടു​വ​യെ ക​ണ്ടെ​ത്താ​നാ​യി​ല്ല. ക​ഴി​ഞ്ഞ രാ​ത്രി ആ​ടി​നെ പി​ടി​ക്കാ​നും ക​ടു​വ എ​ത്തി​യി​ല്ല. ഇ​തോ​ടെ ക​ടു​വ തി​രി​കെ മ​ട​ങ്ങി​യെ​ന്ന സം​ശ​യ​ത്തി​ലാ​ണ് വ​നം​വ​കു​പ്പ്.

അ​തേ​സ​മ​യം, വ​ന​പാ​ല​ക​രു​ടെ ക​ൺ​മു​ന്നി​ൽ ക​ണ്ടു​കി​ട്ടി​യി​ട്ടും ക​ടു​വ​യെ മ​യ​ക്കു​വെ​ടി​വ​യ്ക്കാ​നാ​യി​ല്ലെ​ന്ന് ആ​രോ​പ​ണ​മു​യ​ർ​ന്നി​ട്ടു​ണ്ട്. ക​ടു​വ ബു​ധ​നാ​ഴ്ച പു​ല​ർ​ച്ചെ തൂ​പ്ര പെ​രു​മ്പ​റ​മ്പി​ൽ ച​ന്ദ്ര​ന്‍റെ ആ​ടി​നെ പി​ടി​കൂ​ടി​യ ശേ​ഷം ര​ണ്ടു​ത​വ​ണ വീ​ണ്ടും വീ​ട്ടു​മു​റ്റ​ത്തെ​ത്തി​യെ​ങ്കി​ലും സ്ഥ​ല​ത്തു​ണ്ടാ​യി​രു​ന്ന വ​ന​പാ​ല​ക​സം​ഘ​ത്തി​ന് മ​യ​ക്കു​വെ​ടി​യു​തി​ർ​ക്കാ​നാ​യി​ല്ല. ഇ​തി​നു പി​ന്നാ​ലെ പ്ര​ദേ​ശ​വാ​സി​ക​ൾ പ്ര​തി​ഷേ​ധം അ​റി​യി​ക്കു​ക​യും ചെ​യ്തു.