ചെ​ങ്ങ​ന്നൂ​ർ: സ​ര്‍​ക്കാ​ര്‍​ജോ​ലി വാ​ഗ്ദാ​നം ചെ​യ്ത് നി​ര​വ​ധി​പ്പേ​രി​ൽ​നി​ന്നാ​യി ഒ​രു കോ​ടി​യി​ലേ​റെ രൂ​പ​യും സ്വ​ർ​ണാ​ഭ​ര​ണ​ങ്ങ​ളും ത​ട്ടി​യെ​ടു​ത്ത കേ​സി​ൽ മു​ങ്ങി ന​ട​ന്ന യു​വ​തി പോ​ലീ​സ് പി​ടി​യി​ൽ.

ചെ​ങ്ങ​ന്നൂ‍​ർ താ​ലൂ​ക്കി​ലെ പു​ലി​യൂ​ർ സു​ജി​ത ഭ​വ​നി​ൽ മ​നോ​ജ് കു​മാ​റി​ന്‍റെ ഭാ​ര്യ സു​ജി​ത സു​രേ​ഷ് (39) ആ​ണ് അ​റ​സ്റ്റി​ലാ​യ​ത്. വ്യാ​ജ നി​ർ​മി​ത പി​എ​സ്‌​സി റാ​ങ്ക് ലി​സ്റ്റ് അ​ട​ക്കം വി​വി​ധ രേ​ഖ​ക​ൾ കാ​ണി​ച്ചാ​ണ് ഉ​ദ്യോ​ഗാ​ർ​ഥി​ക​ളെ ക​ബ​ളി​പ്പി​ച്ച​തെ​ന്നു പ​ല​രും പ​രാ​തി​യി​ൽ പ​റ​യു​ന്നു. താ​ൻ സ​ർ​ക്കാ​ർ ഉ​ദ്യോ​ഗ​സ്ഥ​യാ​ണെ​ന്നു വി​ശ്വ​സി​പ്പി​ക്കാ​ൻ സ്വ​യം നി​ർ​മി​ച്ച വ്യാ​ജ സ​ർ​വീ​സ് ഐ​ഡി കാ​ർ​ഡും ഇ​വ​ർ ഉ​ദ്യോ​ഗാ​ർ​ഥി​ക​ളു​ടെ മു​മ്പി​ൽ പ്ര​ദ​ർ​ശി​പ്പി​ച്ചി​രു​ന്നു.

മാ​ന്നാ​ര്‍ ബു​ധ​നൂ‍​ർ സ്വ​ദേ​ശി​യാ​യ യു​വ​തി​ക്ക് ആ​യു​ര്‍​വേ​ദ ആ​ശു​പ​ത്രി​യി​ലോ കേ​ര​ള വാ​ട്ട​ർ അ​ഥോ​റി​റ്റി​യി​ലോ സ​ര്‍​ക്കാ​ര്‍ ജോ​ലി വാ​ങ്ങി ന​ൽ​കാ​മെ​ന്നു പ​റ​ഞ്ഞ് വി​ശ്വ​സി​പ്പി​ച്ച് 2023 ഫെ​ബ്രു​വ​രി​യി​ൽ നാ​ലേ​കാ​ൽ ല​ക്ഷം രൂ​പ വാ​ങ്ങി​യെ​ടു​ത്ത​ശേ​ഷം നാ​ളി​തു​വ​രെ പ​ണം തി​രി​കെ കൊ​ടു​ക്കു​ക​യോ ജോ​ലി ന​ൽ​കു​ക​യോ ചെ​യ്യാ​തെ വ​ഞ്ചി​ച്ച​തി​ന് ചെ​ങ്ങ​ന്നൂ​ര്‍ പോ​ലീ​സ് സ്റ്റേ​ഷ​നി​ൽ ര​ജി​സ്റ്റ​ര്‍ ചെ​യ്ത കേ​സി​ലാ​ണ് പ്ര​തി ഇ​പ്പോ​ൾ അ​റ​സ്റ്റി​ലാ​യ​ത്.

താ​നും ആ​യു​ര്‍​വേ​ദ ആ​ശു​പ​ത്രി​യി​ലെ ജോ​ലി​ക്കാ​രി​യാ​ണെ​ന്നും പ​ണം കൊ​ടു​ത്താ​ണ് ജോ​ലി​യി​ൽ ക​യ​റി​യ​തെ​ന്നും പ്ര​തി കേ​സി​ലെ ആ​വ​ലാ​തി​ക്കാ​രി​യെ പ​റ​ഞ്ഞു വി​ശ്വ​സി​പ്പി​ച്ചു. പു​ലി​യൂ​ര്‍ സ്വ​ദേ​ശി​യാ​യ മ​റ്റൊ​രു യു​വ​തി​യു​ൾ​പ്പെ​ടെ നി​ര​വ​ധി പ്പേ​രെ സ​മാ​ന രീ​തി​യി​ൽ വ​ഞ്ചി​ച്ച​തി​ന് പ്ര​തി​ക്കെ​തി​രേ ചെ​ങ്ങ​ന്നൂ​ർ, വെ​ൺ​മ​ണി പോ​ലീ​സ് സ്റ്റേ​ഷ​നു​ക​ളി​ലാ​യി കേ​സു​ക​ളു​ണ്ട്.

