ന്യൂ​ഡ​ൽ​ഹി: റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ പു​തി​യ ഗ​വ​ർ​ണ​റാ​യി സ​ഞ്ജ​യ് മ​ൽ​ഹോ​ത്ര ഇ​ന്നു സ്ഥാ​ന​മേ​ൽ​ക്കും. മൂ​ന്നു വ​ർ​ഷ​ത്തേ​ക്കാ​ണ് നി​യ​മ​നം. നി​ല​വി​ലെ ഗ​വ​ർ​ണ​ർ ശ​ക്തി​കാ​ന്ത ദാ​സ് ചൊ​വ്വാ​ഴ്ച സ്ഥാ​ന​മൊ​ഴി​ഞ്ഞി​രു​ന്നു.

ഡോ​ള​റി​നെ​തി​രേ രൂ​പ​യു​ടെ മൂ​ല്യ​ത്തി​ലെ ഇ​ടി​വ്, പ​ണ​പ്പെ​രു​പ്പ നി​യ​ന്ത്ര​ണം, സാ​ന്പ​ത്തി​ക വ​ള​ർ​ച്ച​യു​ടെ മാ​ന്ദ്യം തു​ട​ങ്ങി​യ വെ​ല്ലു​വി​ളി​ക​ളെ രാ​ജ്യം നേ​രി​ടു​ന്ന ഘ​ട്ട​ത്തി​ലാ​ണ് റ​വ​ന്യു സെ​ക്ര​ട്ട​റി സ​ഞ്ജ​യ് മ​ൽ​ഹോ​ത്ര​യു​ടെ നി​യ​മ​നം.

1968 ഫെ​ബ്രു​വ​രി 14ന് ​ബി​ക്ക​നേ​റി​ലാ​ണ് സ​ഞ്ജ​യ് മ​ൽ​ഹോ​ത്ര ജ​നി​ച്ച​ത്.1990 ബാ​ച്ച് രാ​ജ​സ്ഥാ​ൻ കേ​ഡ​ർ ഐ​എ​എ​സ് ഓ​ഫീ​സ​റാ​ണ് മ​ൽ​ഹോ​ത്ര. 26-ാമ​ത് ആ​ർ​ബി​ഐ ഗ​വ​ർ​ണ​റാ​കു​ന്ന മ​ൽ​ഹോ​ത്ര കാ​ൺ​പൂ​രി​ലെ ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി​യി​ൽ​നി​ന്നാ​ണ് കം​പ്യൂ​ട്ട​ർ സ​യ​ൻ​സി​ൽ എ​ൻ​ജി​നി​യ​റിം​ഗ് ബി​രു​ദം നേ​ടി. യു​എ​സി​ലെ പ്രി​ൻ​സ്റ്റ​ണ്‍ യൂ​ണി​വേ​ഴ്സി​റ്റി​യി​ൽ​നി​ന്ന് പ​ബ്ലി​ക് പോ​ളി​സി​യി​ൽ ബി​രു​ദാ​ന​ന്ത​ര ബി​രു​ദ​വും നേ​ടി​യി​ട്ടു​ണ്ട്.

33 വ​ർ​ഷ​ത്തെ ത​ന്‍റെ ക​രി​യ​റി​ൽ, വൈ​ദ്യു​തി, ധ​ന​കാ​ര്യം, നി​കു​തി, ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി, ഖ​നി​ക​ൾ തു​ട​ങ്ങി വി​വി​ധ മേ​ഖ​ല​ക​ളി​ൽ അ​ദ്ദേ​ഹം പ്ര​വ​ർ​ത്തി​ച്ചി​ട്ടു​ണ്ട്.

2022 ഒ​ക്‌​ടോ​ബ​ർ മു​ത​ൽ ധ​ന​മ​ന്ത്രാ​ല​യ​ത്തി​ൽ റ​വ​ന്യു സെ​ക്ര​ട്ട​റി​യാ​യി പ്ര​വ​ർ​ത്തി​ക്കു​ക​യാ​ണ്. മു​ൻ​പ് ധ​ന​കാ​ര്യ മ​ന്ത്രാ​ല​യ​ത്തി​ന് കീ​ഴി​ൽ ത​ന്നെ​യു​ള്ള ഫി​നാ​ൻ​ഷ​ൽ സ​ർ​വീ​സ​സ് വ​കു​പ്പി​ൽ സെ​ക്ര​ട്ട​റി പ​ദ​വി വ​ഹി​ച്ചി​രു​ന്നു.