വ​ഡോ​ദ​ര: വെ​സ്റ്റ് ഇ​ൻ​ഡീ​സി​നെ​തി​രാ​യ ഏ​ക​ദി​ന പ​ര​മ്പ​ര തൂ​ത്തു​വാ​രി ഇ​ന്ത്യ​ൻ വ​നി​ത​ക​ൾ. വ​ഡോ​ദ​ര​യി​ൽ ന​ട​ന്ന മൂ​ന്നാ​മ​ത്തെ​യും അ​വ​സാ​ന​ത്തെ​യും മ​ത്സ​ര​ത്തി​ൽ അ​ഞ്ചു​വി​ക്ക​റ്റി​നാ​യി​രു​ന്നു ഇ​ന്ത്യ​ൻ ജ​യം. ആ​ദ്യം ബാ​റ്റ് ചെ​യ്ത വി​ൻ​ഡീ​സ് ഉ​യ​ർ​ത്തി​യ 163 വി​ജ​യ​ല​ക്ഷ്യം അ​ഞ്ചു​വി​ക്ക​റ്റും 130 പ​ന്തും ബാ​ക്കി​നി​ല്ക്കെ ഇ​ന്ത്യ മ​റി​ക​ട​ന്നു.

വെ​റും 31 റ​ൺ​സ് വ​ഴ​ങ്ങി ആ​റു​വി​ക്ക​റ്റ് വീ​ഴ്ത്തി​യ ദീ​പ്തി ശ​ർ​മ​യും 29 റ​ൺ​സ് വ​ഴ​ങ്ങി നാ​ലു​വി​ക്ക​റ്റ് വീ​ഴ്ത്തി​യ രേ​ണു​ക സിം​ഗു​മാ​ണ് വി​ൻ​ഡീ​സ് ബാ​റ്റിം​ഗ് നി​ര​യെ ചു​രു​ട്ടി​ക്കെ​ട്ടി​യ​ത്. 61 റ​ൺ‌​സെ​ടു​ത്ത ചി​നെ​ല്ലെ ഹെ​ൻ‌​റി​യാ​ണ് ടോ​പ് സ്കോ​റ​ർ. ഷെ​മെ​യ്ൻ കാം​പ്ബെ​ൽ (46), ആ​ലി​യ അ​ലെ​യ്ൻ (21) എ​ന്നി​വ​രൊ​ഴി​കെ മ​റ്റാ​ർ​ക്കും ര​ണ്ട​ക്കം പോ​ലും ക​ട​ക്കാ​നാ​യി​ല്ല.

മ​റു​പ​ടി ബാ​റ്റിം​ഗി​ൽ സ്മൃ​തി മ​ന്ഥാ​ന (നാ​ല്), ഹ​ർ​ലീ​ൻ ഡി​യോ​ൾ (ഒ​ന്ന്), പ്ര​തി​ക റാ​വ​ൽ (18), ക്യാ​പ്റ്റ​ൻ ഹ​ർ​മ​ൻ​പ്രീ​ത് കൗ​ർ (32), ജെ​മീ​മ റോ​ഡ്രി​ഗ​സ് (29) എ​ന്നി​വ​രു​ടെ വി​ക്ക​റ്റു​ക​ളാ​ണ് ഇ​ന്ത്യ​യ്ക്ക് ന​ഷ്ട​മാ​യ​ത്. 48 പ​ന്തി​ൽ മൂ​ന്നു ബൗ​ണ്ട​റി​ക​ളും ഒ​രു സി​ക്സ​റു​മു​ൾ​പ്പെ​ടെ 39 റ​ൺ​സെ​ടു​ത്ത ദീ​പ്തി ശ​ർ​മ​യും 11 പ​ന്തി​ൽ ഒ​രു ബൗ​ണ്ട​റി​യും മൂ​ന്നു കൂ​റ്റ​ൻ‌ സി​ക്സ​റു​മു​ൾ​പ്പെ​ടെ 23 റ​ൺ​സെ​ടു​ത്ത റി​ച്ച ഘോ​ഷും ചേ​ർ​ന്ന് അ​തി​വേ​ഗം ഇ​ന്ത്യ​യെ വി​ജ​യ​ത്തി​ലെ​ത്തി​ച്ചു.

വെ​സ്റ്റ് ഇ​ൻ​ഡീ​സി​നു വേ​ണ്ടി ഡി​യാ​ൻ​ഡ്ര ഡോ​ട്ടി​ൻ, ആ​ലി​യ അ​ലെ​യ്ൻ, ഹെ​യ്‌​ലി മാ​ത്യൂ​സ്, ആ​ഫി ഫ്ലെ​ച്ച​ർ, ക​രി​ഷ്മ റാം​ഹ​റാ​ക്ക് എ​ന്നി​വ​ർ ഓ​രോ വി​ക്ക​റ്റ് വീ​തം വീ​ഴ്ത്തി.