ന്യൂ​ഡ​ൽ​ഹി: അ​ലി​ഗ​ഡ് മു​സ്‍​ലിം സ​ർ​വ​ക​ലാ​ശാ​ല​യു​ടെ ന്യൂ​ന​പ​ക്ഷ പ​ദ​വി റ​ദ്ദാ​ക്കി​യ അ​ല​ഹാ​ബാ​ദ് ഹൈ​ക്കോ​ട​തി വി​ധി സു​പ്രീം കോ​ട​തി റ​ദ്ദാ​ക്കി.

ന്യൂ​ന​പ​ക്ഷ സ്ഥാ​പ​ന​മാ​ണോ എ​ന്ന​ത് അ​തി​ന്‍റെ സ്ഥാ​പ​ക​ർ ആ​രെ​ന്ന​തി​നെ അ​ടി​സ്ഥാ​ന​മാ​ക്കി​യാ​ണെ​ന്നും നി​യ​മ​പ്ര​കാ​രം സ്ഥാ​പി​ച്ചു​വെ​ന്ന​തു​കൊ​ണ്ട് ഒ​രു സ്ഥാ​പ​ന​ത്തി​ന്‍റെ ന്യൂ​ന​പ​ക്ഷ പ​ദ​വി ന​ഷ്ട​മാ​കു​ന്നി​ല്ലെ​ന്നും ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ഏ​ഴം​ഗ ഭ​ര​ണ​ഘ​ട​ന ബെ​ഞ്ച് ഭൂ​രി​പ​ക്ഷ വി​ധി​യി​ലൂ​ടെ (4-3) വ്യ​ക്ത​മാ​ക്കി.

ബെ​ഞ്ചി​ലെ നാ​ല് അം​ഗ​ങ്ങ​ൾ പി​ന്തു​ണ​ച്ച ഭൂ​രി​പ​ക്ഷ വി​ധി ചീ​ഫ് ജ​സ്റ്റീ​സ് ച​ന്ദ്ര​ചൂ​ഡ് എ​ഴു​തി. അ​തേ​സ​മ​യം, അ​ലി​ഗ​ഡി​ന്‍റെ ന്യൂ​ന​പ​ദ​വി തി​രി​ച്ചു ന​ൽ​കു​ന്ന​തി​ൽ ബെ​ഞ്ച് തീ​ർ​പ്പു പ​റ​ഞ്ഞി​ല്ല. ഇ​ക്കാ​ര്യം, പു​തി​യ ചീ​ഫ് ജ​സ്റ്റീ​സ് നി​യോ​ഗി​ക്കു​ന്ന പു​തി​യ റെ​ഗു​ല​ർ ബെ​ഞ്ചി​നു വി​ട്ടു.

1981-ൽ ​കേ​ന്ദ്ര സ​ർ​ക്കാ​ർ അ​ലി​ഗ​ഡ് സ​ര്‍​വ​ക​ലാ​ശാ​ല​ക്ക് ന്യൂ​ന​പ​ക്ഷ പ​ദ​വി ന​ൽ​കി​യ​ത്. 2006ൽ ​അ​ല​ഹ​ബാ​ദ് ഹൈ​ക്കോ​ട​തി പ​ദ​വി റ​ദ്ദാ​ക്കി​യി​രു​ന്നു. ഇ​തി​നെ​തി​രാ​യ ഹ​ർ​ജി​ക​ൾ 2019ൽ ​സു​പ്രീം കോ​ട​തി​യു​ടെ മൂ​ന്നം​ഗ ബെ​ഞ്ച് ഏ​ഴം​ഗ ബെ​ഞ്ചി​ന് വി​ട്ടു. ‌‌

കേ​ന്ദ്ര നി​യ​മ നി​ർ​മാ​ണ​ത്തി​ലൂ​ടെ സ്ഥാ​പി​ത​മാ​യ​തി​നാ​ൽ ന്യൂ​ന​പ​ക്ഷ സ്ഥാ​പ​ന​മ​ല്ല എ​ന്നാ​യി​രു​ന്നു കേ​ന്ദ്ര സ​ർ​ക്കാ​രി​ന്‍റെ വാ​ദം.