തൊ​ഴി​ൽ വാ​ഗ്ദാ​ന​ത്തി​നു പു​റ​മേ താ​ൻ ചെ​ങ്ങ​ന്നൂ​രി​ലെ ഒ​രു കെ​ട്ടി​ട നി‍​ർ​മാ​ണ​ക്ക​മ്പ​നി​യു​ടെ​യും സ്വ​കാ​ര്യ സാ​മ്പ​ത്തി​ക ഇ​ട​പാ​ട് സ്ഥാ​പ​ന​ത്തി​ന്‍റെ​യും പാ​ര്‍​ട്ണ​ർ ആ​ണെ​ന്നും ക​മ്പ​നി​യി​ൽ പ​ണം നി​ക്ഷേ​പി​ച്ചാ​ൽ ഷെ​യ​ർ വി​ഹി​തം ഉ​ൾ​പ്പെ​ടെ കൂ​ടു​ത​ൽ ലാ​ഭം ല​ഭി​ക്കു​മെ​ന്നും പ​റ​ഞ്ഞ് വി​ശ്വ​സി​പ്പി​ച്ച് പ​ല​രി​ൽ നി​ന്നാ​യി ല​ക്ഷ​ങ്ങ​ൾ ത​ട്ടി​യ തി​ന് മ​റ്റ് ര​ണ്ടു കേ​സു​ക​ളും പ്ര​തി​ക്കെ​തി​രേ​യു​ണ്ട്.

ഇ​ങ്ങ​നെ ക​ബ​ളി​പ്പി​ക്ക​പ്പെ​ട്ട ഏ​താ​നും പേ​രു​ടെ കേ​സു​ക​ൾ ഇ​പ്പോ​ൾ കോ​ട​തി​ക​ളു​ടെ മു​മ്പാ​കെ​യു​ണ്ട്. ഇ​തി​നു​പു​റ​മേ നി​ര​വ​ധി ചെ​ക്കു കേ​സു​ക​ളും പ്ര​തി​ക്കെ​തി​രാ​യു​ണ്ടെ​ന്നും പോ​ലീ​സ് അ​റി​യി​ച്ചു. ചെ​ങ്ങ​ന്നൂ​ര്‍ ഡി​വൈ​എ​സ്പി എം.​കെ. ബി​നു​കു​മാ‍​റി​ന്‍റെ നി‍​ർ​ദേ​ശാ​നു​സ​ര​ണം ചെ​ങ്ങ​ന്നൂ​ര്‍ എ​സ്എ​ച്ച്ഒ എ.​സി. വി​പി​ന്‍റെ നേ​തൃ​ത്വ​ത്തി​ൽ എ​സ​ഐ​മാ​രാ​യ മ​ധു​കു​മാ​ര്‍, ഗീ​തു, നി​ധി​ന്‍ രാ​ജ്, സീ​നി​യ‍​ർ സി​പി​ഒ ഹ​രി​കു​മാ​ര്‍, സി​പി​ഒ​മാ​രാ​യ ക​ണ്ണ​ൻ, ബി​ന്ദു എ​ന്നി​വ​രു​ടെ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

കോ​ട​തി​യി​ൽ ഹാ​ജ​രാ​ക്കി​യ ഇ​വ​രെ റി​മാ​ന്‍​ഡ് ചെ​യ്തു. അ​തേ​സ​മ​യം, കു​റ്റ​കൃ​ത്യ​ത്തി​ൽ യു​വ​തി​ക്കൊ​പ്പം മ​റ്റ് ആ​ർ​ക്കെ​ങ്കി​ലും പ​ങ്കു​ണ്ടോ​യെ​ന്ന കാ​ര്യം പോ​ലീ​സ് അ​ന്വേ​ഷി​ക്കു​ന്നു​ണ്ട്. പ്ര​തി​യു​ടെ ഭ​ർ​ത്താ​വി​നു പു​റ​മേ ചെ​ങ്ങ​ന്നൂ​രി​ലെ ഒ​രു ബി​സി​ന​സു​കാ​ര​നും ഉ​ൾ​പ്പെ​ടെ ചി​ല​രു​ടെ പേ​രു​ക​ൾ പ​രാ​തി​ക്കാ​രി​ൽ ചി​ല​ർ ആ​രോ​പി​ക്കു​ന്നു​ണ്ടെ​ങ്കി​ലും ഇ​ക്കാ​ര്യം സ്ഥി​രീ​ക​രി​ക്കാ​ൻ പോ​ലീ​സ് ത​യാ​റാ​യി​ട്ടി​ല്ല. പ്ര​തി​യെ സ​ഹാ​യി​ച്ച​വ​രു​ടെ കൂ​ട്ട​ത്തി​ൽ ഒ​രു മു​തി​ർ​ന്ന പോ​ലീ​സു​കാ​ര​ന്‍റെ പേ​രും പ​റ​ഞ്ഞു കേ​ൾ​ക്കു​ന്നു.